சிந்தனை சிறகினிலே

என் முதுகிலுள்ள அழுக்கை அகற்றிவிட்டு உங்களிடம் வருகிறேன்

2011-05-21T22:15:00.000-07:00

இன்று எங்கு பார்த்தாலும் ஒருவர் இன்னொருவரை குறை கூறுவதும் இன்னொருவர் மற்றொருவரை குறை கூறுவதுமாக தொடர்கின்றதே தவிர தன் குறைகளை இனங்கண்டு அவற்றை அகற்றுவார் மிக குறைவாகவே இருக்கின்றனர். இவ்வாறான சந்தர்ப்பங்களை அசைப்போட்டதில் அருவருப்பு தன்மை சூடிக்கொண்டது.

உண்மை தான் இன்று பொதுவாக ஆண்களே தவறு செய்பவர்களாக சுட்டிக்காட்டப்படுகின்றார்கள் பெண்கள் விடயத்தில் ஆண்கள் மோசமானவர்கள் அப்படி இப்படி எல்லாம் கதைக்கின்றார்கள் ஆனால் ஆண்களில் மட்டுமல்ல பெண்களிலும் தவறு செய்பவர்கள் இருக்கவே செய்கின்றார்கள் என்பதே என் வாதம் (இங்கு தவறு செய்யும் பெண்களை மட்டுமே குறிப்பிட்டுள்ளேன்) என்னடா ஒரு பெண்ணாக இருந்து கொண்டு தன்னினத்தைப் பற்றியே குறைக்கூறுகின்றாளே என நினைக்கின்றீர்களா? யார் செய்தால் என்ன தவறு தவரு தானே...? அதிலென்ன ஆண் பெண் என்ற பேதம்???

என்ன சம்பந்தமில்லாமல் பேசிக்கொண்டிருக்கின்றாள் என யோசிக்கின்றீர்களா? விடயத்தோடு தான் பேசுகின்றேன் ஆம் கடந்த சில மாதங்களாக எனது நண்பர் ஒருவருக்கு ஒரு பெண் தொடர்ச்சியாக இரவு வேளைகளில் தொலைப்பேசியில் அழைத்துக்கொண்டிருந்தாள் ஆனால் அந்த குறித்தப்பெண் யார் என்பது சார்பான தகவல்கள் எதனையும் என் நண்பன் அறிந்திருக்கவில்லை மேலும் அவர் யார் என்பதனை அடையாளம் காண வேறு நண்பர்கள் மூலமாக அழைப்பேற்படுத்தியதில் ஆண்கள் யாராவது பேசும்போது மாத்திரம் உரையாடலை தொடர்வதும் பெண்கள் யாராவது அழைத்தாள் தொடர்பைத் துண்டிப்பதுமாக இருந்தாள் எனவே இவர் சார்பாக மேலும் ஆராய்ந்ததில் அவர் கல்யாணமானவர் என்பதும் ஒரு குழந்தைக்கு தாய் என்பதும் தெரியவந்தது மேலும் அவர் கணவர் வெளிநாட்டில் தொழில் புரிபவர் என்பதும் குறிப்பிடத்தக்கது.

இங்கே ஆச்சரியப்பட வேண்டியது யாதெனில் இவர் இரு தொலைப்பேசி இலக்கங்களை வைத்துக்கொண்டு பல ஆண்களுடன் உரையாடி இருக்கின்றார் என்பதும், தவறான குறுஞ்செய்திகள் அனுப்புவதுடன், முகப்புத்தகத்திலும் உரையாடி வந்திருக்கின்றார் எனபதும் குறிப்பிடத்தக்கது.

இவ்வாறு ஆதார பூர்வமாக பெண்கள் செய்யும் தவறுகள் நிரூபிக்கப்பட ஏன் ஆண்கள் மீது மட்டும் குற்றம் சுமத்த வேண்டும்? இவர் குறித்து இவரது கணவருக்கு தெரியப்படுத்தலாமா? அவ்வாறு தெரியப்படுத்துவதனால் அந்த சிறு குழந்தையின் எதிர்காலம் கேள்விக்குறியாகிவிடுமா? இவ்வாறான பெண்களுக்கு எத்தகைய தண்டனைகளை வழங்கலாம் என்பதை பின்னூட்டுங்கள் நண்பர்களே

இதயம் பேசுகிறது

2011-01-04T23:16:00.001-08:00

இளமை மறந்து இரவுகளோடு இருண்டு போன

நாட்களைக் கடந்து இதயங்கள் பேசிக்கொள்ளும்

காலம்..... இது இனிமை காலம்!

தனிமைச்சிறை தன்னை கவ்விக் கவ்வி

தலையாட்டிச் சென்றதொரு காலம்

அது இறந்த காலம்!

இழப்புக்கள் இடியென தாக்க...

இன்பத்தின் சுவடுகள் மறைய...

இருதயம் நொருங்கிப்போன தடயங்கள் ஏராளம்

அவன் இருப்பான் இவன் இருப்பான் சொல்லிச் சொல்லி

கடந்து வந்தேன் சொல்லாமல் எவனிருப்பான்? என்று

ஏங்கியதொரு காலம் - அது கடந்த காலம்!

நரகமும் சொர்க்கமயம் விசமதும் அமிர்த உணவு

அகிம்சைகள் அணைத்துக் க்ஒண்டு அன்பதோ என்னை ஆளும்

அழகிய காலம் அது என்னோடு நீ இருக்கும் நிகழ்காலம்!

மீண்டும் மீண்டும் வேண்டும் இந்த இனிமை காலம்

நிஜங்களை என்னில் ஏந்திக்கொள்ள...!

அன்பே நீ வருவாயா...?

2011-01-03T20:28:00.000-08:00

மறுத்துப்போன உணர்வுகளை சுமந்து

உதிரம் சிந்திய என் இதயத்தூடும்

உலாவரும் உனக்காக

எழுதுகின்றேன் ஒரு கடிதம்

பதில் கூட வினா தொடுக்கும்

வேள்விகள் அரங்கேறியதில்

உள்மன ஓலங்கள்

மௌனமாய் மறைந்தன

தவிப்போடு தடுமாறிய கணங்களில்

தலைசாய்க்க மடி தேடியதில்

தோற்றுப்போன என் மனவலியை

தலையணையைத் தாண்டி யார் அறிவார்?

உனைத் தேடி உனைத்தேடி

உரிமைப்போர் நிகழ்த்தி தோற்ற

விம்மலின் ஏக்கத்தோடே தூக்கம் தொலைத்தது

என் எத்தனை இரவுகள்?

இறுகிப்போன மனதினில்

இறுக்கி வைத்த உன்னன்பில்

இளைப்பாற இன்றும் துடிக்கிறேன்

அன்பே நீ வருவாயா...?

விந்தை உலகில் விழித்தெழு மனிதா....!

2011-01-03T00:02:00.000-08:00

"சராசரியாக ஒரு மனிதன் தன் வாழ்நாளில் ஆறு ஆண்டுகள் கனவுகாண்பதில் செலவழிக்கி

றான்" என்று ஆய்வுகள் கூறுகின்றன. அன்றாடம்எம்மவர்கள் மத்தியில் பரிமாறப்படுவது தான் இது சார்ந்த தகவல்கள்என்றாலும் கனவு என்பது உண்மையா? என்ற சந்தேகம் பெரும்பாலும் இன்றுவரை காணப்படவே செய்கின்றது. அதனிலும் கனவு கலர் கலராகவருகின்றனவா...? அல்லது பிளாக் & வைட்டாக வருகின்றனவா..?என்றெல்லாம் பலவாறான சந்தேகங்கள் காணப்படவே செய்கின்றது. மேலும்கனவு ஏன், எதனால், எப்போது ஏற்படுகின்றது? கனவு காண்பதென்பது ஒருகுறைபாடா என்பதான சந்தேகங்கள் தொடரவே செய்கின்றன.

இது சார்ந்த சில தகவல்களை ஆராய்வோம். கனவு என்பது ஒருவர் தூங்கும்பொழுது அவரது மனதில் எழும் மனப் படிமங்கள், காட்சிகள், ஓசைகள்,உணர்வுகள், நிகழ்வுகளைக் குறிக்கிறது. ஒருவர் கனவு காணும் பொழுது அவரதுகண்களின் அசைவுகள் காணப்படுவது அவதானிக்கப்பட்டுள்ள போதிலும் கனவுஎன்றால் என்ன என்பது தொடர்பாக ஒரு பூரண அறிவியல் புரிதலை இன்றுவரை அடைந்தபாடில்லை.

ஒரு நபர் சிறிது நேரம் ஏதாவது சிந்தனையில் இருப்பாராயின் அவரிடமும்கனவு காண்கின்றாயா என்ற கேள்வியை தொடுக்கின்றோம். மற்றும் ஆழ்ந்தஉறக்கத்தில் விழிப்பவர்கள் கனவு கண்டதாக ஏதாவது சந்தர்ப்பத்தை முன்வைப்பார்கள் இதில் எதை உண்மையில் கனவு என்கின்றோம் என்ற புதியசந்தேகமும் மூளைக்குள் பிசைகின்றதா? ஆம் கனவை இருவகைப்படுத்தலாம்.

முதலாம் வகை ஆழ்ந்த உறக்கத்தில் இருக்கும் போது கண்களுக்குள் ஏதோ ஒருநிகழ்வு படமாக முன்னகர்தல் இரண்டாமது நம் எதிர்காலம் குறித்து நாம்இப்படித் தான் வாழ வேண்டும், இப்படியான செயல்களை செய்ய வேண்டும் எனஇலட்ச்சியங்களை வளர்த்துக் கொள்வதோடு அதனை அடையும்வழிமுறைகளை சிந்தித்து அதனை அடைய முயலலும் ஆகும்.

மேலும் சமய ரீதியாகவும், விஞ்ஞன ரீதியாகவும் வெவ்வேறான பலகருத்துக்கள் கனவு தொடர்பாக முன்வைக்கப்பட்டுள்ளது. அதாவது மூளைக்குசெல்லும் முக்கியமான உணர்வு நரம்புகளில் மின்னூட்டம் ஏற்படுவதன் மூலம்கனவுகள் வருவதாக விஞ்ஞன ஆய்வுகள் கூறினாலும் கனவுகள் ஆழ்மனதில்படிந்து கிடக்கும் எண்ணங்களின் வெளிப்பாடுகள் என்றும், இயலாமைகளின்வெளிப்பாடுகள் என்றும், நமது ஆசைகளின் பிரதிபலிப்புகள் என்றும், நமதுகுணாதிசயத்தைக் கண்டுபிடிக்க உதவும் காரணிகள் என்றும் ஏகப்பட்டவிவாதங்களும் ஆராய்ச்சிகளும் உலக அளவில் பல நூற்றாண்டுகளாக நடந்துகொண்டே இருக்கின்றன என ஒரு தரப்பினரும் சமய ரீதியாக எதிர்காலத்தில்நிகழவிருக்கும் சம்பவங்களை முன்கூட்டியே அறிவிக்கும் அபூர்வ சக்தி கனவுஎன்றும், அவற்றிற்கான சான்றுகள் உள்ளன என இன்னொரு தரப்பினரும்கூறுகின்றனர்.

சிலர் ஏதோ ஒன்றை கண்டதாக உணர்ந்து திடுக்கிட்டு அசைவர் ஆனாலும் என்னஎன்பதை மறந்ததாக கூறுவர். மற்ற சிலர் ஏதோ படக்கதை போல சொல்லிக்கொண்டே போவார்கள். மற்றவர்கள் தான் முதல் நாள் கண்ட கனவு மறு நாளும்தொடர்வதாக கூறுவார்கள் இவ்வாறான தன்மையை கண்டினியூவல்ஆக்டிவேஷன் என்று அழைக்கின்றனர். இன்னும் சிலர் தனக்கு கனவேவருவதில்லையே என புலம்பிக் கொள்வார்கள். இதற்கெல்லாம் காரணம் அவர்அவர் மூளையின் அதிரடி செயற்பாடே என்கின்றது இன்னொரு ஆய்வு. ஆம்அரைவாசி உறக்கத்திலுள்ள மூளை தான் கனவுகளின் அடிப்படைக் காரணம்என்று பொதுவாக ஆராய்ச்சியாளர்கள் நம்புகிறார்கள். அப்படிப்பட்ட நேரங்களில்காணும் கனவுகள் தான் நினைவில் இருக்கின்றன எனவும், மறந்து போய்விடும்கனவுகள் மூளை நல்ல உறக்கத்தில் இருக்கும் போது பிறப்பது எனவும்கூறுகின்றார்கள்.

கண்களின் அசைவை வைத்தே நாம் எந்த நேரத்தில் எவ்வகையான கனவைகாண்கின்றோம் என அறியலாம் என்பதை முதன்முதலில் கண்டறிந்தஅஸெரின்ஸ்கி 1953 ல் இவ்வாராய்ச்சியை உலகிற்கு அறிமுகப்படுத்தினார்.மேலும் பலர் இது தொடர்பான ஆய்வுகளை இன்று வரை நிகழ்த்திக் கொண்டேஇருக்கின்றார்கள். என்றாலும் மனதின் பயமோ, மன அழுத்தமோ, ஆழ் மனதில்பதிந்து போன ஆசைகளும் எம் அன்றாட வாழ்வின் நிகழ்வுகளோடுஒத்துப்போகின்ற போது தான் கனவாக வருகின்றது என்ற பொதுவான கருத்தும்காணப்படுகின்றது. அதாவது அதிகமாக நாம் எதைப்பற்றி சிந்திக்கின்றோமோஅதுவே கனவாக வருகின்றது. ஏதோ ஒரு தீவிரமான உணர்ச்சியின்வெளிப்பாடே கனவாக அமைகின்றதாம். அதனிலும் ஆண்கள் காணும்கனவுக்கும் பெண்கள் காணும் கனவுக்கும் அனேக வித்தியாசங்கள்இருப்பதாகவும் கண்டறியப்பட்டுள்ளது.

இவ்வாறு கனவுகள் பல்வேறான கோணங்களில் வெவ்வேறான கருத்துக்களைக்கொண்டு வகைப்படுத்தப்படுகின்றது. நல்ல கனவுகளால் மன மகிழ்ச்சிகிடைத்தாலும் சில தீவிரமான கனவுகளால் அசம்பாவிதங்கள் நிகழ்ந்ததேஏராளம். எனவே இந்த கனவு காணலை விளக்கி அன்றாட வாழ்வோடு ஒட்டிஉறவாட உங்களுக்கான யோசனைகள் சில

** மனதை எப்போதும் தூய்மையாக வைத்துக் கொள்ளல்

** தேவையற்ற விடயங்களைப் பற்றிய சிந்தனைகளைத் தவிர்த்தல்

** தினமும் குறித்த நேரத்திலேயே படுக்கைக்கு செல்ல பழகிக் கொள்ளல். அதேபோல குறித்த நேரத்திலேயே விழித்தெழல்

** மெல்லிய இசை கேட்டல்

** ஆரோக்கியமான நல்ல புத்தகங்களை வாசித்தல்

** உடலையும், மனதையும், தூங்கும் சூழலையும் தூய்மையாக வைத்துக்கொள்ளல்

** படுக்கையை வசதியானதாக அமைத்துக் கொள்ளல் (தலையணை, விரிப்பு)

** தூங்குவதற்கான சூழல் இருக்கின்றதா எனப்பார்த்துக் கொள்ளல் (அமைதியானஇருளான அமைப்பு)

** தூங்கச் செல்வதற்கு முன் சிறிது தூரம் நடை பயிற்சி செய்தல்

** இரவு உணவை முடித்துக் கொண்டதுமே உறக்கத்தை தேடாமல் சிறிதுநேரத்தின் பின் படுக்கைக்கு செல்லல்.

** குடிப்பழக்கத்தை தவிர்த்தல்

இவ்வாறான சில பழக்கங்களை வழக்கமாக்கிக் கொண்டால் கனவு எனும் பயங்கரத்திலிருந்து தப்பித்து ஆழ்ந்த உறக்கத்தை நிம்மதியாக அடையலாம்.

நன்றி இருக்கிறம்

LOVE LINES

2010-10-20T03:25:00.000-07:00

Oh my Dear! Am Wondering…..

Yes! Still am wondering about the precious life with you

Unexpectedly, you came to my life as a great friend

Unconditionally became a best part on me

I know, when you read those lines

You will be laugh out & think I’m joking

But believe this my love; this isn’t a lyrics

This is a real thought from a small heart

With lots of love

Sometimes you will throw this as a paper

But just remember this is my heart

It’s only beating for you

Just for you

I couldn’t include my feelings in these lines

And I don’t know to express, how my love growing for you

And what inside me is real

But am sure one day let you will know my love

And Search me as am searching you

Yes! I mean it darling

Just smile for me

Memories of you hugging me everyday

Moment I spent with you are the real risen in life

Dear.. my mind won't settle without you

Love me as am loving you

You can just throw me out

But how you will erase my thoughts

Its spared with your breath dear

You've become a part of who I am

Don’t let me down my love

You are the right choice of mine

Only You are me

Believe me all i say is true!

மெழுகா.... நான்...???

2010-09-28T00:15:00.000-07:00

வாழ்வு இருண்ட என்னை- நீ
மடி சாய்த்த நொடியில்
மபுணிப்பு மறைந்தது!

கவலைச் சிறை எனை விடுத்து
களிப்பு என் இதயக்கதவை
அணைத்துக் கொண்டது!

மெல்லத் தெளிந்த
என் மனதில் - மேன்மை
உருவம் நீ...!

செல்லம் கொஞ்சும் உன்
சிரிப்பில் கலந்த
நெஞ்சம் இன்பக்கோர்வை !

கானல் தான் இனிமையோ
இரு நாட்களில் இடிந்த - என்
இதயத்தை வலிகள் சூழ்ந்தன

அன்பனே...!
உயிர் சொரியும் - உன்
இனிய வார்த்தைகள்
எங்கோ தொலைந்து....;

மனம் கணக்கும்
மௌன பாஷைகள்
மொழியானதால்....;

உன்னன்பு கரம் பற்றி
உயிர் பெற்ற நானோ
சிலையாகிறேன்!

இன்று
மெழுகாய் நான்
உருக்கும் சுடராய் நீ!

அந்தி சாயும் பொழுதுகளும் அர்த்தப்பட்டுப் போகின்றன!

2010-09-10T01:52:00.001-07:00

அதிகாலை துயிலலில்

பனித்துளிகள் பட்டு நீராடும்

புல்வெளியை தென்றல் தொட்டு

செல்லும் வருடல் போலவே..,

வலிகள் தாங்காமல்

நொறுங்கும் என் இதயத்தை

சேர்வையாக்கி கோர்வை

செய்யுது உன் அன்பு!

வேண்டும் என துடித்து

விரும்பிப் பெற்ற விரத தவத்தின்

பரிசுகள் என்னை பகடையாக்கி

பார்த்து சிரித்து மகிழ்ந்திட..,

மெல்லிய தூரல்களே

சிலிர்க்க வைக்கும் என்னில்

அடை மழையின் சாரல் பட்டும்

தெப்பமாய் வெப்பம் உள்ளே!

என்றாலும்;

கவலைகளை சுமந்து

வெம்பும் நொடிகள் தாண்டி

அந்தி சாயும் பொழுதுகளும்

அர்த்தப்பட்டுப் போகின்றன..;

நெஞ்சோடு நீ இருப்பதால்!

"சந்தீயும் சமதனாமம் நிறைந்த ஈனிய தேசம் ஓன்றை காட்டி எழூப்பூவன்"

2010-09-08T03:06:00.000-07:00

சுபீட்சம் நிறைந்த
சுந்தர நாட்டில் - தமிழரின்
சுந்தரப் புன்னகை மட்டும்
தொலைவில் கருவாக!

இரத்த பூமி பார்த்த
கண்களில் வற்றிப் போனது கண்ணீர்
ஏனோ மனது மட்டும்
இன்னும் மரணித்தே!

தீவிரவாதம் கொலை செய்யப்பட்டதாய்
சந்தோச கோஷம் எழுப்புது ஆட்சி
தமிழரின் உணர்வு கொலைகளுக்கும்
சேர்த்தே!

அது தெரியாமல் இன்னும் நம்மில் பலர்
அவர்களும் தமிழர்கள்!

எல்லோருக்கும் சமவுரிமை
பகிர்ந்தளிக்கப்படுவதாய்
சொல்லிச் சொல்லியே
பறிக்கப்பட்டது தமிழரின் உரிமை!

அழிக்கப்பட்டுப் போனது
தமிழரின் வாழ்விடங்கள்
குடியமர்த்தப்பட்டதென்னமோ
சகோதர இனம்!

அகதிமுகாம்கள் அகற்றப்பட்டாலும்
அகதித் தமிழன் வாசகம் மட்டும்
அடிக்கொரு முறை கூவலாக!

எதிர்காலத்தில் எம் பிள்ளைகளும்
அவர்களை அடையாளப்படுத்திக் கொள்ள
இந்த வாசகம் புதிய அரசியலமைப்பிற்கூடாக
அவசியமாக்கப்படலாம் ஐயமில்லை!

சில்லென்ற காற்றும் சீறிப் பாய்கின்றது
முடக்கப்பட்ட தமிழரின் நிலையைக் கண்டு!

ஏனோ சிறைப்பிடிக்கப்பட்டது
ஒவ்வொரு தமிழரின் தமிழ் உணர்வுகளும் தான்
ஏங்கித் தவிக்குது மனசு
ஏக்கங்களை சுமந்து கொண்டே!

அடிபட்டும் மிதிபட்டும்
எண்ணிக்கை மறந்து - தம்
உயிர்களைத் தொலைத்து
வாழும் போது நெஞ்சிலிருந்த தெம்பு
இன்று தேம்பி அழுது
அரவம் செய்யவே அலறுகின்றது!

தனித்திருக்கும் நொடியில்
தண்டவாள ரயில்
நெஞ்சைப் பிளந்துவிட்டுப் போகின்றது
தமிழா...! நீ உன் ஒற்றுமையின்மையால்
உன் உறவுகளை மட்டுமல்ல
உயிர் தேசத்தையும் தொலைத்தவன் என்று!

பெருஞ் சத்தத்தோடு வந்து போகும்
இடியின் ஓசை காதில் ஒலிக்கும் போதெல்லாம்
இறந்தாலும் எம்மில் இறவாமல் வாழும்
தமிழரின் ஓலங்கள் அதைவிட
சத்தத்தோடு என் காதுகளில்!

அத்தனை உயிர்களையும்
புசித்து சுவைத்த களைப்பில்
அமர்ந்திருக்க உனக்கு
வருடங்கள் ஈரொன்பது தேவைப்படுகின்றது!

"நாம் எல்லரும் ஓரு தாய் மக்காள்
சாதி மாத பெதமீன்றீ
சந்தீயும் சமதனாமம் நிறைந்த
ஈனிய தேசம் ஓன்றை காட்டி எழூப்பூவன்"

ஒவ்வொரு முறையும்
கொச்சைத் தமிழில்
இத்தகை வார்த்தைகளைக்
கேட்கும் போதெல்லாம்
நெஞ்சு கனக்கிறது!

இன்னும் நீ கட்டியெழுப்ப
என்ன இருக்கின்றது
எங்கள் உயிர்களை உயிரோடிருக்கும் போதே
சாகடித்துக் கொண்டு...!

எங்களுக்கேதும் செய்துவிட வேண்டாம்
உன் பிச்சையில் வாழ
நாங்கள் எச்சுத் தமிழரல்ல
எங்களை நாங்களாகவே வாழவிடு
அது போதும் அது மட்டும் போதும்!

நினைவுச் சாரல்

2010-09-06T03:40:00.000-07:00

இருள் வான நிலா மகள்
என் ஜன்னலோரம்
கண் சிமிட்டிப் போனாள்!

இடை நடுவாய் இளம் தென்றல்
குளிர்மையை குடித்துவிட்டு வந்து
மெல்ல வருடிவிட்டே சென்றாள்!

வானொலியும் மெல்லிசைக் கொண்டு
தன் பங்கிற்கு என்னை
தாலாட்டிக் கொண்டிருந்தது!

என் தாயின் கை பக்குவம்
அமிர்த உணவு தொண்டைக்குள்
சுவை கக்கிக்கொண்டே இருந்தது!

மென்மையை சுமந்த
பஞ்சு மெத்தை மென்மை
மயக்க நிலையில் எனை சேர்த்தது!

எல்லாம் இருந்தும் இந்த பசுமை தினமும்
வழமைப் போலவே தூக்கம் தொலைத்து
ஏதோ ஒன்றை முனுமுனுத்துக் கொண்டே இருந்தது!

ஆம் உண்மை தான்
இத்தனையும் என்னில் இனிமையைச் சேர்க்க
நீ என்னருகில் இருந்திருக்கலாம்!

நான் யாரோ அவன் யாரோ....!

2010-09-03T01:27:00.000-07:00

மனிதன் பகுத்தறியும் தன்மையைக் கொண்டிருப்பதனாலும் பேசும் திறன்கொண்டிருப்பதனாலும் ஏனைய விலங்குகளிலும் சிறந்தவனாக அடையாலப்படுத்தப்படுகின்றான். ஆம் பகுத்தறிவு என்பது ஒரு செயற்பாட்டின் கூறுகளை அவதானித்து, ஆய்ந்து அவற்றின் இயல்புகளில் இருந்துஅதாரபூர்வமாக புறவய நோக்கில் நிரூபிக்கப் படக்கூடிய முடிவுகளைமுன்வைக்கும் வழிமுறையையும் அதை ஏதுவாக்கும் மனித அறிவுஆற்றலையும் குறிக்கின்றது. இது ஆறாவது அறிவு என அழைக்கப்படுகின்றது.

ஆறாம் அறிவான பொது அறிவு (பகுத்தறிவு) கொண்டவர்களை "மனிதன்" எனபொதுவானதொரு பெயர் கொண்டு அழைத்து வந்தாலும், அமைப்புக்களில்ஒத்தவர்களாகக் காணப்பட்டாலும் அவரவர் எண்ணங்களிலும், செயல்களிலும், புரிந்துக் கொள்ளும் தன்மையிலும் , நினைவாற்றலிலும் ஒருவருக்கொருவர்வேறுபட்டவர்களாகவும், மாறுபாடுகளைக் கொண்டவர்களாகவுமே காணப்படுகின்றனர்.

உதாரணமாக ஒரு பாடசாலையின் குறித்த வகுப்பு ஒன்றினை எடுத்துநோக்குவோமானால் அனைத்து மாணவர்களுக்கும் குறித்த நேரத்தில் குறித்தஒரு ஆசிரியராலேயே வகுப்புக்கள் நடாத்தப்பட்டாலும் அனைத்துமாணவர்களும் முதலிடத்தையோ, ஓரே புள்ளிகளினையோ பெருவதில்லை. அது அவரவர் உணவு பழக்கங்களிலும், சூழல் காரணங்களிலும் தங்கியுள்ளது எனஆய்வுகள் கூறுகின்றன என்றாலும் இம்மாற்றங்களுக்கான காரணம் ஜீன் எனவிஞ்ஞ்சான ஆய்வுகள் நிரூபித்துள்ளன.

இவ்வாறு மனிதனுக்கு மனிதன் வேறுபாடு தன்மைகள் காணப்பட நம்மில் பலர்தாம் மனதில் ஏதோ ஒன்றினை நினைத்துக் கொண்டு தெரிவித்து விடல் அல்லதுஎழுதிவிடுகின்றனர் மேலே குறித்ததற்கமைய வேறுபட்ட புரிந்துணர் தன்மைகொண்ட மானிட வர்க்க்த்தினரிடையே வெவ்வேறான கருத்துப் பிறல்வுகளைஏற்படுத்திவிடும். மேலும் ஒரு சில நன்மைகளை கொண்டமைந்தாலும்அனேகமான பிரச்சினைகளினையே சேர்ப்பிக்கின்றது. இது சார்பாகஆராய்ந்ததில் சம்பந்தப்பட்ட நபருக்கு ஏற்படும் மன உளைச்சலும், கவலைகளும்ஏராளம் ஆம் மனம் விரக்தி நிலையை அடைந்துவிடும்.

மேலும் ஒரு தரப்பினர்.. அவன் எனக்கு அவ்வாறு செய்துவிட்டான் அதனால்நானும் அவனை பழி தீர்ப்பேன் என்னும் தன்மை கொண்டவராக காணப்படுபவராநீங்கள்? சற்று சிந்தியுங்கள் அப்படி செய்தால் அவருக்கும் உங்களுக்கும்இருக்கும் வித்தியாசம் தான் என்ன? அதனிலும் அப்படி செய்வதனால்உங்களுக்குக் கிடைக்கும் நன்மை தான் என்ன? அதனை விடுத்து அந்த நபருக்கும்உதவும் வகையில் ஏதேனும் செய்து இருக்கும் விரிசலைக் குறைத்துக்கொள்ளலாமே இதனால் பகைமை நீங்கி உங்கள் மனதிற்கும் ஏதோ ஓர் நிம்மதிஏற்படும். வாழப்போகும் சிறிய காலப்பகுதிக்குள் பிரச்சினைகளை வளர்த்துக்கொண்டு அதனூடு காலத்தைத் தொலைப்பது எதற்காக? எதனை சேர்ப்பதற்காக? வாழும் காலத்தில் எமக்கும், எம்மால் எம்மை சூழ உள்ளவர்களுக்கும்பிரச்சினைகள் ஏற்படாமல் பார்த்துக் கொள்வோம்.

மேலும் ஏனையோர் குறித்து கருத்தாடப்படும் போதும், ஏதாவது செயற்பாடுகளைமுன்னகர்த்தும் போதும் சம்பந்தப்பட்ட நபரை அது எவ்விதத்திலும் பாதிக்காதவகையில் பார்த்துக் கொள்ளல் எம் ஒவ்வொருவரதும் கடமையாகும். சிந்திப்போம் செயற்படுவோம்!

இமை மூடி திறந்த நொடி!

2010-08-21T00:00:00.000-07:00

பூகோளத்தின் பூக்கோலம்

அழிக்கப்பட்டு புண்ணியம்

புறக்கணிக்கப்பட்டது!

புத்தனுக்கும் பக்தனுக்கும்

இடை நடுவே புதிதாய்

ஒரு யுத்த வெள்ளம்

ரத்தத்தின் சித்தமானது!

மாண்டவர் மனிதனாயும்

மனிதன் மிருகமாயும்

மாறிப்போயினர் - பாவம்

அப்பாவி சிறுசுகள்!

அலைகடலென திரண்ட

அன்பில் அழுக்கேறி

விஷத்துணிக்கைகள் மிஞ்சிப்போயின!

இயந்திர சக்தியோ ஏறிப்போக

இளைத்தவன் எட்டாய் மடிந்தான்

ஐயகோ... பசிக் கொடுமை!

சாஸ்த்திரமும், விஞ்ஞானமும்

சண்டையிட்டதில் - பல

சரித்திரங்கள் அழிந்து போயின!

கழியுகத்தில் காதல்

கற்பை மட்டும் சூரையாடி

தூர ஓடிப்போய் மறைந்தது!

தாய் பிள்ளையையும்,

பிள்ளை தாயையும்

பேரம் பேசி விலை கழிவும்

வழங்கப்பட்டது!

சர்வாதிகாரமும், அதிகார உட்புகுத்தலும்

பரவிப் போக பழி ஆடாய்

அப்பாவி மக்கள்!

கையோடு காசிருக்க

கல்வித் தகைமையும்

தானாய் கிடைத்தது - ஏனோ

அறிவு தான் பெற முடியா

பொக்கிஷம்!

இளந்தென்றல் நெருப்பாய்

சுட்டெறிக்க இலையின் உரசலும்

வசை மொழிப்பாடின!

இருப்புக்கள் பொறுப்புக்களாக

இல்லாமை நிலைத்தது

இதயமும் வலித்தது!

புதிதாய் ஒரு உலகம்

புதிரோடு ஜனனம்

இத்தனையும் ஆகிப்போனது

இமை மூடி திறந்த நொடி!

திருப்பம்

2010-08-20T03:46:00.000-07:00

கனவுகளின் சில்லென்ற அணைப்பில்

வழமைப் போல கடந்து திரிந்தது

நேற்றுவரை நாட்கள்!

காற்றோடு பாட்டிசைக்கும்

இலைகளின் தளிர்கள்

இமை பொழுதில் சருகானது!

வானோடும் முகிலோடும்

உறவாடும் விண்மீன்கள்

மறைவான இடம் தேடி தொலைந்தன!

இரவோடு ஒளி சேர்க்கும்

இனிமைக்கு பொருள் சேர்க்கும்

நிலவும் நில்லாமல் சென்றது!

சுட்டெறிக்கும் சூரியனும்

விட்டணைக்கும் மதியுடலும்

மாற்றம் கொண்டன மறைவாக!

மோகம் கலந்த கானக் குயில்கள்

சோகக் குரலில் ஓலமிட்டன

ஸ்ருதி சேராமல்!

என்பதாக

இயற்கையின் சாயலூடு....

வானம் தூவும் தூரலாக

வலிக்காமல் வந்து சேருது ஆசைகள்

வலிகளைத் தருவதற்காகவே!

தோற்ற மாற்றம்

2010-08-11T01:55:00.000-07:00

அகல் கண் கொண்ட

பார்வைகள் பலவிதம்

ஏனோ பார்ப்பவர்

நிலை அதில் மாறுதே!

கூர் காதிலே கேட் பவை

நன்மை எண்ணாது

நலம் தீர விசாரித்து

தெளிதலே சிறப்பு!

பேச்சிலே மயக்கிடும்

விந்தை கொண்டான்

அங்கே வீழ்வதும்

மனிதனின் மடமையே!

ஆழ்கடல் ஆழமும்

அழந்தால் சிறிதே

அவன் சிறு மன ஆழமோ

அதனிலும் பெரிதே!

ஆளுமை எண்ணமே

ஆளுதே பூமியை

அன்பென்ற மென்மையும்

அடிமையே அதனிலே!

தோற்றத்தை மாற்றிடும்

உலகிலே - இன்று

பொய் மாயமாய் மாறுதே

மனித மனமே!

வீழ்ச்சியோ மீட்சியை

நாடுதே - இங்கே

மீதமோ மிருகத்தின்

கொடுமை ஆட்சியே!

முடிவு

2010-08-10T03:47:00.000-07:00

கரைந்திட்ட காலமது
அலையாக நுரைக்க
அடிமனதின் ஆசைகளோ
ஆயிரமாய் வளர...

இதயத்திலே சலனம்
இடைவிடாமல் உரச
இலக்கில்லாத பயணம்
இறுதி வரை தொடர...

கனவினிலே வாழ்வு
காலை மாலை துளிர
நினைவுகளைச் சுமந்தே
நிகழ்வுகளும் மிளிர...

எல்லைகளை கடந்த பாதை
இதயத்திலே உதிக்க
தொடங்கிவிட்ட முடிவை நோக்கி
பல கேள்விகளும் படர...

இருப்பில்லாத வாழ்வில்
உன் இருப்பை தேடிய நெஞ்சம்
அதன் இழப்புக்கள் ஏற்று
இறப்பானது தஞ்சம்!

இதயத்தின் புலம்பல்

2010-08-10T02:58:00.000-07:00

இரவினிலே உளறுகிறேன்
இதயம் வரை தேடுகிறேன்
இடைவிடாது நான் துடித்து
இன்று வரை வாடுகின்றேன்

என்னவனே என்னுயிரே
எக்கணம் தான் எனை சேர்ந்தாய்
எங்கிருந்து வந்துதித்தாய்
எந்தனையே எடுத்துக் கொண்டாய்

உறவுகளை வெறுத்துவிட்டேன்
உன்னை நம்பி மறுத்துவிட்டேன்
உண்மையிலே என்றெனக்கு
உடனிருக்கும் நொடி தருவாய்

ஏனிந்த கொடுமையடா
ஏக்கத்திலே நான் இருக்க
ஏளனமாய் சிரிக்கின்றார்
ஏடெடுத்து பார்த்தவர்கள்

மண்தனிலே வந்துதித்தேன்
மனதார வாழ்கின்றேன்
மறு ஜென்மம் நான் பெறினும்
மன்னவன் உன்னடி சேர!

காதல் ஒன்று

2010-08-09T22:53:00.000-07:00

மனசெல்லாம் படபடக்க
உணர்வுக்குள் உயிர் பிறக்க
உன் மீது எந்தனுக்கு
வளருதையா காதல் ஒன்று!

முட்டி முட்டி எனை வதைக்கும்
முழு நேர உன் நினைப்பை
கட்டி வைத்தும் காற்றைப் போல
நுழையுதையா காதல் ஒன்று!

மனசுக்குள் கடும் புயலடிக்க
மறு ஜென்மம் தனை வெறுத்தும்
இருப்போடு உனை அணைக்க
துடிக்குதையா காதல் ஒன்று!

எட்டி எட்டி தூரம் சென்று
எட்டா தூரம் வாழ்வும் என்றாய்
என்றாலும் உன் மீதே
பிறக்குதையா காதல் ஒன்று!

பட்டதெல்லாம் போதுமென்று
பல தடவை செப்பி நின்றும்
வெட்டி விட்ட வேரினின்றும்
துளிர்க்குதையா காதல் இன்று!

முகத்திரை

2010-08-08T21:58:00.001-07:00

உன் முகத்திரை கிழிய
முந்திக் கொள்கிறாய்
மெருகேற்றும் என் தமிழில்
எனை வசைக்க - நீ
முந்திக் கொள்கிறாய்
உன் முகத்திரை கிழியவே!

வேஷமதை கண்ணுற்று
போலிதனை கேட்டறிந்து
விஷம் கொண்ட அமுத மொழியுண்ட
சோகத்தில் நான் துவலையில் - நீ
முந்திக் கொள்கிறாய்
உன் முகத்திரை கிழியவே!

நினைவெல்லாம் கானலாகி
நினைவுமட்டும் இருப்பானது
தெரிந்து நான் நொந்து
நூலாய் போண நொடியில் - நீ
முந்திக் கொள்கிறாய்
உன் முகத்திரை கிழியவே!

உன் அதிகார ஆட்சியை என் மீது
திணிக்க முனைந்ததை வெறுத்து
நான் மறுத்த வேளையில்
விலகிச் செல்ல சொல்லி - நீ
முந்திக் கொள்கிறாய்
உன் முகத்திரை கிழியவே!

நின்னை நினைக்கையிலே!

2010-08-05T23:50:00.001-07:00

என் கண்ணுக்குள் ஒளியான நின்னை நினைக்கையிலே....;
விண் தாண்டி விண்மீன்கள் என்னைச் சூழும்
வான் தொட்ட வாடையோ(காற்று) என்னை மீட்டும்
இதயமோ செந்தமிழிலே கவிதை பாடும்
எனக்கென்ன இனி வேண்டும் உலகிலென்று!

என் வார்த்தையிள் மொழியான நின்னை நினைக்கையிலே....;
கொதிர் நீர் கூட இதமாக என்னை நனைக்கும்:
குளிர்மையோ நெஞ்சொடு குலாவிக் கொள்ளும் - என்
தலை கூட தட்டாமல் உன்னைச் சாயும்
எனக்கென்ன இனி வேண்டும் உலகிலென்று!

என் கேட்டலில் புதைந்துள்ள நின்னை நினைக்கையிலே....;
நடை கூட நளினமாய் நடனமாடும்
வசை கூட என் தேச இசையாய் மாறும் - மறு
நாளிகை நீள்கையில் எனக்குள் முழங்கும்
எனக்கென்ன இனி வேண்டும் உலகிலென்று!

என் உயிருக்குள் உணர்வான நின்னை நினைக்கையிலே....;
அகிலத்தின் அசைவெலாம் அடிமையாகும் - அது
உட்கொண்ட அனைத்துமே என் உடைமையாகும்
நீயாகி நான் தொலைந்த இன்பம் கேட்கும்
எனக்கென்ன இனி வேண்டும் உலகிலென்று!

என்னால் இன்னும் முடியும்

2010-07-28T23:06:00.001-07:00

பல முறை இதயட்தைக்

குத்திக் கிழித்தும்
கிழித்ததை ஒட்டியும்
ஆறுதல் சேர்க்கிறாய்

நீ கிழித்த தழும்புகள்
தடயமாக என்னில்!

மடி மீது சுமந்த ஒன்று
மார்த் தேடி தவித்தல் கண்டும்
மாரோடு பால் கன்றிய
கொடிய வலி உள்ளுக்குள்
பிசைகிறது

மரணத்தில் உயிர்க்கும்
மறு ஜென்ம தாயாய் நான்!

அர்த்தமே இல்லாமல்
அர்த்தப்படுத்துவதும் - கேள்விக்
கணைகளால் அடிக்கடி துளைத்தெடுப்பதும்
வழக்கமாகிப் போனது

அசையும் மரத்தில் தொங்கும்
காய்ந்த சருகாய் மனசு!

தெரிந்தே விழுந்து எழுந்ததில்
விடியா விடியலை வெம்பும் மனதின்
வடியும் கண்ணீர் வற்றியபாடின்றி
மீண்டும் மீண்டும் சுரக்கிறது

நாளை நீ தரும் வலிகளை நான்
தாங்கிக்கொள்ளும் வலிமைப் பெறவே!

வாழ்க்கைப் பிச்சையா?

2010-07-28T23:03:00.000-07:00

உன்னிலும் நான் வித்தியாசமானவள்
ஒவ்வொரு முறை நீ சொல்லும்போதும்
உள்ளுக்குள் ஏதோ நெருடும்!

மனதினை தீண்டும் வலி
இருந்தாலும் உள் ஆழம் புதைந்து
உணர்ந்ததில்லை அதன் அர்த்தத்தை!

ஏனோ முழு நம்பிக்கைக் கொண்ட
மூடச்சியாய் எனையும் சுமந்து கொண்டே
காற்றாய் கரைந்தது காலம்!

என் நிலை தளர்ந்து உன்னடி சேர்வை
உணர்ந்து ஓட விடுகிறாய் நீயும்
மூச்சு முட்டும் மட்டும்!

தேடித் தேடித் தொலைந்ததில்
இன்று வரை நீ தரும் காயங்களால்
நொந்து நூலாய் ஜெஞ்சம்!

நீ பாவப்பட்டு எனை சேர
அப்படி நான் என்ன உன்னிடம்
வாழ்க்கைப் பிச்சையா கேட்டேன்?

நீயே என் கவிதை

2010-07-27T04:24:00.000-07:00

தினம் வந்து மயக்கும்
உன் அழகில் - மனசு
மழலையாகிப் போகிறது!

எனை வந்து வதைக்கும்
உன் நினைப்பில் - நினைப்பு
குழந்தையாகிப் போகிறது!

மௌன மொழிகளில்
நீ பேச - என்னில் ஆயிரம்
வார்த்தைகளின் அரங்கேற்றம்!

கண்களின் ஸ்பரிசத்தால்
நீ தீண்ட - சொர்க்கத்தில்
உற்சாக பானம் எனக்கு!

கவிதை கருவாக நீ மாற;
மெய் வந்து என்னை
மொய்த்துக் கொள்கிறது!

கவிதைக்கு பொய் அழகு
காலத்தின் கருத்து - நொடியில்
பொய்யாகிப் போகின்றது!

** நீயே என் கவிதை**

தலை நிமிர்ந்து செல்லுவோம்

2010-06-28T22:11:00.001-07:00

வஞ்சங் கொண்டவர் புடைசூழ குலவி
வாஞ்சையோ டனைத்து வார்த்தைகள் உதிர்த்து
விருந்தின ராகி தயவோ டமுதுண்டு மகிழ்ந்து
பொருத்தமுற பொய்மை தனை போற்றி நின்றபோதிலும்
தமிழனென்று உரக்கச் சொல்லி தலை நிமிர்ந்து செல்லுவோம்!

மனை பறித்து இடை மடமமைத்து கொடுத்து
மந்தைகளி லொன்றாக எம் குலமும் சேர்க்க
உடன்பிறந்த உறவுகளை ஒவ்வொன்றாய் கலைத்து
உடலோடு மனமுடைந்து சோர்ந்து விட்ட போதிலும்
தமிழனென்று உரக்கச் சொல்லி தலை நிமிர்ந்து செல்லுவோம்!

நோக்குந் திசையெலாம் களியாட்டம் வளியாகி
மண் பறித்த நோ வந்து நெஞ்சையு மடைத்து
தீண்டும் தென்றலும் தீய தனலாக எரித்து
இரவிலொரு ஒளிவீச்சு கண்பறித்து போகினும்
தமிழனென்று உரக்கச் சொல்லி தலை நிமிர்ந்து செல்லுவோம்!

களிப்பினொடு காலனும் பாசக் கயிற்றை நீட்டி
காயத்தில் மண்ணள்ளி தூவிவிட்டு சிரித்து
சிறைவாசல் களிதன்னை ஏற்று தினம் வாடி
சீற்றமுற சிங்கமும் உயிர் குடித்து போகினும்
தமிழனென்று உரக்கச் சொல்லி தலை நிமிர்ந்து செல்லுவோம்!

வேஷங்களைப் பூசிக்கொண்டு வாசல் வரை வந்து
பொய் பாசத்தொடு பட்டணத்தில் வீடு தாறேன் என்று
ஆசை காட்டி மோசம் செய்து ஆடைகளும் களைத்து
தாயோடு தாய் நாடும் சேர்த்தெடுக்கும் போதிலும்
தமிழனென்று உரக்கச் சொல்லி தலை நிமிர்ந்து செல்லுவோம்!

தோல்வி கண்டு தொடர்பிழந்து நிலைப்பில் நிர்மூலமாகி
நிந்திக்கும் தந்தி கண்டு நிகரில்லா இடர் தந்து கூடி
வெற்றி யென்னும் மாயை சூடி நிஜத்தினில் பாடி
வலை வீசி உலை குழைத்து வஞ்சம் தீர்த்து போயினும்
தமிழனென்று உரக்கச் சொல்லி தலை நிமிர்ந்து செல்லுவோம்!

கரம் பற்ற முடியாமல் கைகளையும் புதைத்து
கால்களிலே கடிவாளம் நீளத்திற்கு பூட்டி
கண்டபடி மாதருயிர் பருகி நிதம் ஊண் தேற்றி
புறமுதுகு காட்டி எம்மை ஓடச் சொல்லும் போதிலும்
தமிழனென்று உரக்கச் சொல்லி தலை நிமிர்ந்து செல்லுவோம்!

கண்டவரும் நற்றமிழை நாசஞ் செய்ய துடித்து
நாவாலே வளைவுகளால் நாட்களையும் கடிந்து
குடி தன்னில் குடி சேர்த்து கூர் வாளால் கிழித்து
உயிர் குடிக்க சுரம் சேர்த்து யாக்கை தன்னை முடக்கினும்
தமிழனென்று உரக்கச் சொல்லி தலை நிமிர்ந்து செல்லுவோம்!

எட்ட நிற்கும் தென்றலுமே எட்டி வந்து இடித்து
ஏழ் கடலு மொன்றாகி கிட்ட வந்து அடித்து
எரிமலையில் தீப்பிளம்பு முட்ட வந்து பொசுக்கி
பஞ்ச பூதமுமே ஒன்றாகி பறந்து வந்து தாக்கினும்
தமிழனென்று உரக்கச் சொல்லி தலை நிமிர்ந்து செல்லுவோம்!

புரியாத மொழியினிலே உணர்வு புதிராகப் பேசி
உள்ளங்கள் மீதினிலே உவர் நெருப்பள்ளி வீசி
கனவுதரும் நினைவினிலே கடை நொடியை களைத்து
நித்தம் நித்தம் நிறுத்தாமல் நித்திரையைக் குழப்பினும்
தமிழனென்று உரக்கச் சொல்லி தலை நிமிர்ந்து செல்லுவோம்!

சித்திரம் பேசுதடி

2010-06-25T22:25:00.001-07:00

Picture is a poem with out words

புரியா நிஜங்கள்

2010-06-24T03:49:00.001-07:00

நினைவு தோற்கும் போது
கனவு தானே வாழ்க்கை
கவலை சுமந்து சுமந்து
களைத்துப் போவதேது...?

உறவு உதறும் போது
உணர்வு தானே வாழ்க்கை
உரிமை கோரிக் கோரி
இடிந்துப் போவதேது...?

தனிமை சூழும் போது
மௌனம் தானே உறவு...
துணையை தேடித் தேடி
தொலைந்துப் போவதேது....?

மனது நோகும் போது
நினைவு தானே உறவு
மரணம் தேடித் தேடி
விரைந்துப் போவதேது...?

வினாக்களில் விடைகள்
ஒழித்துக் கொண்டு
விந்தை செய்யுது உலகம்!

விடைத் தேடிய
புரியா நிஜமாய்
புவி சூழ உயிர்கள்!

நீ தானே என் சுவாசம்

2010-06-18T02:08:00.001-07:00

நினைவுகள் சுமக்கும் இதயத்தின் ஆழம் புதைத்தேன் உனதுருவம்
கனவுகளை சேர்த்து கண்களில் கோர்த்து அமைத்தேன் புது உலகம்
தினம் தினம் நூறு கவிதைகள் கொண்டு வரைந்தேன் ஒரு கடிதம்
மதியெல்லாம் உனதாக மனமெங்கும் நீயாக காதல் வரமானது

(நினைவுகள் சுமக்கும்)

கண்களின் ஓரம் மின்னிடும் ஜாலம் நீயன்றி யார் தந்தது.....
இனிமைகள் தந்தாய் இம்சையும் செய்தாய் என் முன்னே நீயாய் வந்தாய்
இத்தனை காலம் இல்லாத மாற்றம் என்னுள்ளே யார் தந்தது....
கனவெல்லாம் உனதாக கவியெல்லாம் அழகாக என்னுள்ளே நீயாய் வந்தாய்
(கண்களின் ஓரம்)

பூவோடு உரசும் காற்றுக்கள் பேசும் புதிர் தானே உன் ஸ்பரிசம்
உயிர் வாழ தூண்டும் உணர்வெல்லாம் ஆளும் புதுமையே உன் சுவாசம்
அனிச்சத்தின் அழகாம் அலை வான ஒளியாம் பேசும் மொழியின் மென்மை
மின்னல்கள் இடியாகும் இமையெல்லாம் இருளாகும் இன்பமே உன் வெள்ளம்
(பூவோடு உரசும்)
(நினைவுகள் சுமக்கும்)

வாழ்வோடு வாடலும் தேடலும்

2010-06-18T02:06:00.001-07:00

நான் அழிந்துப் போய் நால்வரும் ஒன்றானால் யதார்த்தம் ஆனால் அதனை அடைவதற்கான தடைகள் ஏராளம். அனுபவமே வாழ்க்கை ஆனால் அனுபவங்களை அன்றோடு விட்டுவிட்டு அடுத்த நாளை தேடும் மனது இவ்வாறிருக்க இருப்பவன் இல்லாதவனையும் இல்லாதவன் இருப்பவனையும் மாறி மாறி குறைக் கூறிக் கொண்டே கழியுது காலம். இங்கே ஜாதி மத பேதங்கள் தலைவிரித்து வெறிப்பிடித்து ஆடுகின்றது. பிறப்பிற்கும் இறப்பிற்கும் நடுவில் எங்கே தொடங்கியது எங்கே முடிகின்றது என்ற வாழ்வின் போக்கு விளக்கமில்லாமல் விடிந்து முடிகின்றது. அதிலும் போட்டி எதிலும் போட்டி நானா நீயா அவனா இவனா? எவனோ சொன்னான் என்று ஏற்றுக்கொள்ள முனைதல் முடியாத போது முரணாக முன்னெழல் இது தான் வாழ்வின் வடிகால் வழி வழிந்தோடுது பொறாமை அணையில்லாமல் கரை கடந்து சுயமாக சிந்திப்பதே இல்லை. ஆக்கவும் அழிக்கவும் அவனே முயன்றான் ஏதோ சக்தி என்று அவனே பரப்பினான் இதயத்தில் தான் தான் ராஜா தானே மந்திரி தன்னை விட்டால் தன்னை விட்டால் யாருமில்லை என்ற ஆணவம் ஆட்டி வைக்கும் அன்றாடம் எதற்காக நான் செய்ய வேண்டும் தான் தனக்கு மட்டுமே வேண்டும் என ஒரு தரப்பினரும் எனக்கென்ன வந்தது என ஏனையோரும் நடை போடுகின்றனர். நான் நம்மினம் நம் உறவுகள் என்ற உயரிய எண்ணம் உருவாகி இருந்தால் உலகில் ஏழை பணக்காரன் என்ற பாகுபாடு ஏது? எல்லோரும் வாழ்ந்திருப்பார்கள் இன்று பணம் படைத்தவன் வாழ்க்கையைக் கொண்டாட வறியவன் வாழ்வதைப் போல நடித்துக் கொண்டிருக்கின்றான் பணம் படைத்தோரால் ஏழையின் அடிவயிறு ஆட்டம் காண்கின்றது. அவன் வாழ்வு தூண்டிலில் மாட்டிய மீனாய் தத்தளிக்கின்றது. இங்கே இவர்கள் ஒற்றுமையாய் இருந்தால் இன்னொரு சக்தி ஏன் ஆட்டி வைத்துக் கொண்டிருக்கும்? ஆடத்தெரியாதவனுக்கு மேடை கோணல் மேடை தெரியாதவனுக்கு ஆடுபவன் மேலை இப்படித் தொடர எங்கனம் முன்னேற்றம் காண்பது? ஏட்டுக்கல்வி ஏட்டோடு தூங்க எவன் வீட்டை எவன் கெடுப்பது இது தான் புதிய முயற்சி வென்றவன் கொண்டாட தோற்றவன் மேலும் தோண்டப்படுகின்றான்.

அவன் இரத்தம் வியர்வை வழி வென்றெடுக்கப்படுகின்றது. எண் சாண் உடம்பு எறும்புக்கு உணவாக! எதற்காக இத்தனை ஆட்டம்.... எதற்காக இத்தனை ஓட்டம்? இருப்பதைக் கொண்டு இல்லாதவனுக்கு கொடுத்து வாழ்ந்தால் இவனும் வாழ அவனும் வாழ்வான் இங்கோ இருப்பவன் இல்லாதவனை உரசி மேய்கின்றான், உருவம் கலைக்கின்றான். இத்தனையும் எங்கே கொண்டு சேர்ப்பதற்காக.... இன்று தான் வாழ்க்கை வாழ்க்கை தான் இன்று இதனை மறந்து விடியலில் தொடங்கிடுமா என்பது தெரியாமலே நாளை நாளை என நாளைக்காய் துடிக்கின்றான். குரங்கிலிருந்து வந்தவனே மனிதன் என்று கூறப்படும் பாரம்பரியம் கூர்ப்பின் விளைவா? ஒன்றை விடுத்து ஒன்றில் பாய்வதனைக் கண்டே கூறப்படுகின்றதா? ஒன்றை விட இன்னொன்றும் இன்னொன்றை விட மற்றொன்றும் இவனுக்கு சிறப்பானதாகவே தோன்றும் மனிதனின் ஆசைகளுக்கு முடிவே இல்லை உணமையில் உண்மைகள் மழலைகளை அவற்றின் கள்ளம் கபடமற்ற சிரிப்பொன்றே தூய்மை! மனிதன் வளர வளர அவனது ஆசைகளும் பல் மடங்கில் வளர்ச்சியடைகின்றன. அதன் பிரதிபலிப்பே இன்றைய உலகில் பாரிய அளவில் தொடங்கியுள்ள பிரச்சினைகள் இவனின் பலமும் பலவீனமும் ஆசையே ஆசையினால் அகிலத்தை வென்றவனும் இருக்கின்றான் அதே ஆசையினால் அனைத்தையும் துறந்தவனும் இருக்கின்றான் அவரவரைப் பொறுத்த் ஆசைகள் வேறுபடுகின்றதே தவிர ஆசை இல்லாத மனிதனே இல்லை. கடவுள் பக்தி தனக்கும் மிஞ்சிய ஏதோ ஒன்று உண்டு என்பதை மதங்களில் வேறுபாடு கொண்டிருந்தாலும் நம்பிக்கையில் ஒன்றிணைகின்றார்கள். சொர்க்கம் நரகமென்றும் சொர்க்கமென்றால் நல்லது மட்டுமே செய்தவர்கள் இறந்ததும் போய் சேருமிடம் என்றும் கெட்டது செய்தவன் போய் சேருமிடம் நரகம் என்றும் காலம் காலமாக சொல்லப்படுகின்றது இது மனிதனின் நம்பிக்கை மட்டுமே தானே சொர்க்கத்தையோ நரகத்தையோ நேரில் பார்த்தவர் வந்து சொன்னதில்லையே... இங்கே பாவம் செய்யாத மனிதன் யார்? அனைவரும் ஏதோ ஒரு வகையில் பாவத்தைச் செய்தவர்களாகவே இருக்கின்றர். சிலர் தாம் செய்தது சரியா தவறா என்பது தெரியாமல் குழப்பத்தில் நாட்களை கடத்துபவர்களாகவும் இருக்கவே செய்கின்றனர் காலப்போக்கி்ல் அதை முற்றிலுமாய் மறந்தும் விடுகி்ன்றார்கள்.

ஏதோ ஒன்றின் அழிவே இன்னொன்றின் உதயமாக இருக்கின்றது. இன்று எதையாவது ஆக்க வேண்டும் எதிலாவது ஜெயிக்க வேண்டும் என அத்தனையையும் கற்றுக் கொள்ளத் துடிக்கின்றான் அதன்படி கற்று வெற்றியும் அடைகின்றான் ஆனால் உண்மையான வெற்றியென்பது இதுவோ? என்றாவது தன்னை அறிந்துக்கொள்ள முயன்றிருக்கின்றானா? தான் யார் என்பதை அறிந்திருக்கின்றானா? அப்படியானால் இவர்கள் போலியின் மேல் நின்று கொண்டு குதூகலிப்பவர்கள் தானே? எவன் ஒருவன் தன்னை முழுதாய் உணர்கின்றானோ அவனே வெற்றியாளன். மற்றவரில் என்ன குறை காணலாம் என்பது தானே முயற்சியாக அமைகின்றது தன்னில் உள்ள குறைகள் தெரிவதில்லையே....! தான் செய்வது பிழை என்று தெரிந்தும் தொடர்ந்து கொண்டிருக்கும் வர்க்கமும் வாழவே செய்கின்றது.

விட்டுக் கொடுப்பதைப் பற்றிச் சிந்திப்பதே இல்லை ஆனால் மற்றவரிடம் மட்டும் எல்லாமே எதிர்ப்பார்ப்புக்கள். இங்கே யாரை நொந்துக் கொள்வது? சீக்கிரமே சிதைந்துவிடும் உடலியல் நிறைவு ஏனோ மனதை விட ஏனையவற்றுக்கே முக்கியத்துவம் அளிக்கப்படுகின்றது. நேற்று தோற்றவன் இன்று ஜெயிப்பான் இன்று ஜெயிப்பவன் நாளை தோற்பான் இது தான் யதார்த்தம். ஒருவன் தொடர்ந்து வெற்றியாளனாகவே இருப்பதுமில்லை, ஒருவன் தொடர்ந்து தோல்வியைத் தழுவிக்கொண்டே இருப்பதும் இல்லை. இங்கே தன்னம்பிக்கையும் முயற்சியுமே ஒருவனை வெற்றியாளனாக்குகின்றது. சோம்பேறித்தனமும், ஆணவமும் ஒருவனைக் கீழே தள்ளிவிடுகின்றது. மாற்றங்கள் மாற்றம் செய்கின்றன மனதை மட்டுமல்ல மலர்களைக்கூட! ஒவ்வொருப் படைப்பும் ஒவ்வொரு அதிசயமே..... இறைவனின் படைப்பில் அனைவரும் சமமே.... என்றால் இங்கே இத்தனைப் பாகுபாடு எதற்காக என்பது தான் இன்றும் நம்மை குடைந்தெடுக்கும் கேள்விகள் இல்லையா? அதிலும் அதிசயம் உள்ளது. ஏழையையும் பணக்காரனையும் படைத்ததன் நோக்கம் ஏழையானவன் முயற்சியில் பணக்காரனைப் போல வர வேண்டும், பணக்காரன் ஏழையானவன் தன் நிலையை அடைய உதவ வேண்டும் என்பதாகக் கூட இருக்கலாம். ஆனால் இங்கே பணக்காரன் ஏழைத் தன்னிடத்தைப் பிடித்து விடுவானோ என்ற பொறாமையோடும், ஏழைப் பணக்காரனைப் போல வர முடியவில்லையே என்ற ஏக்கத்தோடு முயற்சிகளோ, உதவிகளோ இல்லாமலும் உறைந்து கிடக்கின்றனர் கெட்ட எண்ணங்களைச் சுமந்தபடி....., ஆனால் என்றோ ஒரு நாள் அவனுக்குத் தெரியாமல் அவன் அசைவுகள் அனைத்தும் முடக்கப்பட்டுவிடத்தான் போகின்றன. யாராக இருந்தாலும் தீயிற்கோ, மண்ணிற்கோ உணவாவது தானே ஒவ்வொரு மனிதனதும் விதி!

இதனை உணர்ந்து யதார்த்த வாழ்வினை புரிந்து நடைப்போடப் பழகினால் வாழ்வு செழிக்கும் நாட்கள் சிறக்கும். வளமான வாழ்வு வரமாக நம் கைகளில் தவழும்!

வாழ்க வளமுடன்!

நன்றி இருக்கிறம்

உள்ளம் உணர்வாகும் உணர்வில் உழைப்பே வாழும்

2010-06-18T01:48:00.000-07:00

உதிரத்தை வியர்வையாக்கி
உடல் தன்னை வருத்தி தினம்
உலகத்தில் உரமாக - நல்
வரமாக வந்துதித்த மானுட
கலங்களின் இறப்புக்களோ
கதைகள் பல எடுத்துரைக்க
வரலாற்றில் தடம் பதித்த
சுவடுகள் சொற்பமல்ல
ஆண்டாண்டு காலமாக
நேர வரையறையின்றி
மாண்டு மாண்டு மாடாய் தேய்ந்த
மானுட போராட்டம்
நாள் முழுதும் தன் உடல் வருத்தி
தானே சாவதை தவிர்க்க;

அக்கினியில் அழுத்தப்பட்ட
கறைகளின் திரியாக
தன்னோடே ஒட்டிக்கொண்டு
படையாக தன் நிறம் மறைத்த
வியர்வை தழும்புகளோடு
களைப்பும் துடைத்தெறிந்து
தூய காற்றோடு தூக்கத்தையும்
ஏந்திக்கொள்ள 125 ஆண்டுகளுக்கு
முன்பாக பொதுவுடமை எதிர்த்து வரும்
அமெரிக்காவின் சிகாகோ நகரில்
உழைப்பாளிகளின் ஒன்று திரளல்
உரிமை கோரிக்கை போராட்டத்தின்
முடிவுரை இன்றைய 8மணி நேரமாக
சுருக்கப்பட்ட உழைப்பு நேரமும்
வாரத்தில் ஒரு விடுமுறையும்

ஓய்வுதினம் என்றாலும்
கடமை உணர்ந்தவர்கள் கருதி முன்வந்து
உலகத் தொழிலாளரின் ஒன்றுபட்ட
உழைப்பை கௌரவிக்கும் திருநாள்
வைகாசியின் முதல் நாள்

வானத்தை தொட்டுவரும்
வாலிபரின் கூக்குரல்கள்
வாடாமல் தொடரும் எங்கள்
முதியோரின் முழக்கங்கள்
ஊரெங்கும் ஊர்வலங்கள் ஆம்
இவை உரிமை ஊர்வலங்கள்
கரடு முரடான வாழ்வின் பாதைகளில்
கவலை மறந்துவிட்டு களிப்போடே போற்றிவரும்
காலை முதல் மாலை வரை கண்கொள்ளா
காட்சியல்லோ..... அன்றோடு அவை முடிய
மறு நாளே உழைப்புக்கு உயிர் கொடுக்கும்
வியர்வைக்கு விடுதலையளிக்கும்
வீரத் தொழிலாளர் புகழ்பாடி நாம் மகிழ்வோம்

ஜாதி, மதம் நீளவில்லை பேதங்களும் பிறப்பதில்லை
ஜாதகங்கள் கால் முளைத்து ஜோதிடரை பார்ப்பதில்லை
நல்ல நேரம் கெட்ட நேரம் "நா" வதுவும் உரைப்பதில்லை
ஆண்டி முதல் அரசன் வரை ஆர்ப்பரிக்கும் இன் நாளில்
ஆதரவாய் அனைவருள்ளும் அகிம்சை குடிகொள்ளும்
அன்பை மனம் அள்ளும் அகிலம் உயிர் கொள்ளும்

அடிமைகளாய் முடக்கப்பட்டு போராட்ட கைதிகளாய் அடைக்கப்பட்டு
வலிகளும் வடுக்களும் வயதோடு துணையேற்று
வரிசையாய் வலம்வந்த உழைப்பாளர்
உலகத்தின் உயிரல்லோ - அவரை
உலகத்தின் உயிர்ப்புள்ள வரை உயிராய் மதிப்போம்
உலகை அவர் துணையோடு ஜெயிப்போம்!

நன்றி இருக்கிறம்

என் உயிரின் உயிராக

2010-06-17T02:51:00.001-07:00

நீ வேண்டும் எந்தனுக்கு என் உயிரின் உயிராக
இன்பமுற நான் வாழ்ந்து மண்ணோடு மண்ணாக

மெய் தீண்டும் மெய்யாக வைகறையில் உடனிருக்க
உளத்தொடர்பு கொண்டிங்கு உறக்கத்திலும் உறவாட
போலிதனை பிரித்தறிந்து புறந்தள்ளி புலனாக
மாற்றங்கள் செய்து தினம் மடிதன்னில் எனைக் கிடைத்த
விதி தன்னை வேறாக்கி மதியூடு புவியாள (நீ வேண்டும்)

விண்ணும் மண்ணும் நான் தொடினும் விரைந்தோடி எனைச் சேர
வருத்தத்தில் நான் வாட வந்தென்னை அணைத்தெடுக்க
அழும்போது துவலாமல் என் கண்ணில் நீர் துடைக்க
தோற்றத்திலே துப்பறிய தூயவைகள் சேர்த்தறிய
வீட்டினிலே விளக்கேற்ற விளக்கினிலே ஒளியாக
(நீ வேண்டும்)

நீ வேண்டும் எந்தனுக்கு என் உயிரின் உயிராக
இன்பமுற நான் வாழ்ந்து மண்ணோடு மண்ணாக!

இதயத் திருடி

2010-05-11T00:56:00.000-07:00

உன் நினைவுகளில்
தெப்பமாய் நனைந்து
நடுங்கிக் கொண்டிருக்கும்
என்னைப்பார்த்து....

இதயக் கதவுகள் வழி
மெதுவாய் எட்டிப்பார்த்து
உனக்காய் ஒரு கவிதை
சொல்ல சொல்கின்றாய்;

கடைக் கண்ணால்
கண்சிமிட்டி என்னில்
கொலைகள் பல
செய்து விட்டு....

இதயவறை உள் நுழைந்து
இம்சைகளை செய்து கொண்டு
கொடூர கொலைகாரன் என
குற்றம் சாட்டுகின்றாய் என்னை

இப்படி இடைவிடாமல்
அன்பால் என்னை நீ
முழுதாய் ஆக்கிரமிப்பு
செய்த பின்னும்

இதயத்தைக் கைப்பற்றி
உன் சிறைவாசல் கைதியாக்கி
எனை அணுவணுவாய்
வதைத்துக் கொண்டு...

திருடன் என்கின்றாய்
நீ என்னை.....;
நீயல்லோ என் நினைவான
இனிய இதயத்திருடி!

என்றுதான் மாறும்???

2010-05-04T00:15:00.000-07:00

இரவோடும் பகலோடும்
இதயங்கள் ஏங்கும்
இமை மெல்ல தாழும்
இன்னிசை வீழும்

ஏக்கங்கள் சேரும்
தாக்கங்கள் கூடும்
வாட்டத்தில் மூழ்கும்
மனம் வாடியே சாகும்

நிமிடங்கள் நீளும்
வருசங்கள் ஆகும்
உடலெங்கும் ஏறும்
உன் அகமாக தேடும்

விடியலை நாடும்
விலகலில் தேடும்
மௌனமாய் பாடும்
மனதோடு ஆடும்

என்று நினைவோடே
தொடரும் காலம்
என்றுதான் மாறும்???

தொடரும் தொடர்கள்

2010-05-02T22:59:00.000-07:00

நீண்ட இடைவெளி
நீண்டபடி மீளாத நினைவுகள்
வலிகளோடு வாழ்ந்த நாட்கள்
வாடி வாடி மாண்ட நொடிகள்..

கண தூர நடைக்குப் பின்
கரை தொட்ட அலையென
தொலைவாய் இருந்த போதும்
அணைத்துக் கொள்ளும் அவ்வப்போது..

எச்சங்களின் மிச்சமாய்
கடந்து போண கசப்பான
நிகழ்வுகள் சலைக்காமல்
சலனம் செய்கின்றது மனதை..

உரிமையோடு அவை
உணர்வை சல்லடையாய்
சலித்தும் வைக்கின்றது
உப்பிட்டும் ஒப்பிட்டும்..

இவை தானே தீராப்பளுவாய்
தொடர்கதை எழுதிவிட
நிலைமாறி நினை மறந்து
காய்ந்த மரமாக மனசு..

இன்பத்தின் இமயம்
மௌனத்தோடு போர்த்தொடுக்க
இறுதியில்;
தனிமையின் கொடுமை
தவத்தின் வரமானது!

எங்கிருந்து வந்தாள்

2010-02-23T20:34:00.000-08:00

தேவலோக அழகோ.....
பூமியில் பூத்த மலரோ.....
காணும் கண்கள் ஏங்கும்
மீண்டும் பார்க்கத் தூண்டும்
வேண்டும் என்று தோன்றும்
என்னைக் கடந்து செல்ல - பல
மின்னல் என்னைத் தாக்கும்....!

அவளது அவளது நினைவினைத் தான்
தினம் தினம் மனமதும் சுமந்திருக்கும்
பகலது இரவினைக் கடந்த பின்னும்
பட படவென அலை அடித்துச் செல்லும்
மனதில் ஏதோ புதுவித மாற்றம்.....
மணரம் வரையில் தொடரும் தேடல்....!

நிலவவள் ஒளி தரும் நிலவவள்
அவள் எழில் பாடவே
மொழிகள் தான் போதுமோ
மின்மினி அவளது கண்கள் தான்
அவளது நினைவுகள் சுமந்து தான்
நாட்களும் நகருமோ
ஞாபகம் தொடருமோ
நாளையும் மலருமோ.....?

கண்ணிமைகள் மூடி ஜன்னல் திறந்திடும்போது
காற்றும் கொஞ்சம் சிலிர்த்திடும்,
காதல் நெஞ்சை துளைத்திடும்....
செவ்விதழோ கோவைப்போல சிவந்து நிற்கும்...
தத்துப் பற்கள் பார்க்கும் போது
முத்தென எண்ணம் தோன்றும்
முழுதாய் என்னை தன் வசம் ஈர்த்தாள்
முகத்தில் அழகாய் புன்னகை பூத்தாள்!

காலையில் புலர்ந்திடும் வேளையில்
அவள் முகம் காணவே ஏங்குவேன்
கண்களை மூடுவேன்....
கவிதைகள் பாடுவேன்
இரவிலே நடுங்கிடும் குளிரிலே
நிழலையும் பார்க்கவே வாழுவேன்
தனிமையில் வாடுவேன்
தலையணை தேடுவேன்

சிறு பார்வையாலே சின்ன மனம் சிறைப்பிடித்தாள்,
கொஞ்சும் தமிழ் யுத்தம் செய்தாள்
என்னை ஏதோ செய்தாள்...
தவிப்பாக தள்ளினின்று வாழும் போதும்
இதயம் வரை உள்ளே வந்தாள்...
என் ஆயுள் வென்றாள்...
முழுதாய் என்னை தன் வசம் ஈர்த்தாளே...
முதலாய் என்னில் மாற்றங்கள் செய்தாள்
முடிவாய் என் மனம் அவளிடம் ஈர்த்தாள்

எந்தையே

2010-02-16T20:00:00.000-08:00

உன் போல தந்தை இங்கே
மண்ணிலுண்டோ? - உன்
மடி மீது கண்ணயர்ந்தால்
துன்பமுண்டோ........?

வாழ்வோடு நானிருந்தேன் - நீ
வாழும் வரை - ஏனோ
வாட்டத்தை தந்து சென்றாய்
சாகும் வரை.... :(

உன்னாலே தொடருதிந்த
உயிரின் வலி - உன்
உறவோடு சென்றதெந்தன்
உணர்வின் ஒலி!

காற்றோடு கலந்துவிட்டு
சுவாசம் என்றாய்
கண் காணாமல் நீ இருந்து
என்னைக் கொன்றாய்!

நேற்றோடு முடிந்ததுந்தன்
வழிப்பயணம் - உன்
வழி தேடி தொடருதெந்தன்
விழிப்பயணம்!

தோற்றாலும் ஜெயித்தாலும்
தோற்றமுண்டாம் - உன்னைத்
தொலைத்துவிட்டு தேடுகின்றேன்
தோற்றமெங்கே....?

நேற்றோடு என்னருகில்
நீயிருக்க - அந்த
நேற்றைக்குள் தொலைந்துவிட
ஆசைக் கொண்டேன்!

இன்றைக்கு உன் என்னைத்
இழந்துவிட்டு இடிதாங்கி போல்
நான் மாறி
ஜடமாய் ஆனேன்!

உன் அன்புக்காய் உயிர்க்கின்றேன்
அலை மோதி தவிக்கின்றேன்
என் விடியலின் முகவரி
உன் முகமாக வேண்டுவேன்!

இன்னமும் எந்தையே
நினைத்ததும் வியக்கின்றேன்
உன் போல தந்தை இங்கே
மண்ணிலுண்டோ....?

காதலர் தினம்

2010-02-13T22:51:00.000-08:00

அனைவருக்கும் எனது இனிய காதலர்தின நல்வாழ்த்துக்கள்

"கண்களிலே ஒளியாகி

கவி மொழியில் கதைப்பேசி

கனவுகளை தினம் பருகி

நினைவுகளில் நிஜமாகி

அடை மழையில் உறவாடி

அந்தம் வரை உயிராகி

காதலோடு காதலாகி

காதல் செய்வோம் வாரீர்"

இன்றைப்போல் அன்றிருக்கவில்லை

2010-02-05T01:58:00.000-08:00

நம் கண்கள் முதன் முதலாய்
நம் உருவங்களை முத்தமிட்டுக் கொண்டன
இதழில் ஒரு சிறு புன்னகை
இளையோடி மறைந்தது
நீ யாரென எனக்கோ
நான் யாரென உனக்கோ
தெரிந்திருக்கவில்லை
நாம் இருவரும் இரு துருவங்கள்
இணைத்திருந்தது தாய் மொழி
நம்மை நம் சந்திப்பு எதுவும் செய்யவில்லை
நான் நானாகவும் நீ நீயாகவும்
இருந்தோம் பிரிந்தோம்
இடைக்கிடை இணையவழி இரண்டொரு வார்த்தைகள்
இதயம் இயங்கிக் கொண்டுதான் இருந்தது
இடை நிறுத்தம் செய்யாமல்
என்னிடம் என்னதும்
உன்னிடம் உன்னதும்

இரண்டாவது சந்திப்பு
உன் வருகைக்காய் ஏங்கவில்லை மனது
ஏதோ பேசிக் கொண்டோம்
எல்லோரையும் போல
அதே பார்வை அதே புன்னகை
அகன்றது அன்றோடு உன் நினைவு

அடுத்தடுத்தும் நம் கணனிகள்
கைத்தொட்டு போயின
இதயம் தூரத்திலேயே இயங்கிக் கொண்டிருந்தது
நம் இதயங்களுக்கிடைப்பட்ட தூரம் அப்படியே இருந்தது
ஏதோ நான் பேச எதையோ நீ பேச
எங்கோ நின்ற உன்னில் எதுவும் தோன்றவில்லை
எதற்காகவோ முதலில் நானே அலை(ழை)த்தேன்
துண்டித்தேன் தொடர்பை
எட்டவே நின்றாய் நீ
இதனிடை பேச்சுக்களில் சொல்லியும் போனாய்
பெண் எப்படி இருக்க வேண்டுமென
முதலாய் உன்னில் ஒரு மதிப்பு
அலைபேசியும் அடிக்கடி ஒளித்து ஒழிந்தது
பேசிக்கொண்டோமே தவிர
பெரிதாய் ஒன்றும் தோன்றவில்லை
நம் உறவு தொடர்ந்தது

இடையே மூன்றாவது சந்திப்பும் வந்தது
அன்றும் நாம் பேசிக்கொள்ளவில்லை
அதே சந்திப்பு அதே புன்னகை
விடைபெற்று சென்ற நீ
விளகியதுமே தொடர்பு கொண்டாய்
பரிசொன்றும் தந்தாய்
மறுக்க தோன்றவில்லை
மறு நிமிடம் நீ செல்ல
நானும் விரைந்தேன்
பரிசினை ஏற்றது சரியா தவறா
என்னவனின் ஒப்புதலோடு
குழப்பத்தோடே பிரித்தேன்
என்றோ விளையாட்டாய் நான் கேட்டிருந்த
அதே கரடி பொம்மை
சத்தியமாய் சொல்ல முடியவில்லை
அக்கணத்தின் களிப்பை
ஆனால் நமக்குள் எதுவுமே இருக்கவில்லை
இடைவெளி குறைந்திருந்தது
இருந்தும் இடைவெளியோடே தொடர்ந்து
அலைபேசியே உறவாடியது
அத்தனையும் இரகசியங்கள்
என்னது உனக்கும்
உன்னது எனக்கும்
பரிமாற்றம் பெற்றது
நம் அந்தரங்கங்கள் அம்பலமானது
நாட்கள் நகர்ந்தன நம்மையும் சேர்த்துக்கொண்டே
ஏதோ ஒரு இனம் புரியாத உணர்வு
இல்லையென்னாத உன் மனது
ஏற்றுக் கொள்ளும் உன் தயவு
எல்லாமே பிடித்துப் போக
இதயம் தொட்டாய் நீ
இன்று இரவு பகலாய் உன் நினைவு
இடைவிடாமல் உன் தொடர்பு
ஒன்றானது நம் உணர்வு
இன்றானது நம் உறவு

இருந்தும் நமக்கிடையில் எதுவுமில்லை
அன்பைத் தவிர

உழைப்போம்

2010-02-02T03:22:00.000-08:00

கடந்து வந்த பாதைகளில்
கரடான தருணங்கள்
கண் கொண்டு பார்ப்பதற்கு
கண்கள் தான் இன்றில்லை

கண் தன்னை பறித்துக்கொண்டு
நடவென்று அவன் சொல்ல
நடக்கத்தான் முயல்கின்றீர்
நாடகமே புரியாமல்

அறியாமல் தெரியாமல்
அகதி என்றான் அன்றொருவன்
அக்கதையை நிஜமாக்க
துடிக்கின்றர் இக்கணமும்

துடிக்காமல் துயிலாமல்
துவண்டு தினம் பணியாமல்
முடிவெடுத்து முயற்சிப்பீர்
முன்னேற வழி காண்பீர்

ஹைக்கூ கவிதைகள்

2010-02-01T03:48:00.000-08:00

"நண்பன்"
துன்பத்திலும்
வாழ்பவன்
உற்ற துணையாக!

"இரவு"
நிலவொளியினோடு
தனிமையும்
சொந்தமானது!

"கல்வி"
இறப்பினூடும்
அழிவில்லா
செல்வமிதுதான்!

"காதல்"
இதயங்களின்
இனிமையும்
இன்பமயமாக!

"கவிதை"
உணர்வு சொட்டு
உதிரமாய்
உருவாகின்றது!

"நிலவு"
வட்டமுகமது
வானத்தில்
வட்டமிட்டது!

"மௌனம்"
வார்த்தைகளின்
தொடர்ச்சி
வந்துதிக்குது!

"தனிமை"
இல்லாமையிலும்
இறுதிவரை
உடனிருப்பது!

"கடவுள்"
நேற்றையதினமே
எதிர்கால
வித்திட்டவன்!

"ஏழை"
தினம்தினமும்
உண்டழுக
தண்ணீர் அமுது!

"தாலி"
பெண்ணவளுக்கு
துணைவனின்
உத்தரவாதம்!

திருப்பிக் கொடு

2010-01-26T22:16:00.000-08:00

உன்னைக் கண்ட நாள் தொட்டு
உள்ளத்துடிப்பு பல மடங்காய்
இரத்த நாடியில் ஏதோ பிசைய
"சுர்" என்று ஏதோ உடலெங்கும் பரவியது

இன்ப ஊற்று இரட்டிப்பாகி
உணர்வெல்லாம் உன் நினைவு சூடிக்கொள்ள
சிறகு முளைத்த பறவையாய்
என் மனசு ஆனது

இடைக்கிடை இதயம் தொட்டுச் சென்ற நீ
இன்று என் இரவுகளை மொத்தமாய் விழுங்கிச் செல்கின்றாய்
இரவோடு இரவாகி என் இரவுகளைத் தொலைத்தப் பின்னும்
விடியலிலும் உனையே தேடித் துடிக்கின்றேன்

இப்பொழுதெல்லாம் நான் உன்னை
நினைப்பதே இல்லை - ஏனோ
இதயம் தான் ஏங்கி அழுகின்றது
நிதம் உந்தன் தரிசனம் வேண்டி

இரவுகளின் சாரல் தனலாக
விடியலின் தூரல் குளிராக
மனதினில் நீயும் மலராக
மௌனத்தால் நானும் சிலையாக

மனதினில் மாற்றம் தந்தாயே
இதயத்தை இடம் மாற்றிச் சென்றாயே
இன்று நீ யே நானாய் ஆனேன்
நிலவாய் பாதி தேய்ந்தேன்

உன்னில் என்னை விளக்கிவிடு
உறவே என்னை மறந்துவிடு
உலகில் நானாய் வாழ்வதற்கு
என்னை எனக்கே தந்துவிடு!

வழி பிறக்குமா.... வலி பிறக்குமா....?

2010-01-25T02:11:00.000-08:00

தைப்பிறந்தால் வழி பிறக்கும்
மூத்தோரின் முன்னுரைகள்
தையினிலே தலை வெடிக்கும்
தமிழனின் நிலை இது தான்

ஏழையின் கையது தான்
கடவுளென தினம் துதிப்பர்
ஆட்சியிலே அமர்ந்த பின்பு
சீ போனு தான் வதைப்பர்

ஒரே நாடு ஒரே வீடு
ஊரெல்லாம் மைக் பிடிப்பு
உள்ள வீடும் சுருட்டிக் கொண்டு
உலகத்திலே பெரும் நடிப்பு

கைப் பிடித்து மை இடுவர்
கண நேரம் பேசிடுவர்
கால் பிடிக்க வைத்திடுவர்
அடிமை இந்த தமிழனென்று

நாட்டின் குடிமகன்
குடிகார மகனாக - நாள் தோறும்
ஊற்றிடுவர் வஞ்ச புத்தியோடே
நஞ்சை மருந்தாக

பட்டு நொந்ததிலே பலர்.......

தமிழரின் எதிர்கால விற்பனைக்கு
தாமே தயாராக - இன்று
சிரம் தாழ்த்தி பழகி விட்டார்
சில காலம் வாழ ஆசை

நாளெல்லாம் துடித்திடுவர்
நல்லவன் ஜெயிக்கவென - ஏனோ
நாளை உழைக்காட்டா
நம் வீட்டு அடுப்பணையும்

தேர்ந்தெடுக்க உரிமையுண்டு
தெளிவாக கூறிடுவர்
தெரிந்த பின்னே சொல்லிடுவர்
தெரியாது உன்னை என்று

கோழியிடம் தப்பிக்க
காகத்திடம் சென்ற புழு
யாரிடம் சென்றாலென்ன
புழுவின் கதை முடிந்த கதை

நிறத்தில் மட்டும் மாற்றமுண்டு
குணத்திலல்ல என்றுணர
புழுவிற்கு நேரமில்லை
புதைந்தது அதன் வாழ்வு

என்றாலும் மாற்றமில்லை
மறுபடியும் சிசு புழு - இம்முறை
மாற்றமாய் போனது
கோழி தான் வேண்டுமென்று

தொடருதிந்த தொடர் கதையும்
தொன்று தொட்டு இன்று வரை
மிச்சமில்லை மீதமில்லை தமிழன்
நெஞ்சினிலே வஞ்சமும் தான்!

முடிவு

2010-01-24T21:14:00.000-08:00