Search This Blog

Saturday, January 25, 2014

கனவு உலகில் லயித்தவரா நீங்கள்...?

"சராசரியாக ஒரு மனிதன் தன் வாழ்நாளில் ஆறு ஆண்டுகள் கனவு காண்பதில் செலவழிக்கிறான்" என்று ஆய்வுகள் கூறுகின்றன என்றாலும் அன்றாடம் எம்மவர்கள் மத்தியில் பரிமாறப்படுவது தான் இது சார்ந்த தகவல்கள் என்றாலும் கனவு என்பது உண்மையா? என்ற சந்தேகம் பெரும்பாலும் இன்று வரை காணப்படவே செய்கின்றது. அதனிலும் கனவு கலர் கலராக வருகின்றனவா...? அல்லது பிளாக்வைட்டாக வருகின்றனவா..? என்றெல்லாம் பலவாறான சந்தேகங்கள் காணப்படவே செய்கின்றது. மேலும் கனவு ஏன், எதனால், எப்போது ஏற்படுகின்றது? கனவு காண்பதென்பது ஒரு குறைபாடா என்பதான சந்தேகங்கள் தொடரவே செய்கின்றன.

இது சார்ந்த சில தகவல்களை ஆராய்வோம். கனவு என்பது ஒருவர் தூங்கும் பொழுது அவரது மனதில் எழும் மனப் படிமங்கள், காட்சிகள், ஓசைகள், உணர்வுகள், நிகழ்வுகளைக் குறிக்கிறது. ஒருவர் கனவு காணும் பொழுது அவரது கண்களின் அசைவுகள் காணப்படுவது அவதானிக்கப்பட்டுள்ள போதிலும் கனவு என்றால் என்ன என்பது தொடர்பாக ஒரு பூரண அறிவியல் புரிதலை இன்று வரை அடைந்தபாடில்லை.

ஒரு நபர் சிறிது நேரம் ஏதாவது சிந்தனையில் இருப்பாராயின் அவரிடமும் கனவு காண்கின்றாயா என்ற கேள்வியை தொடுக்கின்றோம். மற்றும் ஆழ்ந்த உறக்கத்தில் விழிப்பவர்கள் கனவு கண்டதாக ஏதாவது சந்தர்ப்பத்தை முன் வைப்பார்கள் இதில் எதை உண்மையில் கனவு என்கின்றோம் என்ற புதிய சந்தேகமும் மூளைக்குள் பிசைகின்றதா? ஆம் கனவை இரு வகைப்படுத்தலாம்.

முதலாம் வகை ஆழ்ந்த உறக்கத்தில் இருக்கும் போது கண்களுக்குள் ஏதோ ஒரு நிகழ்வு படமாக முன்னகர்தல் இரண்டாமது நம் எதிர்காலம் குறித்து நாம் இப்படித் தான் வாழ வேண்டும், இப்படியான செயல்களை செய்ய வேண்டும் என இலட்ச்சியங்களை வளர்த்துக் கொள்வதோடு அதனை அடையும் வழிமுறைகளை சிந்தித்து அதனை அடைய முயலலும் ஆகும்.

மேலும் சமய ரீதியாகவும், விஞ்ஞான ரீதியாகவும் வெவ்வேறான பல கருத்துக்கள் கனவு தொடர்பாக முன்வைக்கப்பட்டுள்ளது. அதாவது மூளைக்கு செல்லும் முக்கியமான உணர்வு நரம்புகளில் மின்னூட்டம் ஏற்படுவதன் மூலம் கனவுகள் வருவதாக விஞ்ஞான ஆய்வுகள் கூறினாலும் கனவுகள் ஆழ்மனதில் படிந்து கிடக்கும் எண்ணங்களின் வெளிப்பாடுகள் என்றும், இயலாமைகளின் வெளிப்பாடுகள் என்றும், நமது ஆசைகளின் பிரதிபலிப்புகள் என்றும், நமது குணாதிசயத்தைக் கண்டுபிடிக்க உதவும் காரணிகள் என்றும் ஏகப்பட்ட விவாதங்களும் ஆராய்ச்சிகளும் உலக அளவில் பல நூற்றாண்டுகளாக நடந்து கொண்டே இருக்கின்றன என ஒரு தரப்பினரும் சமய ரீதியாக எதிர்காலத்தில் நிகழவிருக்கும் சம்பவங்களை முன்கூட்டியே அறிவிக்கும் அபூர்வ சக்தி கனவு என்றும், அவற்றிற்கான சான்றுகள் உள்ளன என இன்னொரு தரப்பினரும் கூறுகின்றனர்.

சிலர் ஏதோ ஒன்றை கண்டதாக உணர்ந்து திடுக்கிட்டு அசைவர் ஆனாலும் என்ன என்பதை மறந்ததாக கூறுவர். மற்ற சிலர் ஏதோ படக்கதை போல சொல்லிக் கொண்டே போவார்கள். மற்றவர்கள் தான் முதல் நாள் கண்ட கனவு மறு நாளும் தொடர்வதாக கூறுவார்கள் இவ்வாறான தன்மையை கண்டினியூவல் ஆக்டிவேஷன் என்று அழைக்கின்றனர். இன்னும் சிலர் தனக்கு கனவே வருவதில்லையே என புலம்பிக் கொள்வார்கள். இதற்கெல்லாம் காரணம் அவர் அவர் மூளையின் அதிரடி செயற்பாடே என்கின்றது இன்னொரு ஆய்வு. ஆம் அரைவாசி உறக்கத்திலுள்ள மூளை தான் கனவுகளின் அடிப்படைக் காரணம் என்று பொதுவாக ஆராய்ச்சியாளர்கள் நம்புகிறார்கள். அப்படிப்பட்ட நேரங்களில் காணும் கனவுகள் தான் நினைவில் இருக்கின்றன எனவும், மறந்து போய்விடும் கனவுகள் மூளை நல்ல உறக்கத்தில் இருக்கும் போது பிறப்பது எனவும் கூறுகின்றார்கள்.

கண்களின் அசைவை வைத்தே நாம் எந்த நேரத்தில் எவ்வகையான கனவை காண்கின்றோம் என அறியலாம் என்பதை முதன்முதலில் கண்டறிந்த அஸெரின்ஸ்கி 1953 ல் இவ்வாராய்ச்சியை உலகிற்கு அறிமுகப்படுத்தினார். மேலும் பலர் இது தொடர்பான ஆய்வுகளை இன்று வரை நிகழ்த்திக் கொண்டே இருக்கின்றார்கள். என்றாலும் மனதின் பயமோ, மன அழுத்தமோ, ஆழ் மனதில் பதிந்து போன ஆசைகளும் எம் அன்றாட வாழ்வின் நிகழ்வுகளோடு ஒத்துப்போகின்ற போது தான் கனவாக வருகின்றது என்ற பொதுவான கருத்தும் காணப்படுகின்றது. அதாவது அதிகமாக நாம் எதைப்பற்றி சிந்திக்கின்றோமோ அதுவே கனவாக வருகின்றது. ஏதோ ஒரு தீவிரமான உணர்ச்சியின் வெளிப்பாடே கனவாக அமைகின்றதாம். அதனிலும் ஆண்கள் காணும் கனவுக்கும் பெண்கள் காணும் கனவுக்கும் அனேக வித்தியாசங்கள் இருப்பதாகவும் கண்டறியப்பட்டுள்ளது.

இவ்வாறு கனவுகள் பல்வேறான கோணங்களில் வெவ்வேறான கருத்துக்களைக் கொண்டு வகைப்படுத்தப்படுகின்றது. நல்ல கனவுகளால் மன மகிழ்ச்சி கிடைத்தாலும் சில தீவிரமான கனவுகளால் அசம்பாவிதங்கள் நிகழ்ந்ததே ஏராளம். எனவே இந்த கனவு காணலை விளக்கி அன்றாட வாழ்வோடு ஒட்டி உறவாட உங்களுக்கான யோசனைகள் சில

மனதை எப்போதும் தூய்மையாக வைத்துக் கொள்ளல்

தேவையற்ற விடயங்களைப் பற்றிய சிந்தனைகளைத் தவிர்த்தல்


தினமும் குறித்த நேரத்திலேயே ப்டுக்கைக்கு செல்ல பழகிக் கொள்ளல் அதே போல குறித்த நேரத்திலேயே விழித்தெழல்


மெல்லிய இசை கேட்டல்


ஆரோக்கியமான நல்ல புத்தகங்களை வாசித்தல்


உடலையும், மனதையும், தூங்கும் சூழலையும் தூய்மையாக வைத்துக் கொள்ளல்


படுக்கையை வசதியானதாக அமைத்துக் கொள்ளல் (தலையணை, விரிப்பு)


தூங்குவதற்கான சூழல் இருக்கின்றதா எனப்பார்த்துக் கொள்ளல் (அமைதியான இருளான அமைப்பு)

தூங்கச் செல்வதற்கு முன் சிறிது தூரம் நடை பயிற்சி செய்தல்


இரவு உணவை முடித்துக் கொண்டதுமே உறக்கத்தை தேடாமல் சிரிது நேரத்தின் பின் படுக்கைக்கு செல்லல்.

குடிப்பழக்கத்தை தவிர்த்தல்

இவ்வாறான சில பழக்கங்களை வழக்கமாக்கிக் கொண்டால் கனவு எனும் பயங்கரத்திலிருந்து தப்பித்து ஆழ்ந்த உறக்கத்தை நிம்மதியாக அடையலாம்.

சிந்து பைரவி


இன்று சினிமா படங்களுக்குள்ள ரசிகர்களைப் போலவே தொலைகாட்சிகளில் பகுதி பகுதியாக பிரித்து ஒலி ஒளி பரப்பும் "டிராமா" க்களுக்கும் ரசிகர்களின் எண்ணிக்கை அதிகரித்த வண்ணமே உள்ளது. திரைப்பட ரசிகர்கள் குறிப்பிட்ட நடிகர், நடிகையின் படம் என்றதும் அடித்துப் பிடித்து கொண்டு அதனை பார்ப்பதும், அது குறித்த கருத்துக்களை வெளியிடுவதும் குறுகிய காலத்துக்குள் விலக்கி வைக்கப்படுகின்றது ஆனால் இந்த தொடர் நாடகங்கள் இன்று அனேகமான நபர்களை தொலைக்காட்சிக்கு முன்னால் கட்டிப்போட்டு வைக்கின்றது. ஏதோ தம் வீட்டில் நடக்கும் ஒரு நிகழ்வாக அல்லது தம் வீட்டு உறுப்பினர்களைப்போலவே கருதி அவர்களுக்காக மகிழ்வதும், திட்டுவதும், கவலையடைவதும் பைத்தியக்காரத்தனமே என்றாலும் சில நேரங்களில் ரசிக்கவும் வைக்கின்றது.


எதுவாக இருந்தாலும் அதிலுள்ள நல்லதை மட்டும் எடுத்துக்கொண்டு தீயவை தீயில் வைப்போம் அந்த வகையில் நான் இன்று உங்களுடன் பகிரப்போவது  ராஜ் டிவி வழங்கும் "சிந்து பைரவி" என்னும் தொடரின் ஆரம்பப்பாடலையே "டைட்டில் சோங்". சிந்து பைரவி தொடர் 800வது பகுதியையும் தாண்டி ஓடிக்கொண்டிருக்கின்றது சிந்துவின் கதை இன்று மகள் சிந்துவின் கதையையும் சேர்த்துக்கொண்டு பயணிக்கின்றது


(அனேகர் பரம ரசிகர்கள் என்பது தெரிந்தே சிலரோடு என்னையும் குறிப்பிட்டுகின்றேன்), எனக்கும் உங்களில் சிலரைப்போலவே அந்த கதையோடு அத்தனை பிடிப்பில்லை என்ற போதும் எங்கிருந்தாலும் அந்த ஆரம்பப்பாடலை செவிமடுக்கும் போது ஏதோ ஒரு இனிமை என்னை மென்மையாக்குகின்றது மனதை இலகுவாக்குகின்றது இதோ அந்த பாடலின் அற்புத வரிகள் உங்கள் பார்வைக்காக:


யான் பெற்ற இன்பம் பெருக இவ்வையகம்













"அன்பு கரங்களில் அடைக்கலமானது...
அழகிய பொம்மை;
ஆண்டவன் கருணையில் வாழ்ந்திடும் ஏழ்மை...
அதுவே உண்மை!


சிலரது புதியது பழதானால்...
அது சிலர் வாழ்வினில் புதிதாகும்;
சிலரது உடைமைகள் உருவிழந்தால்...
அது சிலர் உறவாய் உருமாறும்!


பூங்குயில் தினம் பாடும் இங்கே.                                                                       ஆசையின் பல்லவி......


Friday, January 24, 2014

எதில் உண்மையான இன்பம்?



ஒன்று கிடைக்கும் வரை அதற்காக ஏங்குவதும் அதனை அடைந்துவிடுவதற்காக தன்னால் இயன்ற வரை போராடுவதும் மனிதனின் இயற்கையான குணம் ஈற்றில் குறித்த விடயம் சார்ந்த வெற்றியை தனதாக்கிக்கொண்டாலும் தன் எதிர்ப்பார்ப்பு பூர்த்தியாகிவிட்டது என நிம்மதியடைவதையும், கிடைத்ததை வைத்துக்கொண்டு திருப்தியடைவதையும் அவனது மனம் முழுமையாக ஏற்றுக்கொள்வதில்லை. தான் நினைத்த, எதிர்ப்பார்த்த ஒன்று நடந்துவிட்டால் தன்னை விட அதிஷ்டசாலி யாரும் இல்லை, தானே பாக்கியவான் என மகிழ்ச்சிகொண்டாலும் அடுத்த கணம் வேறொரு நிகழ்வு, விடயம், ஏன் நபர் குறித்ததான தேடலை குறுகிய இடைவேளையிலேயே மீண்டும் தொடர்கின்றான் இவ்வாறு ஒன்று, ஒன்றிலிருந்து இன்னொன்று என அடிக்கடி அவனது விருப்பங்களும், தேவைகளும் இடம்மாறிக்கொண்டே தான் இருக்கின்றது. இது சிறியவர் பெரியவர் என்ற வேறுபாடுகளின்றி உருபெறுகின்றது 

இவ்வாறான தேடல்கள் சில நன்மை பயத்தாலும் சில தீமைகளையும் சேர்ப்பிக்கவே செய்கின்றன எனவே புதியன தொடர்பான தேடல் தவறான விடயங்கள் சார்ந்ததாயிராமல் நல்ல முன்னேற்றம் தரக்கூடியதாக அமையுமாறு நாம் தான் பார்த்துக்கொள்ள வேண்டும் ஏதாவது புதிய விடயங்கள் பற்றி அறியும் போது, பார்க்கும் போது நாட்டம் ஏற்படுவது இயற்கை ஆனால் அது எவ்வாறான விடயம் அதனை தொடர்வதனால் பின் விளைவுகள் எவ்வாறு இருக்கும் என்பன தொடர்பான ஆராய்தலையும் நமக்குள் நாமே பலமுறை மேற்கொள்ள வேண்டும் நாம் எடுக்கும் முடிவு நல்லதாக அமையும் போது யாரும் பெரிதாக கண்டு கொள்ள போவதில்லை என்றாலும் தூற்றுவதற்கு இந்த சமூகம் எப்போ என காத்துக்கொண்டிருக்கின்றது என்பதை மனதில் கொள்ள வேண்டும் நாம் செய்யும் தவறான ஒரு செயல் மற்றவர்களில் தாக்கத்தை ஏற்படுத்துவதனிலும் நம்மையே அதிகம் தாக்கும் என்பது தான் உண்மை ஆகவே எதுவாயிருப்பினும் சிந்தித்து செயல்படுவது தான் எதிர்காலத்தை நிலைப்பில் வைக்கும். 

இவ்வாறாக தேடல்கள் ஒவ்வொன்றாக மாற்றம் பெறுவதற்கான முக்கிய காரணம் எதனையும் தீர ஆராயாமல் மேலோட்டமான நோக்குதலூடாக ஒன்றிப்போதலே ஆகும். அதன் உண்மையான தன்மையை, அர்த்தத்தை தெளிவாக புரிந்துகொள்வோமானால் இவ்வாறான தவறுகளை முற்றிலும் என சொல்ல முடியாவிட்டாலும் பொதுவாக தவிர்க்கலாம். சில தருணங்களில் அது தவறே என தெரிந்தும் உங்களை மகிழ்வில் திளைக்க வைப்பதாக நீங்கள் உணரலாம் ஆனால் அப்படியாக கிடைக்கும் மகிழ்ச்சி ஒரு மாயையே! குறிப்பிட்ட நேரத்துக்கே அது நீடிக்கும் சில நேரங்களில் அவ்வாறான மகிழ்ச்சி உங்களை வலிகள், கவலைகள், பிரச்சினைகள் அனைத்தையும் மறக்கடிக்கும் மருந்தாக கூட உங்களுக்கு தோன்றலாம் போகப்போக அது குறித்த வலியும் இன்னும் சேர்ந்தே தாக்கும். எந்த தாக்கத்திற்கும் சமனும் எதிருமான மறு தாக்கம் உண்டு எனவே தவறான வழிகளில் இன்பம் கொள்ளும் நீங்கள் பின் விளைவுகளையும் சந்தோசமாக ஏற்றுக்கொள்ள தயாராகுங்கள்.

அப்படி என்றால் உண்மையான ஆனந்தம் எதில் உள்ளது? ஆராயத்தான் வேண்டும்... எப்படியாவது வேலை நடந்தால் சரி என்பதை விட எந்த வழியில் நடந்தால் நான் என்ற தனி மனிதனுக்கும் நாம் என்ற சுற்றத்துக்கும் மகிழ்ச்சி கிடைக்கும் என பார்க்க வேண்டும் அவ்வாறாக நம் செயல்கள் அமைந்துவிட்டால் அந்த ஆனந்தம் தான் நிலைக்கும் நம்மை தொடரவும் செய்யும். எத்தனையோ பிறவிகள் எடுப்போம் என கூறிக்கொள்வதனிலும் இருக்கும் வாழ்க்கையை எவ்வாறு அமைத்து கொண்டிருக்கின்றோம் என்பதில் முதலில் தெளிவடைவோம். நான் எப்படி இருந்தால் மற்றவருக்கென்ன என்ற போக்கை மாற்றிக்கொள்ள வேண்டும் ஒவ்வொரு மனிதனும் தனித்தனியான தேசத்தில் வாழவில்லை எல்லோரும் ஒன்றாகவே இருக்கின்றோம் சமூகத்தோடு கைக்கோர்த்துக்கொண்டு தான் எதிர்காலத்தில் கால் பதிக்க வேண்டியிருக்கும். எனவே ஒருமைப்பாட்டை வளப்படுத்திக்கொள்ளுங்கள்

உங்களுக்குள்ளேயே இந்த வினாவை ஒவ்வொருவரும் கேட்டுப்பாருங்கள் "நான் முழுமையடைந்து விட்டேனா?" இந்த கேள்வியை கேட்கும் போதே ஆயிரம் கிளை வினாக்கள் உம்மை புதிதாக தொடரும் இது குறித்ததான தன்னிச்சையான தேடல் ஒவ்வொருவருக்குள்ளும் நடந்து கொண்டே தான் இருக்கின்றது என்பது உண்மை மேலும் கிடைத்ததில் மட்டும் திருப்தியடையாமல், அடுத்த கட்டத்தை தாண்ட முனைவதில் தவறில்லை ஆனால் அதற்காக தேர்ந்தெடுக்கும் பாதையை சரியாக அமைத்துக்கொள்ள வேண்டும் இல்லையென்றால் அந்த பாதை உங்களுக்காகவே முற்களால் கூட நிரப்பப்பட்டுவிடக்கூடும். அந்த ஏமாற்றம் உங்களை எழுந்திரமுடியா படுகுழியில் தள்ளி வலிகளை தரலாம்.

மனிதன் தன் வாழ்க்கையின் அடிப்படை என்ன என்பதை அறியாமல் தனக்குத்தானே முகமூடிககளை அணிவித்து அழகு பார்க்கின்றான் அதில் பெருமையும் கொள்கின்றான். தன் சுற்றத்தை சூழலை ஆராயும் முன் தன்னை பற்றி தெரிந்துகொள்ள வேண்டும் அதற்காக நேரத்தை செலவிடவும் வேண்டும் ஆனால் இங்கே நான் என்ற தன்னை தவிர எந்த நபரையும் தன்னோடு ஒப்பிட்டுப்பாராமல் தொடர்புபடுத்தாமல் தேடலை தொடருங்கள் வலிகள் தாக்கலாம் என்றாலும் உங்களின் நிலை, எதிர்கால தன்மை, இலக்கு, குறிக்கோள் பற்றிய தீர்க்கமான முடிவு கிடைக்கும் இதனால் இன்பமயமான வெற்றியை அடைந்து உங்களையும் சமுதாயத்தையும் இந்த தேசத்தையும் புனிதப்படுத்துவீர்கள்

Tuesday, January 21, 2014

இறை வழிபாடு

பொதுவாக இன்று கோவிலுக்கு செல்வது என்பது நண்பர்களையும், உறவுகளையும், காதலர்களையும் சந்திப்பதன் நிமித்தமாகவே அமைந்துவிட்டது கோவிலுக்கு எவ்வாறு செல்ல வேண்டும், எவ்வாறான நல் விடயங்களை கடைப்பிடிக்க வேண்டும், எவ்வாறு இறைவனை வழிபட வேண்டும் என்பது நம்மில் பலருக்கு தெரிவதே இல்லை மேலும் மேலை நாட்டு ஆடைக்கலாச்சாரத்தை இங்கும் புகுத்திவிட்டார்கள் என்பது மிகக்கொடுமை. கோவில் என்றதும் மன நிம்மதி, குளிர்ச்சி, இன்பம் என்னும் காலம் மாறி தம் பெருமையை பாராட்டும் இடமாக எண்ணி ஆடம்பரமாகவும், கவர்ச்சியாகவும் காட்டிக் கொள்வதற்காகவே பயன்படுத்திக்கொள்கின்றார்கள் இப்படியான நிலைமையை என்று தான் மாற்றியமைக்கப் போகின்றோம்? இவற்றில் மாற்றம் காணும் முன்பாக தரிசனம் பற்றி சற்று அறிந்து கொள்வோமே... 

** கோவிலுக்குச் செல்லும்போது நீராடி உலர்ந்த ஆடை தரித்து தூய்மையாகச் செல்ல வேண்டும்.

** கோவிலை சமீபித்ததும் திருக்கோபுரத்தைத் தரிசித்து இறைவனின் நாமங்களை உச்சரித்து உள்ளே செல்ல வேண்டும்.

** முதலில் பலிபீடத்தையும் கொடி மரத்தையும் ரிஷப தேவரையும் கும்பிடல் வேண்டும்.

** வடக்கு, மேற்கு நோக்கிய சந்நதியாயின் இடப்பக்கத்திலும் கிழக்கு, தெற்கு நோக்கிய சந்நதியாயின் வலப்புறத்திலும் நின்று வணங்க வேண்டும்.

**வீழ்ந்து வணங்கும்போது ஆண்கள் தலை, இரண்டு செவிகள், இரண்டு கைகள், கால்கள், முகம் இவை நிலத்தில் படும்படி சாஷ் டாங்க நமஸ்காரம் செய்ய வேண்டும்.

**பெண்கள் தலை, இரு கைகள், முழங்கால்கள் இவை பூமியில் பதிய பஞ்சாங்க நமஸ்காரம் செய்ய வேண்டும். 

** நமஸ்காரம் மூன்று, ஐந்து அல்லது ஏழு தடவை செய்தல் நலம். மேலும் கீழே விழுந்து வணங்கும்போது மேற்கு நோக்கியும் தெற்கு நோக்கியும் கால் நீட்ட வேண்டும். கிழக்காகவும் வடக்காகவும் நீட்டக் கூடாது.

** கொடிமரத்தைக் கடந்து உள்ளே சென்றபின் எந்த இடத்திலும் வீழ்ந்து வணங்குதல் கூடாது.

** நமஸ்காரம் செய்தபின் திருநாமம் உச்சரித்து அடிமேல் அடி வைத்து மெல்ல வலம் வரவேண்டும்; தெய்வ வாகனங்களையும் சேர்த் துத்தான் வலம் வர வேண்டும்.

** ஒரே திருக்கோயிலில் உள்ள கணபதி-முருகன்- அம்பாள் சந்நதிகளை தனித்தனியாக வலம் வரக் கூடாது. சேர்த்துப் பொதுவாக வலம் வர வேண்டும்.

** வஸ்திரங்களால் உடலை மூடிக் கொண்டு வலம் வரவோ, வழிபடவோ கூடாது.

** வலம் வந்த பின்னர் துவார பாலகரை வணங்கி, நந்தி தேவரைத் துதித்து உள் செல்ல வேண்டும்.

** விநாயகரை தரிசித்து, பின் சிவனையும்-தேவியையும் வழிபட்டு, பின்னர் சபாபதி, தட்சிணாமூர்த்தி, சோமாஸ்கந்தர், சுப்ரமணியர் முத லிய மூர்த்திகளையும் சமயக் குறவர்களையும் வழிபட வேண்டும். 

** வழிபட்டதும் வடக்காக சண்டிகேஸ்வரரை அடைந்து மூன்று முறை மெலிதாகக் கை தட்டி பிரார்த்திக்க வேண்டும்.

** பின் வலமாக வந்து நந்தி தேவரின் இரண்டு கொம்புகளின் இடைவெளி வழியாக பெருமானை தரிசித்து, பலிபீடத்திற்கு இப்பால் மும்முறை வீழ்ந்து வணங்க வேண்டும்.

சில தகவல்கள்: நன்றி பெண்மை