Search This Blog

Wednesday, December 16, 2009

தொடங்கிடுங்கள்

நித்திரை தொலைத்த
நெஞ்சத்தின் குமுறல்
நித்தமும் பிழியும்
உண்மையின் நினைவுகள்....

தமிழ் தாகமும் தேகமும்
பசிக்கு இரையாகும் போது
எங்கே ஒழிந்தன உங்கள்
போர்க் கொடிகள்....

வெல்வேன் வீழ்த்தி
வாளேந்தி சொன்னீர்
அன்றைய முழக்கத்தின்
சுவடுகள் எங்கே....

ஆயுதம் இழந்தேன்
அழுது துடிக்கின்றீர்
அடிமையானேன்
நீரே உரைக்கின்றீர்....

புரியாதவரே....!
உங்கள் எண்ணங்களின் சிசுக்கள்
விரல்வழி பிறக்கட்டும்
உங்கள் பேனையை விடவா
ஆயுதம் வேண்டும்....

படிந்த கரும்புள்ளிகளை
காணாமல் செய்து
புதியதோர் யுகத்தை
புதிதாய் சமைக்க.....

இன்றே தொடங்கிடுங்கள்
உள்ளே உறங்கும்
உணர்வுகளுக்கு உயிர்கொடுத்து
உண்மையை விளக்கிட....

கத்தி முனையை விட
கூர்மையாய் இருந்து
குத்திக் கிழிக்கட்டும்
உங்கள் எழுத்துக்கள்!

Monday, December 14, 2009

பெண்களும் வன்முறைகளும்











இன்றைய
உலகம் எத்தனை தான் முன்னேற்றங்களைக்
கண்டு, எட்ட முடியாத தூரத்தை நோக்கி சென்று கொண்டிருந்தாலும் பெண்களைப் பாதிக்கும் வன்முறைகள் காலத்துக்கு காலம் வெவ்வேறு வடிவம் பெருகின்றனவே தவிர இன்றும் அதே அளவில் காணப்படத்தான் செய்கின்றன.

என்ன தான் பெண்களைப் பாதிக்கும் வன்முறைகளை ஒழிப்போம் என கோஷம் போட்
டாலும் குறையுரா நிலையில் அதன் நீட்சி அமைகின்றது. 1999ல் ஐக்கியநாடுகள் சபை தீர்மானித்தமையை தொடர்ந்து ஒவ்வொரு வருடமும் நவம்பர் 25ம் திகதியை "பெண்களைப் பாதிக்கும் வன்முறையை ஒழிக்கும் தினம்" என பெண்களுக்கானதொரு தினமாக பிரகடனப்படுத்தப்பட்டாலும் இன்றும் பெண்கள் எதிர் கொள்ளும் பிரச்சினைகளுக்கு தீர்வுகளே இல்லை. உலகளாவிய கணிப்பில் இவ்வாறான வன்முறைகளால் 70% பெண்கள் உடல் மற்றும் உள ரீதியில் பாதிக்கப்படுவதாக ஆய்வுகள் கூறுகின்றன. அதாவது மூன்றில் இரு பெண்கள் வன்முறைகளால் பாதிக்கப்படுகின்றனர் என ஆய்வுகள் கூறுகின்றன.









பெண்களும்
வன்முறைகளும் என பார்க்கும்போது அதனை இருவகையாகப் பி
ரிக்கலாம். அவையாவன,
01. பெண்கள் மீதான வன்முறை
02. பெ
ண்களுக்கெதிரான வன்முறை

பெண்கள் மீதான வன்முறை
பகிரங்க அல்லது தனிப்பட்ட வாழ்வில் நிகழுகின்ற செயல்களின் அச்சுறுத்தல், பலவந்தம், சுதந்திரத்தின் எதேச்சையான பறிப்பு என்பன உள்ளடங்கலாக உடல், உள மற்றும் பாலியல் அல்லது துன்பத்தை விளைவிக்கின்ற அல்லது விளைவிக்கக்கூடிய பால் அடிப்படையிலான வன்முறையின் ஏதேனும் ஒரு செயற்பாடு பெண்கள் மீதான வன்முறை ஆகும்.










பெண்களுக்கெதிரான வன்முறைகள்

சமத்துவம், அபிவிருத்தி மற்றும் சமாதானம் என்பவற்றின் குறிக்கோள்களை அடைவதற்கான தடை பெண்களுக்கெதிரான வன்முறையாகும். இவ்வன்முறை ஆனது, பெண்கள் தமது மனித உரிமைகளையும், அடிப்படைச் சுதந்திரங்களையும் அனுபவிக்கும் நிலையை இல்லாமல் செய்து அவர்களை அடிமைகளாகவும், கருவிகள் போன்றும் பயன்படுத்தப்படும் நிலையைக் குறிக்கின்றது.

இன்று எத்தனை தான் ஆண்களுக்கு நிகராக பெண்கள் பல்வேறுப்பட்ட துறைகளிலும் முன்னேறி ஆண்களின் சாதனைகளை முறியடிப்பவர்களாக இருந்தாலும் பெண்ணடிமைத்தனம் இன்றும் காணப்படவே செய்கின்றது. அதாவது ஒரு குறித்த பெண்ணால் தன் விருப்பு, வெறுப்புக்களைக்கூடப் பகிரங்கப்படுத்த முடியாத நிலை இன்றும் காணப்படுகின்றது. இவ்வாறான நிலைகளுக்கான காரணங்கள் யாதென ஆராயும் போது, எந்த ஒரு பெண்ணும் இதனை எதிர்க்கத் துணியாமையே வன்முறைகளின் தொடர்ச்சிக்கான விளைவுகளாக காணப்படுகின்றது. அதாவது வெளியில் சொல்வதனால் பழிவாங்கப்படலாமென்ற அச்சம், பெண்களின் தாழ்ந்த பொருளாதாரம் மற்றும் சமூக அந்தஸ்து, தங்கி வாழுதல், குழந்தைகளின் எதிர்காலம் பாதிக்கப்படலாமென்ற அச்சம், சட்டநிவாரணங்களைப் பெறுவதற்கான வழிவகைகள் பற்றி அறியாதிருத்தல், ஆண்களின் அடக்குமுறை என்பன பாதிக்கும் வன்முறையின் காரணிகளாக அமைகின்றது. மேலும் இன்றும் இந்த நிலையின் தொடர்ச்சிக்கான காரணம் யாதென பார்ப்போமானால், பல்வேறான காரணங்களை முன் வைக்கலாம்.











உதாரணமாக
ஒரு குடும்பத்தை எடுத்துக் கொண்டாலுமே அங்கே ஆண் பிள்ளைகளுக்கு வழங்கப்படும் சுதந்திரம், சலுகைகள் பெண் பிள்ளைகளுக்கு வழங்கப்படுவதில்லை. அவன் வேலைக்கு சென்று வருகின்றான், அவனுக்கு அதை செய்து கொடு, இதை செய்து கொடு என தாய்மாரால் பெண் பிள்ளைகள் தூண்டப்படுகின்றார்கள். இவ்வாறு பெண்களே ஆண்களுக்கு உயர்ந்த இடத்தை வழங்கும் தன்மை இன்றும் காணப்படுகின்றது, மற்றும் திருமணமான பெண் என்றால் அவளே தான் தனியாக வீட்டு வேலைகள், குழந்தைகளைப் பராமரித்தல் இவற்றோடு கணவனுக்கான சேவைகளை முன்வந்து செய்பவளாகவும் காணப்படுகின்றாள். இவற்றுள் வேலைக்கு செல்லும் பெண்களின் நிலை கவலைக்குறியது. வெவ்வேறான இரு சூழலுக்கேற்ப தன்னை தயார்ப்படுத்த வேண்டியவளாகக் காணப்படுகின்றாள். மேலும் கணவனே கண்கண்ட தெய்வம் என்ற பொருளை நியாயப்படுத்துவதாக அவர்களின் வாதமும் போக்கும் காணப்படும் அதாவது கணவனின் கருத்துக்கு எதிர்க்கருத்து தெரிவிக்கும் சுதந்திரம் வழங்கப்படுவதில்லை, அப்படியே எதிர்த்து பேசினாலும் அடி, உதை என வாங்க வேண்டிய நிலையும் ஏற்படும். அத்தோடு அவள் குடும்பத்துடனான, உறவுகளுடனான தொடர்பு நீக்கப்பட்டு தனிமைப்படுத்தப்படுவாள். இப்படி பேச்சுக்கள் முற்றி கையால் பேசும் நிலைக்கு வந்தாலும் இன்று எங்காவது பெண்கள் திருப்பி அடித்ததாக கேள்விப்பட்டிருக்கின்றீர்களா? அப்படியே அடித்தாலும் அவர்கள் லட்சத்தில், கோடிக்குள் ஒரு பெண்ணாக இருப்பார்கள். ஆனால் அந்நிகழ்வின் பின்னரான எதிர்த்த பெண்ணின் எதிர்காலமே கேள்விக்குறியாகிவிடும். இவ்வாறான நிலைக்கு அக்குறித்த பெண்ணை தள்ளும் நிலைக்கு ஊக்கியாக கணவனின் தாய், மற்றும் சகோதிரிகளே காணப்படுவார்கள். இவ்வாறு பெண்ணுக்கு பெண்ணே எதிரிகளாக மாறும் நிலையும் இன்றும் காணப்படுகின்றது. இப்படியான பல சிக்கலான பிணைப்புகளுக்குள் திணிக்கப்படும் பெண்கள் அதற்குள்ளேயே முடக்கப்படுவதற்கு பெண்களும் ஒரு காரணமே! மேலும் இங்கே ஆண்வர்க்கத்தினரை நோக்கும் போது சிலர் பெண்கள் மீதான, பெண்களுக்கெதிரான வன்முறைகளை எதிர்ப்பவர்களாகவும், ஒழிப்பதற்காக பாடுபடுபவர்களாகவும் காணப்படவே செய்கின்றனர். என்றாலும் ஓரிருவரின் கருத்துக்கள் எடுபடுவதான நிலை இல்லையே... :(

இந்த நிலை மாறுபட வேண்டுமென்றால் பெண்களே துணிவு கொண்டு பாரதிகாணத்துடித்த புதுமைப்பெண்களாக நிஜத்தில் மாறுங்கள்.

Friday, December 11, 2009

நாளைய பதிவர் சந்திப்பு













பதிவர்களின்
பல வருட கனவுகளை நனவாக்கும் வண்ணமாக கடந்த ஆகஸ்டு 23ம் திகதியன்று கொழும்பு தமிழ்ச்சங்கம் வினோதன் மண்டபத்தில் இனிதே நடாத்தி முடித்த முதலாவது இலங்கை வலைப்பதிவர் ஒன்றுகூடலானது இன்றைய பதிவுலகை கலக்கி வருகின்றது என்பது நாம் அனைவரும் அறிந்ததே!

பதிவுலகத்தை தத்தமது பதிவுகளால் கலக்கி வரும் பதிவர்களை சந்திக்கும் ஆர்வம் அனைத்து பதிவர்களின் மனதையும் துளைத்து எடுப்பதும் உண்மையே. இவ்வாறான பதிவர்களின் அவாவுக்கு தீணிப்போடும் வண்ணமாக நாளை ஞாயிற்றுக்கிழமை கைலாசபதி அரங்கு, தேசிய கலை இலக்கியப் பேரவை, காலி வீதி, வெள்ளவத்தை (ரொக்சி திரையரங்கு முன்னால்) நடாத்துவதற்கு ஒழுங்கு செய்யப்பட்டுள்ள இலங்கைத் தமிழ்ப் பதிவர் சந்திப்பானது குறித்த வேளையில் ஆரம்பிக்கப்படும் என்பதை ஏற்பாட்டுக் குழுவினர் சார்பில் தெரிவித்துக் கொள்வதோடு ஏலவே பதிவர் சந்திப்பில் கலந்து கொண்ட பதிவர்களையும், கடந்த பதிவர் சந்திப்பில் கலந்து கொள்ள தவறிய பதிவர்களையும் வருக வருகவென வரவேற்பதில் பெரு மகிழ்ச்சியடைகின்றோம்.

இதோ உங்களுக்காக நிகழ்ச்சி நிரல் மீண்டும் ஒருமுறை
* அறிமுகவுரை
* புதிய பதிவர்கள் அறிமுகம்
* கலந்துரையாடல் 1 : பயனுறப் பதிவெழுதல்
* கலந்துரையாடல் 2 : பின்னூட்டங்கள் குறித்தான பார்வை
* சிற்றுண்டியும் சில பாடல்களும்
* கலந்துரையாடல் 3 : இலங்கைத் தமிழ்ப் பதிவர் குழுமத்தை எவ்வாறு சிறப்பாகப் பயன்படுத்துவது?
* கலந்துரையாடல் 4 : பெண்களும் பதிவுலகமும்
* பதிவர்களுக்கிடையான குழுப் போட்டி
* உங்களுக்குள் உரையாடுங்கள்

டிசம்பர் 13, 2009 (ஞாயிற்றுக்கிழமை)- பி.ப. 2.00 மணிக்கே கலந்து நிகழ்வை சிறப்பிக்குமாறு அனைத்து பதிவர்களையும் கேட்டுக் கொள்கின்றோம்.

நன்றி

ஏற்பாட்டுக்குழுவினர்

நாளை சந்திப்போம்... சிந்திப்போம்

உன்னால் நான்

உன் காதல் பள்ளியில்
நிராகரிக்கப்பட்ட விண்ணப்பம் நான்!

உன் புறக்கணிப்புக்களால்
புதைக்கப்பட்டதாக என் வாழ்க்கை!

சுவாசங்களின் இடைவெளியையும்
சுருட்டிக் கொண்டது உன் நினைவு!

என் இரவுகளெல்லாம் பகலாகவும்
பகலெல்லாம் கனவானதும் உன்னால்!

விழி துயில் கொள்வதும் தினம்
விழித்துக் கொள்வதும் உன் தரிசனத்திற்காகவே!

இன்று உன் விடை பெறலால்
வினாவாகி தொக்கி நிற்பதுவும் நானே!

Thursday, December 10, 2009

ப ச கஞ்ச கிறுக்கனுக்கு பரிசு

டுமீல் டுமீ்ல் சத்தமில்லா புல்லட்
அடக்கிடுவோம் வரிகளிலே இவன் துல்லல்
பார்ப்பதற்கு தானே அப்பாவி
பதுங்கியிருந்து பாய்வதில் அடப்பாவி

ஊமையாய் இருந்துவிட்டால் உதைப்பான்
உரத்தலிலேஅடங்கிடுவான் பொட்டிப்பாம்பாய்
போற்றச்சொல்லி கெஞ்சுவிட்டான் மாறி
பாவம் புகழ்ந்தே தள்ளிடுவோம் வாரீர்

வாசல் தாண்டி வந்துவிட்டான் போலி
வந்தவனின் பேரோ கொல்பவன்
தன்னை தானே கிரேட் என்னும் கேடி
மூளைக்குள்ளே சேர்த்து வைத்தான்
மண் கட்டி

பத்து ரூபாய் தந்தால் போதும் சிரிப்பான்
மாறி பத்து பைசா கேட்டால் கூட கடிப்பான்
சிங்கமென சொல்லும் இந்த பூனை
சீதனமாய் கேட்பதுவோ யானை

மூன்று ரூபாய் தர மாட்டான் பாவி
மூன்று கோடி தானே இவன் கொள்கை
தன்னை தானே நொந்து கொள்ள தவிப்பான்
தன் நக்கலிலே நூறு பேரை புதைப்பான்

மாறி மாறி வாளி வைக்கும் பாவி
இவன் வந்தாலோ ஆள் அன்று காலி
எலிக்குட்டியை தொட்டணைத்த தோழன்
இவன் தானே கூட்டத்திலே கோமாளி

பார்த்து பார்த்து படித்ததுவோ எலக்ரோனிக்
அதுவே பக்கத்தில் இருப்பவனுக்கு இப்போ எலக்ர்ரிக் சோக்
வேற்றுமைகள் காட்ட மாட்டான் வசைபவன்
கும்மி கொட்டுவதில் இவனொரு கிழபவன்

தினம் நூறு வேசம் இவன் கதையில்
அத்தனையிலும் அவன் அன்பு உள்ளங்கள்
பட்டம் வழங்குவதில் இவன் பேமஸ்
பண விடயத்தில் மட்டும் இவன் பெயர் டேமேஜ்

விடியும் முன்னே ஓட்டலுக்கு
யாரோடும் ஒட்டிக் கொண்டு போவான்
யாரேனும் ஒட்டிக்கொண்டு போனால் மட்டும்
ஓட்டை என்பான் பொக்கட்

ஓடி ஓடி பொயிடுவான் சிந்து கபே - ஆனால்
சில்லறையும் சிதற மாட்டான் சிக்கனபவன்
அப்பத்தை அடைத்திடுவான் அடைத்திடும் வரை
இவர் கலரின் ரகசியம் "பால்" அப்பம்

பரோட்டா தானே இவன் ஜிம் பொடி சீக்ரட்
மலேசியா தானே இவனை தாக்க வரும் ராக்கெட்
ஆட்டக்காரன் தானே இவன் டாக்கட்
இன்றோடு விழுந்தது இவன் விக்கட்

Wednesday, December 9, 2009

காதல் செய்வோம் வாராய்

சிறுக சிறுக சேர்த்து வைத்த சிந்தனைகளை
சிதறடிப்பதான் உன் வார்த்தைகள்
அவ்வப்போது சீற்றம் கொள்ளும்
மூர்க்கமான முன் கோபம் - என

எல்லாமே வதைத்தாலும்
கல்வெட்டாய் பதிந்து விட்ட
உன் நினைவு தழும்புகள்
நினைவுள்ள வரை நீங்காது என்னில் - நீ

அன்பின் சிகரம் அவ்வப்போது
உன்னால் துப்பப்படும் அமில விஷங்கள்
அனைத்தையும் செயலிழக்க செய்கின்றது
என்றாலுமே இன்று வரை - உன்

மீது கொண்ட காதல் உணர்வு
கறையாமல், குறையாமல்
கடந்து வருகி்ன்றன கண்மணியே
விண் முட்டும் ஒலியோடும் - கண்

தெறிக்கும் ஒளியோடும்
காதல் செய்வோம் வாராய்
வாழ்வின் வசந்தங்களை
வறுமையிலும் வசமாக்கிட!

Tuesday, December 8, 2009

இனி வேண்டாம்

அணு தினமும் துதிப் பாடி
மன்றாடி உனை நாடி
மடி பிச்சை கேட்கின்றேன்
மறு ஜென்மம் இனி வேண்டாம்

இருந்தாலும் மறுபடியும்
வேற்றுமைகள் காட்டிவரும்
ஒற்றுமைகள் குழைத்துவிடும்
மனிதப் பிறவி இனி வேண்டாம்

மாற்றானின் மனை கவர்ந்து
தன் மனையை அழகாக்கும்
அழுக்கான மனங்கொண்ட
மனிதப்பிறவி இனி வேண்டாம்

பொன்னோடும் பொருளோடும்
சுகமாக தினம் வாழ்ந்து
மகிழ்வோவே மாண்டாலும்
மறு ஜென்மம் இனி வேண்டாம்

ஏக்கம்

அன்பின் ஊற்றுத்தான்
ஆனந்த கானம் தான்
இன்பத்தின் வெள்ளம் தான்
இனியதொரு குடும்பம் தான்

இன்னிசை பயின்ற இனிமை காலம்
மின்மினி தேசத்து மிளிரும் ராதை
விதியின் விளையாட்டு திருப்பம்
உறவோடு உறையுளும் தொலைத்த நிலை

பணத்தின் மதிப்பு பாசத்திற்கில்லை
பற்றற்ற வாழ்வு பழக்கப்பட்டியல்
எட்டிய மன்னவன் எட்டிடும் துடிப்பு
ஏழை வீட்டு வைரக் கனவு

ஏக்கமும் தாக்கமும் இரு உலகம்
இருக்கையில் பறித்தல் இறைவன் தேடல்
பழக்கமும் வழக்கமாய் பாவி துடுத்தாள்
பக்கத்தில் உற்றவன் சுவாசம் பெறவே!

Thursday, December 3, 2009

யாழ்தேவியும் பெண்களுக்கான வுமன்ஸ்.கொம்மும்

இதோ இதுவரை பொதுவான ஆக்கங்களை வெளியிட்டு வந்த யாழ்தேவி பதிவர்களை தினக்குரலில் அறிமுகப்படுத்தி வந்தது. மிகக் குறுகிய காலத்துக்குள் தனக்கென ஒரு இடத்தை தக்க வைத்துக்கொண்ட யாழ்தேவி இன்று பெண்களை கருத்தில் கொண்டு பெண்களுக்காக தனித்து இயக்கப்படுவதாக ‘வுமன்ஸ்.யாழ்தேவி.கொம்’ வரும் ஆண்டின் தொடக்கத்திலிருந்து இயக்கவுள்ளது.

இவ்வாறாக பெண்கள் சார்ந்த விடயங்களை பகிர்ந்து கொள்வதற்காகவும் பெண்களை ஊக்கப்படுத்தும் வண்ணமாகவும் தொடக்கப்படவுள்ள யாழ்தேவியின் ‘வுமன்ஸ்.யாழ்தேவி.கொம்’ உண்மையில் வரவேற்கப்பட வேண்டிய ஒரு விடயமாகும். இவ்வாறான ஒரு பெண்களுக்கான தனிப்பகுதி தொடங்கப்படுவதையிட்டு பெருமகிழ்ச்சியடைகின்றேன்.

இன்று எத்தனை தான் கலாச்சார, தொழில்நுட்ப முன்னேற்றங்களை அடைந்திருந்தாலும் பெண்களை அடிமைப்படுத்தும் தனம் இன்றும் குறையவில்லை. எத்தனை தான் ஆணுக்கும் பெண்ணுக்கும் சமவுரிமை வழங்கப்பட்டு விட்டதாக கூறப்பட்டாலும் இன்றும் மட்டுப்படுத்தும் தன்மையும் குறையவில்லை. ஆண் பிள்ளைகளுக்கு வழங்க்கப்படும் சுதந்திரம் இன்றும் பெண்களுக்கு வழங்கப்படவில்லை. இவ்வாறான நிலைகளை மாற்ற வேண்டுமானால் இன்றைய இளம் பெண்கள் மத்தியில் விளிப்புணர்வை ஏற்படுத்த வேண்டியது அவசியமாகும். இவ்வாறான ஒரு நிலையை ஏற்படுத்தும் எண்ணத்துடனும் பெண்கள் சார்ந்த மேலும் பல்வேறுபட்டதான கருத்துக்களை, விடயங்களைப் பகிர்ந்து கொள்ளும் வண்ணமாகவும் அமைக்கப்படவுள்ள ‘வுமன்ஸ்.யாழ்தேவி.கொம்’ பெண்களால் மட்டுமல்ல ஆண்களாலும் வரவேற்கப்பட வேண்டிய ஒன்றாகும். மேலும் இவ்வாறான ஒரு பெண்களுக்கான பகுதியை ஆரம்பிக்க முன் வந்தவர்கள் யாழ்தேவிக்குழுவினர் என்பதும் மேலும் அவர்கள் அனைவரும் ஆண்களே என்பதும் குறிப்பிடத்தக்கது.

இச்சந்தர்ப்பத்தில் அவர்களுக்கு நன்றிகளை தெரிவித்துக் கொள்வதோடு, அவர்களின் புதிய முயற்சிகள் கண்டு மகிழ்வடைகின்றேன். இது போன்று இன்னும் பல்வேறுபட்ட துறைகளில் அவர்கள் வளர்ச்சியடைய வேண்டும் என்றும் வேண்டிக் கொள்கின்றேன்.

மேலும் பெண்களுக்கான கை வேலைகள், அழகு குறிப்புகள், பொது பணிகள், பெண் உரிமை, அடிமைத்தனம் போன்ற நிகழ்வுகளையும், பெண்களின் தனித்தன்மைகள், ஆணாதிக்கம் மற்றும் இன்றைய பெண்களின் சாதனைகள் போன்றவற்றையும் சேர்க்கலாம் என நினைக்கின்றேன்.

நன்றி

Wednesday, December 2, 2009

நன்றி நவிலல்

பதிவர்களோடு பதிவராக பதிவுலகில் நடைப்பயிலும் யாழ்தேவி நிர்வாக குழுவினருக்கும், தினக்குரல் பத்திரிக்கை நிருபர்களுக்கும் நன்றிகள் கோடி....!

உடனடியாக நன்றி நவில முனைந்தும் ஒரு சில வேலைப் பளு காரணமாக சில நாட்களை கடந்த நிலையில் உங்களுக்கு நன்றிகளைத் தெரிவிப்பதையிட்டு மனவருத்தமடைகின்றேன். எனது ஆக்கத்தை தினகுரலில் பிரசுரித்து தந்தமைக்கு நன்றிகள் இரு சாராருக்குமே.

பதிவர்கள் ஒவ்வொருவரும் ஒவ்வொரு தனித்தன்மைகளோடு தமது ஆக்கங்களை அவரவர் சொந்த தளத்தில் பதிவிட்டு வருகின்றார்கள். அவர்களுக்கென பதிவுலக நண்பர்களின் கருத்துப்பகிர்வுகளும், பின்னூட்ட ஊக்குவிப்புகளும் என்றென்றும் காணப்படும் என்றாலும் பதிவுலக பதிவர்களின் ஆக்கங்களை அவர்களின் அறிமுகத்தோடும், படத்துடனும் வெளியிட்டு தளத்துக்கான அனேகரின் வருகையை ஏற்படுத்தித்தருவதான இந்த முயற்சி நிச்சயம் பாராட்டத்தக்கது. இது வளர்ந்து வரும் பதிவர்களை மேலும் ஊக்குவித்து அவர்களை மேலும் மேலும் எழுதத்தூண்டும் முயற்சியாகும். இது போன்ற உங்கள் நற்பணிகள் தொடர எனது வாழ்த்துக்கள்!












வாழ்க
வளமுடன்!

Thursday, November 26, 2009

பெண்ணே

பெண்ணே நீயும் கண் திறவாய்
பேதை நீயும் உயர்ந்திடுவாய்
உன்னினம் போற்ற வகைசெய்து
உரக்க குரலினை எழுப்பிடுவாய்

அடுப்படி உந்தன் சொந்தமல்ல
அக்கினிக்கு நீ இரையல்ல
விட்டிலாக நீ இருப்பதைவிடுத்து
பீனிக்ஸாய் நீயும் எழத்தொடங்கு

தஞ்சமென்று தலை சாய்க்காதே
மஞ்சத்தில் மனதை தொலைக்காதே
பஞ்சத்தில் வாடி வதைந்தாலும்
நெஞ்சத்தில் நேர்மை இழக்காதே

வாசலை நீயும் தாண்டி விடு
வாதிட்டு உலகை ஆண்டுவிடு
வேஷங்கள் கண்டால் விழகிவிடு
வானத்தை தொடும்வரை முயன்றுவிடு

Tuesday, November 24, 2009

இலங்கை தமிழ்ப் பதிவர் சந்திப்பு

அடுத்த பதிவர் சந்திப்பு எப்போ... எப்போ.... என நாம் அனைவரும் ஆவலோடு எதிர்ப்பார்த்திருந்த இரண்டாவது முறையாக ஒன்றுக்கூட்டப்பட இருந்த இலங்கை வலைப்பதிவர் சந்திப்பிற்கான ஒழுங்குகள் நிகழ்ந்த வண்ணமாக!

ஆம் எதிர்வரும் மார்கழி மாதத்தில் நடாத்தி முடிப்பதாக அமைப்பு குழுவினர் தீர்மானித்துள்ளனர். அது சார்ந்த விபரங்கள் நிகழ்ச்சி நிரலோடு கீழ்வருமாறு;

இடம் : தேசிய கலை இலக்கியப் பேரவை, வெள்ளவத்தை
(ரொக்சி திரையரங்கிற்கு முன்னால்)
காலம் : 13/12/2009 (ஞாயிற்றுக் கிழமை)
நேரம் : மாலை 2.00 மணி தொடக்கம் 5.00 மணி வரை

நிகழ்ச்சி நிரலும், விளக்கமும்
* அறிமுகவுரை - 5 நிமிடம்
* புதிய பதிவர்கள் அறிமுகம் - 10 நிமிடம்
(முதல் பதிவர் சந்திப்பில் கலந்து கொள்ளாத பதிவர்களை அறிமுகப்படுத்தல்)
* பயனுறப் பதிவெழுதல் - 35 நிமிடம் (கலந்துரையாடல்)
பதிவுகளின் தன்மை, பதிவெழுதல் முறைமை, வீச்சு, தாக்கம், மேம்படுத்தல் முறைகள், பதிவுலகின் நன்மைகள், தீமைகள் போன்றன.
* பின்னூட்டங்களும் அவற்றின் தாக்கங்களும் - 35 நிமிடம் (கலந்துரையாடல்)
காத்திரமான பின்னூட்டம், பயன்தரு பின்னூட்டம், தனிநபர் தாக்குதல் பின்னூட்டம், அநாமதேயப் பின்னூட்டம் (பெயரிழிகள், அனானிகள்), பின்னூட்டங்களுக்கான எமது தயார்படுத்தல்.
* சிற்றுண்டியும் சில பாடல்களும் - 15 நிமிடம்
* இலங்கைத் தமிழ்ப் பதிவர் குழுமத்தை எவ்வாறு சிறப்பாகப் பயன்படுத்துவது? - 20 நிமிடம்
குழுமத்தில் எவ்வாறு இணைவது, குழுமத்தை எவ்வாறு பாவிப்பது, எவ்வாறான செயற்பாடுகளை தவிர்க்க வேண்டும், குழுமத்துக்கூடாக நாம் செயற்படுத்த நினைப்பது, குழுமத்தின் நன்மைகள் போன்ற விடயங்கள் விளக்கப்படும்.
* பெண்களும் பதிவுலகமும் - 15 நிமிடம்
பெண் பதிவர்களின் பதிவுலகப்பயணத்திற்கான தடைகள், பதிவெழுதுதலில் பெண்களுக்கிருக்கக்கூடிய பிரச்சினைகளும் இருந்தால் தீர்வுகளும் போன்ற விடயங்களோடு பெண்பதிவர்களை ஊக்குவிக்கும் வகையில் அமையும் சிற்றுரை.
* பதிவர்களுக்கிடையான குழுப் போட்டி - 10 நிமிடம்
கலந்துகொள்ளும் பதிவர்கள் சில குழுக்களாகப் பிரிக்கப்பட்டு சுவாரசியமான போட்டி நடாத்தப்படும். வெல்லும் குழு புகைப்படத்தினுள் அடக்கப்பட்டுமுடியுமெனின் பரிசுடன் சந்திப்பின் பின்னான பதிவுகளில் சிலாகிக்கப்படும்.
* உங்களுக்குள் உரையாடுங்கள் - 20 நிமிடம்
எத்தனைதான் பதிவுகளூடாக நம் அறிமுகமானவர்களாக இருந்தாலும் நேரில் அறிந்தவர்களாக இல்லை எனவே பதிவர்களுக்குள் ஒரு அறிமுகத்தை ஏற்படுத்தும் முகமாக அமையும்.

பிற்குறிப்பு :
***ஒவ்வொரு நிகழ்விற்கும் குறிப்பிட்டளவு நிமிடங்கள் அண்ணளவாகக் குறிக்கப்பட்டுள்ளன. சிறு நேர மாற்றங்கள் ஏற்படலாம் என்றாலும் குறிப்பிட்ட நேரத்தில் சந்திப்பின் நிகழ்வுகள் தொடங்கப்படும் என்பதைக் கூறிக்கொள்வதோடு பதிவர்கள் குறித்த நேரத்தில் கலந்து கொள்ளுமாறும் கேட்டுக் கொள்ளப்படுகின்றீர்கள்.

***தூர இடங்களில் இருந்து வரும் பதிவர்களைக் கருத்தில் கொண்டே மாலைஇரண்டு மணி தேர்ந்தெடுக்கப்பட்டுளது. இது சார்ந்த பிரச்சினைகள், வசதிகள் குறித்து இம்முறை சந்திப்பில் கலந்துரையாடுவதன் மூலம் அடுத்த சந்திப்பில் ஒழுங்குகள் மேற்கொள்ளப்படும்.

***இது பதிவர்களுக்கான சந்திப்பு. இது நம் நிகழ்வு என்பதை மனதில் கொண்டு சந்திப்பு பயனுள்ளதாக அமையும் வகையில் சிறப்பிக்குமாறு கேட்டுக் கொள்ளப்படுகின்றீர்கள். மேலும் இங்கே ஒவ்வொரு தனிப்பதிவரும் முக்கியமானவரே உங்கள் ஒவ்வொருவரின் தனிப்பட்ட கருத்துக்களும் செவிமடுக்கப்படும். நிகழ்வு சிறப்புறலுக்கும், நிகழ்வு சார்ந்த செலவுகளிலும் பங்களிக்குமாறு கேட்டுக் கொள்ளப்படுகின்றீர்கள்.

***பதிவர்கள் தங்கள் வருகையை இங்கே பதிலிடுவதன் மூலமோ, அமைப்புகுழுவினரில் ஒருவரோடு தொலைப்பேசியிலோ, நேரடியாகவோ தொடர்பு கொள்வதன் மூலமாகவோ தெரிவிக்குமாறு கேட்டுக் கொள்ளப்படுகின்றீர்கள்.

***மேலும் பதிவர் சந்திப்பு பற்றிய விடயத்தை உங்களுக்கு தெரிந்த பதிவர்கள்அனைவருக்கும் (கடந்த சந்திப்பில் கலந்து கொள்ளாத பதிவர்களுக்கும்) தெரிவிக்குமாறும் கேட்டுக் கொள்ளப்படுகின்றீர்கள்.

***முதல் பதிவர் சந்திப்பில் போலவே இம்முறையும் நேரடி ஒளிபரப்புச் செய்யப்படும். இது சார்ந்த முயற்சிகளில் மதுவதனன் மௌ. (கௌபாய்மது) ஈடுபடுவார். அதன் சுட்டி http://livestream.com/srilankatamilbloggers இது நிகழ்வில் கலந்து கொள்ள முடியாத பதிவர்களுக்கும் ஏனையோருக்கும் பயனுள்ளதாக அமையும்.

இவ்வாறாக நம் வரும் ஏற்பாடுகள் நிகழ்ந்த வண்ணமாக! இலங்கைத் தமிழ்ப்பதிவர் குடும்ப உறுப்பினர்கள் அனைவரும் ஒன்றாக இணைந்து நிகழ்வுகளில் கலந்து, பங்கேற்று நிகழ்வு சிறப்புறலில் உழைத்து பதிவருக்கான தடம் பதித்தலில் மகிழ்வுறுவோமாக!

நன்றி
அமைப்புக் குழுவினர்

Monday, November 23, 2009

என் அன்னை

ஆராரோ ஆரிரரோ
அன்னையவள் அரவணைப்பு
பேசப்பேச பெருமை சேர்க்கும்
பெற்றவளின் சீராட்டு!

தொன்மை தமிழினிலே - மன
வன்மை கரைத்துவிடும்
தூயவளின் அன்பதுவோ
துணையாகும் எந்தனுக்கு!

ஏழையென்றாலும் கோழையல்ல
என் அன்னை - கோபம்
கொள்ளாத இமயமல்லோ
என் அன்னையவள்!

அகிலத்தை ஆட்சி செய்யும்
அக பலமும் தந்தவளே
அற்புதமாய் நான் உணர்ந்த
அழகியவள் நீயல்லோ!

பாசத்தின் மறு உருவாம்
தேசத்தின் ஒளி அவளாம்
வாசத்தில் அவள் மலராம்
வாழ்க்கைக்கு அவள் கருவாம்!

அன்புக்கு அன்னையல்லோ
அணைக்கும் உயிரல்லோ
அவள் புகழை பாடிடுவோம்
ஊராரும் போற்றிடவே!

Thursday, November 19, 2009

வலைபதிவுலகு சார்ந்த பதிவர்களின் கலந்துரையாடல்

பதிவர்களே.....!

பதிவுலகில் நாம் காலடி வைத்து, அல்லது வலைப்பதிவிடல் சார்ந்து அறிந்து கொண்டது வெகு சில ஆண்டுகளுக்கு முன்பிருந்து தான் என்றாலும் வலைப்பதிவிடல் பல வருடங்களுக்கு முன்னதாகவே அறிமுகப்படுத்தப்பட்டு விட்டது. ஆனாலும் வலைப்பதிவர்கள் நமக்கே அது சார்ந்த பல்வேறுபட்ட தகவல்களும் தெரிந்திருப்பதில்லை. எனவே நம் ஒவ்வொருவருக்கும் தெரிந்த வலையும் வலையுலகும், பதிவிடலும் சார்ந்த தகவல்களை இங்கே பகிர்ந்து கொள்வோம். மேலும் வலைப்பதிவிடலின் நன்மை, தீமைகளையும் தெரிந்து கொள்வோம்.

பின்னூட்டங்களாக உங்களுக்கு தெரிந்த விடயங்களை தெரிவியுங்கள். முதல் வலைப்பதிவு, யாரால் எங்கு அறிமுகப்படுத்தப்பட்டது? எவ்வகையான விடயங்களை கருத்தில் கொண்டு அறிமுகப்படுத்தப்பட்டது? இது போன்ற உங்களுக்கு தெரிந்த விடயங்களைப் பகிர்ந்து கொள்ளுங்கள்

நன்மைகள்
* தனிப்பட்ட ஒருவரின் உணர்வுகளும், எண்ணங்களும் சிதையாமல் கருவாகின்றது.
* கருத்து சுதந்திரம் காணப்படுகின்றது.
* அவர் அவர் விருப்பங்களுக்கேற்ப வடிவமைக்கக்கூடிய நிலை காணப்படிகின்றது.
* மாற்றங்கள் செய்வதற்கான வசதிகள் காணப்படுகின்றது. (உ+ம்) அச்சில் பதித்த பின்னால் அவற்றில் எந்த மாற்றங்களையும் செய்ய முடியா நிலை காணப்படும் ஆனால் இங்கு தேவையானவற்றை சேர்த்துக் கொள்ளவும், தேவையற்றவற்றை நீக்கவும் முடியும்.
* பின்னூட்ட ஊக்குவிப்பு காணப்படுகின்றது. (உ+ம்) பத்திரிக்கைகளில் ஒருவரின் ஆக்கம் வெளியிடப்படுமாயின் அவரின் ஆக்கங்களை எத்தனை பேர் வாசிக்கின்றார்கள் என்பதும், சொல்லும் கருத்துக்கள் எத்தனை நபர்களை போய் சேருகின்றன என்பதும் தெரியாமல் இருக்கும் ஆனால் வலை பதிவிடலில் உடனுக்குடன் பதில்கள், கருத்துக்கள் பின்னூட்டங்களாக இடப்படுகின்றன மேலும் அவற்றில் என்னென்ன திருத்தங்கள் செய்ய வேண்டும். எவ்வாறான நிலையை குறித்த பதிவு கொண்டுள்ளது என்னும் தன்மை விளக்கப்படுகின்றது. அடுத்த பதிவில் தெளிவும் திருத்தமும் பேண உதவியாக உள்ளது.
* சிறந்த நட்பு வட்டத்தை உருவாக்கி தருகின்றது.
* ஆர்வம் அதிகரிக்க வழிவகுக்கின்றது.


தீமைகள்
* இலகுவாக குறித்த ஒருவருடைய பதிவு களவாடப்பட்டுவிடுகின்றது.
* கணனி பாவணையாளர்களை மட்டுமே தகவல்கள் சென்றடைகின்றது.

Wednesday, November 18, 2009

கணனி துணுக்குகள்












இன்று கணனியின் பிரயோகம் மேலோங்கியுள்ள காலம். வீட்டுக்கு வீடு கணனிமயமாக உள்ளது ஆனாலும் எம்மில் பலருக்கு கணனியை எவ்வாறு பயன்படுத்த வேண்டும் என்பது தெரியாமல் உள்ளது. அதாவது கணனி முன்னால் எவ்வாறு அமருவது போன்ற விடயங்களில் அவர்கள் அக்கறை கொள்வதே இல்லை. அவற்றினால் ஏற்படக்கூடிய பின் விளைவுகள், உபாதைகள் பற்றியும்சிந்திப்பதில்லை.

இதோ உங்களுக்காக சில ஆலோசனைகள் படங்களோடு
























































Tuesday, November 17, 2009

மானசீக நட்பு

பூக்களால் நிரப்பப்பட்ட
நட்பின் முற்றத்தை
புளுதிகள் கொண்டு
வாறியடிக்கின்றாய்

பொன்னாய் போற்றப்பட்ட
நட்பின் கற்பை
ஏளனக் கண்கொண்டு
பார்வை பார்க்கின்றாய்

இனிமை நடையேற்ற
நட்பின் மொழியை
ஈன வார்த்தைகள் கொண்டு
துளைத்து எடுக்கின்றாய்

உனை தேடி கரம் கோர்த்து
வலி ஏந்தி வடு சுமந்து
தோள் கொடுத்த நட்பை
தூக்கி எறிகின்றாய்

வேலைக்கும் உன் வெற்றிக்கும்
வியர்வை சிந்தி
உழைத்த நட்பை
விட்டிலாய் வதைக்கின்றாய்

சந்தேகத்தோடு வாழும் நீ
கண்டதும் கேட்டதுமென்றாய்
தீர விசாரித்து தீர்க்கமாய்
முடிவெடுப்பதை விடுத்து

நேற்றைக்கும் இன்றைக்கும்
என்றைக்கும் நட்பென்பாய்
உன் மனதில் புகுந்த ஊனம்
கரையும் வரை உளறிடுவாய்

கரைந்த பின்னே கதறிடுவாய்
கண்ணீர் மல்கிடுவாய் - அப்போது
கண்ணுக்கெட்டா தூரத்தில் நான் இருப்பேன்
நட்பை மட்டும் சுமந்து

Monday, November 16, 2009

A முதல் Z வரை (அ முதல் ஃ வரை)

இப்போதெல்லாம் தொடர்பதிவு எழுதுவது பதிவர்கள் மத்தியில் பிரபல்யமாகவும், அதிகமாகவும் முன்னகர்த்தப்படுகின்றது. என்னவோ அடுத்தவரை மாட்டிவிடுவதில் அத்தனை சந்தோசம் நம் பதிவுலக நண்பர்களுக்கு அவ்வாறே என்னையும் மாட்டிவிட்டுள்ளார்கள் நான் மட்டும் யாரையாவது மாட்டிவிடாமல் இருக்கமுடியுமா அதான் உடனே இந்த பதிவை எழுதுகின்றேன். என்னை இந்த தொடர் பதிவிற்கு அழைத்த மயூரன் பெரி மற்றும் மன்னார் அமுதனுக்கு என் நன்றிகள்

1. A – Available/Single? :
சிங்கிள் ஆனால் Available இல்லைங்கோ

2. B – Best friend? : என் அப்பா, நர்மதா

3. C – Cake or Pie?: கேக்

4. D – Drink of choice? : கோக்

5. E – Essential item you use every day? : கடிகாரம்

6. F – Favorite color? : பச்சை

7. G – Gummy Bears Or Worms?: இரண்டும் இல்லை

8. H – Hometown? : கொட்டகலை

9. I – Indulgence? : நடனம், இசை

10. J – January or February? February 14 : காதலர்தினம் தான் ஸ்பெஷல்

11. K – Kids & their names? : இப்போதே கேட்டால்

12. L – Life is incomplete without? : உறவுகள்

13. M – Marriage date? : தெரியாது

14. N – Number of siblings? : மூன்று

15. O – Oranges or Apples? : 6 5

16. P – Phobias/Fears? : கரப்பான் பூச்சி

17. Q – Quote for today? : உனக்கு சரியென பட்டதை செய்

18. R – Reason to smile? : மனதை வலிமைப்படுத்தி புத்துணர்வுடன் வைத்திருக்கும்

19. S – Season? : இலை தளிர் காலம்

20. T – Tag 4 People?
நியாஸ் http://mdniyas.wordpress.com
கவிக்கிழவன்
மனதின் கிறுக்கல்கள்
செந்தழல் ரவி

21. U – Unknown fact about me? : எதையாவது யோசிப்பது கொஞ்ச நேரத்தில் என்னவென்று எனக்கே தெரியாமல் குழம்புவது

22. V – Vegetable you don't like? : முள்ளங்கி

23. W – Worst habit? : கோபம்

24. X – X-rays you've had? : ஆம்

25. Y – Your favorite food? : நெய் தோசை

26. Z – Zodiac sign? : மீனம்

அன்புக்குரியவர்கள்: அப்பா, நண்பர்கள்

ஆசைக்குரியவர்: என் காதலன்

இலவசமாய் கிடைப்பது: ஆலோசனை

ஈதலில் சிறந்தது: ஒரு வேளை உணவு

உலகத்தில் பயப்படுவது: இருட்டு

ஊமை கண்ட கனவு: மேடைப் பேச்சு

எப்போதும் உடனிருப்பது: நினைவுகள்

ஏன் இந்த பதிவு: பச்சிளம் பாலகர் வந்தியத்தேவன் மற்றும் மன்னார் அமுதனுக்காக

ஐஸ்வர்யத்தில் சிறந்தது:
ஞாபகசக்தி

ஒரு ரகசியம்: இன்று செவ்வாய்கிழமை

ஓசையில் பிடித்தது: அவன் அலைப்பேசியின் அழைப்பு பாடல்

ஔவை மொழி ஒன்று: திரைகடல் ஓடியும் திரவியம் தேடு

(அ)ஃறிணையில் பிடித்தது: நாய்

Sunday, November 15, 2009

இழப்புக்களும் அவை தரும் வலிகளும்

ஒவ்வொரு மனிதனுடைய வாழ்க்கையிலும் இழப்புக்களும், ஏமாற்றங்களும் அவனை பலமுறை தீ(சீ)ண்டிப் பார்த்திருக்கும் ஆனால் அவற்றுள் ஒரு சில இழப்புக்களையும், ஏமாற்றங்களையும் தாங்கிக் கொள்ள முடிவதே இல்லை அதே போல மறந்து விட முடிவதும் இல்லை. நேர நீட்சிக்குள் நீளமாக தொடர்ந்து உணர்வின் ஒவ்வொரு அணுக்களையும் தொட்டுக்கொண்டே இருக்கும் அந்த வலிகளின் மீட்டல். எத்தனை தான் முயற்சி செய்தாலும் நினைக்கும் போதெல்லாம் கண்கள் குளமாகும், மனது ரணமாகும், உலகம் இருளாகும், வாழ்வு கசப்பாகும் அத்தனை வலிகளை தாண்டிய வடுக்கள் வலிகளோடே என்றும் இருக்கும்.

இப்படியான நிகழ்வுகள் என் இறந்த கால வாழ்க்கை பக்கங்களை பிரட்டும் போதெல்லாம் தலை தூக்கி என்னை துக்கப்பட வைப்பதுண்டு அவ்வாறான நிகழ்வுகளில் என்னை மிகவும் பாதித்தது, உலகத்தையே வெறுக்க வைத்தது, கடவுளை கல்லென தூற்ற வைத்தது என் பாசமான தந்தையின் இழப்பு. என்னால் இன்று வரை ஏற்றுக் கொள்ள முடிவதும் இல்லை தாங்கிக் கொள்ள முடிவதும் இல்லை. ஆம் இன்றோடு அவர் எங்களை விட்டுப் பிரிந்து 9 வருடங்கள் ஏனோ நேற்று தான் அவரை காளன் காவு கொண்டது போன்று தோன்றுகின்றது.

அவரை பற்றி சொல்வதென்றால் சொல்லிக் கொண்டே போகலாம் அத்தனை தங்கமான மனிதர். யார் மனதையும் புண்படுத்த மாட்டார், உதவியென வந்து நின்றால் யாராக இருந்தாலும் சலைக்காமல் உதவுவார். என்னை ஒரு மகளாக மட்டுமில்லாமல் ஒரு நண்பியாகவும் நடத்துவார். எங்களுக்காக எத்தனையோ விட்டுக் கொடுப்புக்கள், அர்ப்பணிப்புக்கள் செய்திருக்கும் நான் அடிக்கடி அதிசயமாக பார்க்கும் உயிர் என் அப்பா. பள்ளி விடுமுறையில் நெருக்கமாக இல்லாமல் ஒரு சில நாட்கள் நம்மோடு பழகிவிட்டு பிரியும் நண்பர்களையே மீண்டும் சந்திப்போம் என தெரிந்தும் விடைபெற மனம் இடம் கொடாது அப்படி இருக்க ஒரு நல்ல தகப்பனாகவும், நண்பனாகவும் இருந்த ஒரு உயிரை நிரந்தரமாக பிரிதல் என்பது கொடுமையிலும் கொடுமை. இன்று அவரை தொலைத்து விட்டு நடைபிணம் போன்ற வாழ்க்கை வாழ்வதாய் உணர்கின்றது என்னோடு என் குடும்பமும்.

உயிர்களை படைத்து உணர்வுகளை தூண்டிவிட்டு அன்பான உறவுகளை வளர்த்துவிட்டு இடையில் பிரித்துக் கொள்வதில் என்ன இருக்கின்றது? ஒவ்வொருவரும் படைக்கப்பட்டது ஏற்றுக் கொள்ள தக்கதென்றால் ஒவ்வொருவரையும் தனித் தனியாக உறவு தொடர்புகளின்றி படைத்திருக்கலாமே என தோன்றுகின்றது. உலகில் அன்றாடம் ஆயிரக்கணக்கில் மரணங்கள்..... நமக்கு அயலிலும் தூரத்திலுமாக ஆனால் அவர்களுக்காக வருந்துவது இல்லையே அவரின் விதி அவ்வளவு தான் என நம் வேலைகளை நாம் தொடங்கி விடுகின்றோம். அப்படியே அதற்காக வருந்தினாலும் அந்த நேரம் மட்டுமே அடுத்து சில நாட்களில் அவ்வாறான நிகழ்வுகள் சார்ந்த ஒரு சிறு துறும்பும் நினைவில் வருவதில்லை ஆனால் உறவுகள் என வரும் போது உயிருள்ள வரை அந்த கவலை எம்மை தொடர்கின்றதேன்? பிறப்பும் இறப்பும் உயிர்களின் வாழ்வின் இரு அத்தியாயங்கள். உதிர்வும் மறைவும் மறுக்க முடியாதவை தான் என என்ன தான் படித்தாலும், என்ன தான் எழுதினாலும், அனைவரும் உணர்வுகள் ஒன்று சேர்ந்து கலக்கப்பட்ட உயிர்கள் தானே! தனக்கென வரும் போது கலங்கி போய்விடுவதில் அவனை கோழை என்பதா?

இப்படி என்ன தான் ஆறுதலாக பேசிக்கொண்டாலும், வீசியே சென்றாலும் உண்மை அன்போடு உறவாடிய உறவுகளை மறப்பது முடியவில்லையே மரணம் வரை வலிகொல்(ள்)கின்றதே ஆம் இன்றைய நாள் என் வாழ்வில் மறக்க முடியாத நாள் எங்கள் குடும்பத்தை சின்னாபின்னமாக்கிய கொடிய நாள் இது. உலகில் நான் அதிகமாக வெறுக்கும் நாளும் இதுவே.

எந்தையே என்னுயிர் தந்தையே
உன் நினைவுகள் வாழ வைத்தாலும்
உன் பிரிவு உயிரை பிழிகின்றது
உலகம் உயிர்ப்புடன் - நீ
தந்த நானும் உயிர்ப்புடன்
ஆனால் நீ மட்டும்....???

I Love You DAD

Tuesday, November 10, 2009

விழுவியம் காப்போம்

நம் முன்னோர்கள் விழுவியம் காப்போம் என அடிக்கடி சொல்ல கேள்விப்பட்டிருப்பீர்கள் ஆனால் விழுவியங்கள் என்றால் என்னவென்பது இன்று வரை நம்மில் பலருக்கு தெரிந்திருக்க வாய்ப்பில்லை. அவர்கள் தெரிந்து கொள்ள முயற்சி செய்வதும் இல்லை ஏனென்றால் நாம் அனைவரும் அப்படியான ஒரு சூழலுக்கு பழக்கப்பட்டவர்களாகவும், நேரமின்மையில் அவதிப்படுபவர்களாகவும் காணப்படுகின்றோம்.

இனி விழுமியங்கள் சார்ந்த சில தகவல்களை பார்ப்போம். மனிதனுடைய நம்பிக்கைகள், எண்ணங்கள், கருத்துக்கள் என்பவற்றின் உருவாக்கத்தின் அடிப்படையில் அமைந்துள்ளதே விழுமியம் எனப்படுகின்றது. விழுமியங்களை ஒழுக்கத்துடனும், நேர்மையுடனும் பயன்படுத்துவதே அவற்றின் தொடர்ச்சியை உறுதிப்படுத்துகின்றது. இந்தத் தொடர்ச்சியே விழுமியத்தை தொடர்புடைய ஏனைய கருத்துருக்களான அன்பு, நாணயம், இரக்கம், நீதி, நேர்மை, நம்பிக்கை, கருத்து, எண்ணம், பக்தி என்பவற்றிலிருந்து வேறுபடுத்துகின்றது. இத்தகைய சூழலில் விழுமியம் என்பது மனிதர் எதை அடிப்படையாகக் கொண்டு செயற்படுகிறார்களோ அதைக் குறிக்கிறது எனலாம். இவ்வாறான கருத்துருக்களை வாழ்க்கையில் முதன்மையாக கொண்டு செயற்படும், முன்னகர்த்தப்படும் ஒரு தனி நபருடைய வாழ்க்கை அமைதியே வடிவானதாக காணப்படும்.

மேலும் விழுமியங்கள், கலாச்சார கருத்துக்களில் நம்பிக்கையில்லாதவர்களும், பொய்யென உரைப்பவர்களும் நம் மத்தியில் இருக்கவே செய்கின்றார்கள். அவர்கள் அனைவரும் தப்பான எண்ணம் கொண்டவர்கள் என்றோ, தப்பானவர்கள் என்றோ நான் சொல்ல வரவில்லை. முன் வைக்கப்படும் ஒரு விடயமானது அதன் கருத்து தெளிவுடனும், உண்மையானதாகவும், நன்மை பயக்கும் வகையினதாகவும் காணப்படும் பட்சத்தில் அவற்றினை பின்பற்றுவதில் தவறில்லை என்பதனையே சொல்ல வருகின்றேன்.

விழுமியங்கள் இரு வகையாகக் கருதப்படலாம்.

  1. தனி மனித விழுமியங்கள்
  2. பண்பாட்டு விழுமியங்கள்

தனி மனித விழுமியங்கள்

தனி மனிதருடைய வாழ்க்கையை ஒழுங்கமைப்பதை நோக்கமாகக் கொண்டவை. அவை ஒட்டுமொத்தமாகச் சமுதாயத்தின் ஒழுங்கமைவுக்கு அத்தியாவசியமாக இருக்க வேண்டும் என்பதில்லை.

பண்பாட்டு விழுமியங்கள்

ஒரு சமூகத்தில் பொதுவாக உள்ள விழுமியங்கள் பண்பாட்டு விழுமியங்கள் எனப்படுகின்றன. இன்னொரு வகையில், மனிதர்கள் சேர்ந்து வாழ்வதற்கு எந்தெந்த விழுமியங்கள் சிறப்பாகத் தேவைப் படுகின்றனவோ அவை பண்பாட்டு விழுமியங்கள் எனப்படுகின்றது.

ஒரு சமுதாயத்தில் விழுமியங்கள் கதைகள், பழமொழிகள், சமயம் என்பவற்றினூடாக வெளிப்படுகின்றன. மனித விழுமியங்களை ஒழுங்கு படுத்துவதற்கும், மனித நாகரிகத்தை பிறழ்வின்றி வைத்திருப்பதற்கும் இறை நம்பிக்கை மிக அவசியமானதாகும். இறை நம்பிக்கை எனும் போது அவரவர் இஸ்ட தெய்வங்களை வழிபட்டு வரலாம் மேலும் எம்மிடம் காணப்படும் சிறந்த பண்புகளை ஏனையவர்களுக்கும், சிறுவர்கள் மத்தியில் விழுமியங்கள் சார்ந்த நல் கருத்துக்களை சேர்ப்பித்தலும் ஒவ்வொருவருடையதும் முக்கியமான கடமையாகும்.

விழுமியங்களை பேணி நல்லதொரு தேசத்தை ஆள்வோம்

பதிவர்களே

பல்வேறு எதிப்பார்ப்புக்களோடு, சர்ச்சைகளுக்கும் உள்ளாக்கப்பட்டுள்ள இலங்கை வலைப்பதிவர் சந்திப்பானது எப்போது..... எப்போது....... என்பது தான் நம் அனைவரின் கேள்விகளாக இருக்கின்றது. நமது வேலைப்பளு, மற்றும் ஏனைய காரணிகளால் அது சார்பான முயற்சிகளை நாம் அனைவரும் தனித்தனியாகவே செய்து கொண்டிருக்கின்றோம். ஆனால் தனித்தனியாக செய்வதனிலும் நாம் அனைவரும் ஒன்றிணைந்து செயற்பட்டால் அதற்கான பலன் இன்னும் அதிகமாக இருக்கும். மேலும் பயனுள்ள வகையில் ஒழுங்கமைப்பதற்கும் இலகுவாக இருக்கும்.

வலைப்பதிவர் என வரும் போது நாம் அனைவரும் அதற்குள் அடக்கப்பட்டு விடுகின்றோம் என்பதனை முதலில் நாம் உணர்ந்து கொள்ள வேண்டும். மேலும் முதல் சந்திப்பில் அறிமுகத்தோடு முடிந்து விட்டது அதை தாண்டி இம்முறை பட்டறை போன்று செயற்பட்டால் நல்லது என்றும், இது சார்பாக இதை செய்யலாம், அதனை செய்யலாம் என பல்வேறான கருத்துக்கள் முன் வைக்கப்பட்டுள்ளது. என்றாலும் எத்தனை பேர் நிகழ்வில் பங்குபற்றுவார்கள் என்பது தெளிவாக தெரியும் பட்சத்தில் அதற்கான ஏற்பாடுகளையும், இடத்தினை தெரிவு செய்வதும் இலகுவாக இருக்கும் என்பது என் கருத்து.

என் இனிய பதிவுலக நண்பர்களே!
தங்களில் யார் யார் நம் இரண்டாவது பதிவர் சந்திப்பில் கலந்து கொள்வீர்கள் என்பதனை பின்னூட்டமாக தெரிவியுங்கள். மேலும் நிகழ்வு சார்ந்த உங்கள் தனிப்பட்ட கருத்துக்களையும், விருப்பு வெறுப்புக்களையும் சேர்த்து தெரிவிப்பீர்களானால் அது சார்ந்த ஒழுங்குகளை நாம் அனைவரும் சேர்ந்து செய்வதற்கு வசதியாக இருக்கும்.

உங்கள் விருப்பத்தினை இவ்வாறாக தெரிவியுங்கள்
பெயர் : ஜோ. சம்யுக்தா கீர்த்தனா
மின்னஞ்சல் : www.name@gmail.com
வலைத்தளம் : http://keerthyjsamvunarvugal.blogspot.com
தொலைப்பேசி இலக்கம் : 07xxxxxxxx

நன்றி
பதிவர்கள்

Monday, November 9, 2009

பாரதி கண்ட பெண்கள்

அடுப்படியில் அடங்கிவிட
அடிமைகள் இல்லை நாங்கள்
பொங்கியெழும் துணிவு கொண்ட
புதுமை பெண்கள்

வீட்டினிலே நாங்கள் என்றும்
மென்மை மங்கைகள்
விருப்புடனே சேவை செய்யும்
அன்பின் நெஞ்சங்கள்

அடக்கிடுவோம் வீரர் நாங்கள்
அகந்தைகளை நாளும்
அநியாயம் ஒழித்திடுவோம்
அனைவருமாய் கூடி

தவறு செய்தால் திருத்திக் கொண்டு
மேலே செல்லுவோம்
தவறி கூட தவறாய் நாங்கள்
தண்டிக்க மாட்டோம்

அடிக்க வரும் காளையரை
அன்பால் திருத்துவோம்
அதையும் மீறி அடிக்க வந்தால்
அடித்து நொறுக்குவோம்

வீசும் வலை விழுவதில்லை
எங்கள் தேசத்தில் - தூய
விழுதுகளால் நிரம்பிடட்டும்
எங்கள் வாழ்க்கை

எளிமை தன்னை என்றும்
எங்கள் வாழ்வில் கொள்ளுவோம்
ஏய்க்க வரும் கயவர் தம்மை
எதிர்த்து நின்று கோசம் போடுவோம்

சுட்டெரிக்கும் சுடர்கள் நாங்கள்
வீர மங்கையர் - எம்மை
இழிவு படுத்தும் மூடர் தம்மை
கொளுத்தி அழிப்போம்

தடுமாற்றம் கண்டிடாமல்
நேராய் செல்லுவோம்
அன்பு கொண்டு வீட்டுடனே
நாட்டை ஆளுவோம்