அந்தி சாயும் பொழுதுகளும் அர்த்தப்பட்டுப் போகின்றன!


அதிகாலை துயிலலில்
பனித்துளிகள் பட்டு நீராடும்
புல்வெளியை தென்றல் தொட்டு
செல்லும் வருடல் போலவே..,


வலிகள் தாங்காமல்
நொறுங்கும் என் இதயத்தை
சேர்வையாக்கி கோர்வை
செய்யுது உன் அன்பு!



வேண்டும் என துடித்து
விரும்பிப் பெற்ற விரத தவத்தின்
பரிசுகள் என்னை பகடையாக்கி
பார்த்து சிரித்து மகிழ்ந்திட..,


மெல்லிய தூரல்களே
சிலிர்க்க வைக்கும் என்னில்
அடை மழையின் சாரல் பட்டும்
தெப்பமாய் வெப்பம் உள்ளே!


என்றாலும்;


கவலைகளை சுமந்து
வெம்பும் நொடிகள் தாண்டி
அந்தி சாயும் பொழுதுகளும்
அர்த்தப்பட்டுப் போகின்றன..;


நெஞ்சோடு நீ இருப்பதால்!


Comments

ம.தி.சுதா said…
///...மெல்லிய தூரல்களே
சிலிர்க்க வைக்கும் என்னில்
அடை மழையின் சாரல் பட்டும்
தெப்பமாய் வெப்பம் உள்ளே!...//
அருமை சகோதரா வாழ்த்துக்கள்...
September 10, 2010 at 5:34 AM
ஜோ.சம்யுக்தா கீர்த்தி said…
நன்றி சுதா! என்றாலும் என்னை சகோதரனாக்கி விட்டீர்களே.... :(

உங்கள் வலைத்தளம் அருமை பதிவுகளும் அருமை

இப்படிக்கு,
சகோதரி கீர்த்தி
September 14, 2010 at 9:44 PM
Anonymous said…
அந்த ஆளுக்கு - அதான் ‘அவன்’ - எவ்வளவு சக்தியிருக்க வேண்டும் ஒரு பெண்ணின் கவலைகளை அவனை நினத்தமாத்திரத்தில் போக்கவைக்கும் சக்தி -

அவனை என்னிடம் அனுப்புங்கள் என் கவலைகள் கொஞ்சம் நஞமல்ல. ஒரு நிவாரணியாக இருப்பான்.
September 22, 2010 at 11:34 AM
Anonymous said…
Juxtapose the first and second stanzas:

The second stanza says that your heart is burdened with sorrows and pains, and his love lightens that burden.

Since the second stanze flows from the first stanza, it gives the meaning that the blades of grass on the meadow are burdened by the dew drops painfully; and that pain is lightened or alleviated by the cool breeze.

I think, Ms Jo S.K, why do you think that for the blades of grass, the dew drops are a burden and a pain ?
September 22, 2010 at 11:39 AM
Anonymous said…
Third stanza is nice: it is an antithesis: You got something out of your penance; but alas, that turns out to be a disappointment and a cause for ridicule.

Fourth is to be considered the master stroke in this poem: good turn of phrase and thought.

The penultimate (கடைசிக்கு முந்தி) and the anticlimax in the last ( ie. the solution (He) - have nicely come out. It clinches the whole poem, although I like the aforesaid masterstroke.

You are a good poet. I hope you will tackle a variety of themes, not only 'love'!
September 22, 2010 at 11:46 AM
"தாரிஸன் " said…
ரொம்ப நல்லா இருக்குங்க ..........
வரிகளுக்கேடற்போல் படங்களும் அருமை....
December 25, 2010 at 1:19 PM
Post a Comment

Popular posts from this blog

விழுவியம் காப்போம்

நம் முன்னோர்கள் விழுவியம் காப்போம் என அடிக்கடி சொல்ல கேள்விப்பட்டிருப்பீர்கள் ஆனால் விழுவியங்கள் என்றால் என்னவென்பது இன்று வரை நம்மில் பலருக்கு தெரிந்திருக்க வாய்ப்பில்லை. அவர்கள் தெரிந்து கொள்ள முயற்சி செய்வதும் இல்லை ஏனென்றால் நாம் அனைவரும் அப்படியான ஒரு சூழலுக்கு பழக்கப்பட்டவர்களாகவும், நேரமின்மையில் அவதிப்படுபவர்களாகவும் காணப்படுகின்றோம். இனி விழுமியங்கள் சார்ந்த சில தகவல்களை பார்ப்போம். மனிதனுடைய நம்பிக்கைகள், எண்ணங்கள், கருத்துக்கள் என்பவற்றின் உருவாக்கத்தின் அடிப்படையில் அமைந்துள்ளதே விழுமியம் எனப்படுகின்றது. விழுமியங்களை ஒழுக்கத்துடனும், நேர்மையுடனும் பயன்படுத்துவதே அவற்றின் தொடர்ச்சியை உறுதிப்படுத்துகின்றது. இந்தத் தொடர்ச்சியே விழுமியத்தை தொடர்புடைய ஏனைய கருத்துருக்களான அன்பு, நாணயம், இரக்கம், நீதி, நேர்மை, நம்பிக்கை, கருத்து, எண்ணம், பக்தி என்பவற்றிலிருந்து வேறுபடுத்துகின்றது. இத்தகைய சூழலில் விழுமியம் என்பது மனிதர் எதை அடிப்படையாகக் கொண்டு செயற்படுகிறார்களோ அதைக் குறிக்கிறது எனலாம். இவ்வாறான கருத்துருக்களை வாழ்க்கையில் முதன்மையாக கொண்டு செயற்படும், முன்னகர்த்தப்படும் ஒரு ...
Read more

ஹைக்கூ கவிதைகள்

"நண்பன்" துன்பத்திலும் வாழ்பவன் உற்ற துணையாக ! "இரவு" நிலவொளியினோடு தனிமையும் சொந்தமானது ! "கல்வி" இறப்பினூடும் அழிவில்லா செல்வமிதுதான் ! "காதல்" இதயங்களின் இனிமையும் இன்பமயமாக ! "கவிதை" உணர்வு சொட்டு உதிரமாய் உருவாகின்றது ! "நிலவு" வட்டமுகமது வானத்தில் வட்டமிட்டது ! "மௌனம்" வார்த்தைகளின் தொடர்ச்சி வந்துதிக்குது ! "தனிமை" இல்லாமையிலும் இறுதிவரை உடனிருப்பது ! "கடவுள்" நேற்றையதினமே எதிர்கால வித்திட்டவன் ! "ஏழை" தினம்தினமும் உண்டழுக தண்ணீர் அமுது ! "தாலி" பெண்ணவளுக்கு துணைவனின் உத்தரவாதம் !
Read more

29. தவிப்போடு ஒரு மனசு

என்னவனே, ஏனடா இத்தனை தவிப்பு உன்னால் மட்டும்? உனை ஒருமுறையாவது சந்தித்து விட துடிக்குது மனசு உனை ஒருமுறையாவது ஸ்பரிசித்துவிட ஏங்குது நெஞ்சம் உனக்காய் வாழ்வதில் தான் எத்தனை இன்பங்கள் உனக்குள் தொலைவதில்தான் எத்தனை கோடி களிப்பு ஏனோ, உலகமே எனக்குள் இருப்பதாய் ஒரு உணர்வு நீ என்னோடு இருப்பதால் நான் உனக்குள் தொலைந்ததால் வாழ்வதாயின் உன்னோடு மட்டுமே வாழ்ந்துவிட கேட்கின்றேன் மாள்வதாயினும் உனக்காய் மட்டுமே மாண்டுவிட கேட்கின்றேன் உனை சுவாசிப்பதனிலும் உனை அணுவணுவாய் ரசிப்பதனிலும் இன்பமுண்டோ எனக்கு? உனை ஆதிமுதல் அந்தம் வரை எனக்கே கேட்கின்றேன் என்னவனாய் மட்டும்! உனை சந்திக்க போகும் அந்த நாள்………………… எப்போது கிட்டுமென எனையே நொந்து கொள்கின்றேன் எனக்குள் நீ வாழ்கின்றாய் என் இறுதி வரை வாழ்ந்து கொண்டே இருப்பாய் என் மூச்சு நிற்கும் வரை உனக்குள் நானும் வாழ்ந்து கொண்டிருப்பேன் என்றபோதும், உனை என்னருகிலேயே கேட்கின்றேன்! உன் சந்தோசத்தில் பங்கேற்பதற்கல்ல நீ இடிந்து போகும் நேரங்களில் உன் துணையாய் துணைவியாய் தாயாய் மாற…………!
Read more