66. நீ வா.................


காற்றே கொஞ்சம் வா வா
காதை திறந்து வா வா
என் சுவாசம் தீண்டிப் போனாய்
சுகமாய் என்னை மீட்டாய்!

வரமாய் என்னுள் வந்தாய்
நல் மனமும் நீயே கொண்டாய்
அணுவாய் நீயே வந்தாய்
அன்பாய் என்னை தின்றாய்!

தனிமை என்னை சிறைப்பிடிக்க
எனக்காய் என்னில் வந்தாய்,
தனியாய் உலகில் நின்ற என்னை
நற்சிலையாய் மாற்றி கண்டாய்!

தாகம் கொண்ட தேகம் எங்கும்
தழுவல் மொழிகள் சொன்னாய்;
கணமாய் நீளும் நாட்கள் எங்கும்
கவிதை வரிகள் தந்தாய்!

என் பகலாய் மாறிப் போனாய்
இனிய இரவும் நீயே ஆனாய்
நிழலாய் நீயே நின்றாய்
நிஜமாய் மாறிப் போனாய்!

தடயம் நீக்கி கூடும் துணிவில்
தரணி தாண்டி வந்தாய்;
மலரும் நினைவில் மகிழ்ந்து போக
புதிரும் நீயே ஆனாய்!

மோனத்தின் ரசணைக்கு முதலும் நீயே ஆனாய்
முழு உலகின் நிலவும் நீயே ஆனாய்
புரியாத வார்த்தைகள் சொன்னாய்
நிஜமாய் என்னை அணைத்தாய்!

சொன்னேன் உன்னை சொன்னேன்
உன் தொணியில் உன்னை சொன்னேன்
தந்தாய் உன்னை தந்தாய் - நீ
எனக்காய் உன்னை தந்தாய்!

மீண்டும் மீண்டும் கேட்பேன்
மனதால் உன்னை கேட்பேன்
காற்றே நீயும் வா வா - என்னில்
நீயும் வா வா!



Comments

Anonymous said…
All lyrics r nice... keep it up Keerthy ... eladsian
September 6, 2009 at 11:03 PM
Anonymous said…
lyrics r nice ...eladian
September 6, 2009 at 11:05 PM
Anonymous said…
wow supr all lyrics r nice keep it up Keerthy

K.eladsian
September 6, 2009 at 11:11 PM
யோ வொய்ஸ் (யோகா) said…
கவிதைககள் என்றுமே அலுப்பதில்லை வாசிக்க வாசிக்க அவை புத்துணா்ச்சி அளிக்கின்றன. வாழ்த்துக்கள்
September 7, 2009 at 12:27 AM
வானவர்கோன் said…
//என் பகலாய் மாறிப் போனாய்
இனிய இரவும் நீயே ஆனாய்
நிழலாய் நீயே நின்றாய்
நிஜமாய் மாறிப் போனாய்!//

அருமையான கவி வரிகள், பாராட்டுக்கள் கீர்த்தி.
September 7, 2009 at 1:12 AM
சுபானு said…
//மோனத்தின் ரசனைக்கு முதலும் நீயே ஆனாய்
முழு உலகின் நிலவும் நீயே ஆனாய்
புரியாத வார்த்தைகள் சொன்னாய்
நிஜமாய் என்னை அணைத்தாய்!

இரசித்தேன்..
September 7, 2009 at 10:27 PM
Arun said…
இலங்கை பதிவர்களின் புதிய தமிழ் திரட்டி யாழ்தேவிதற்போது Add-தமிழ்விட்ஜெட்டில்!

ஒரே ஒரு Add-தமிழ் விட்ஜெட் பட்டன் போதும் , உங்கள் பதிவுகள்
அல்லது இணையதள பக்கத்தினை அனைத்து முதன்மை தமிழ் திரட்டிகளிலும் வெளியிடலாம்.

உங்கள் பதிவுகள் தமிழின் அதிக வாசகர்களை சென்றடைய இப்போதேAdd-தமிழ் பட்டன் இணையுங்கள் !

விட்ஜெட் தரவிறக்கம் செய்ய இங்கு கிளிக் செய்யுங்கள்
September 7, 2009 at 11:36 PM
Post a Comment

Popular posts from this blog

விழுவியம் காப்போம்

நம் முன்னோர்கள் விழுவியம் காப்போம் என அடிக்கடி சொல்ல கேள்விப்பட்டிருப்பீர்கள் ஆனால் விழுவியங்கள் என்றால் என்னவென்பது இன்று வரை நம்மில் பலருக்கு தெரிந்திருக்க வாய்ப்பில்லை. அவர்கள் தெரிந்து கொள்ள முயற்சி செய்வதும் இல்லை ஏனென்றால் நாம் அனைவரும் அப்படியான ஒரு சூழலுக்கு பழக்கப்பட்டவர்களாகவும், நேரமின்மையில் அவதிப்படுபவர்களாகவும் காணப்படுகின்றோம். இனி விழுமியங்கள் சார்ந்த சில தகவல்களை பார்ப்போம். மனிதனுடைய நம்பிக்கைகள், எண்ணங்கள், கருத்துக்கள் என்பவற்றின் உருவாக்கத்தின் அடிப்படையில் அமைந்துள்ளதே விழுமியம் எனப்படுகின்றது. விழுமியங்களை ஒழுக்கத்துடனும், நேர்மையுடனும் பயன்படுத்துவதே அவற்றின் தொடர்ச்சியை உறுதிப்படுத்துகின்றது. இந்தத் தொடர்ச்சியே விழுமியத்தை தொடர்புடைய ஏனைய கருத்துருக்களான அன்பு, நாணயம், இரக்கம், நீதி, நேர்மை, நம்பிக்கை, கருத்து, எண்ணம், பக்தி என்பவற்றிலிருந்து வேறுபடுத்துகின்றது. இத்தகைய சூழலில் விழுமியம் என்பது மனிதர் எதை அடிப்படையாகக் கொண்டு செயற்படுகிறார்களோ அதைக் குறிக்கிறது எனலாம். இவ்வாறான கருத்துருக்களை வாழ்க்கையில் முதன்மையாக கொண்டு செயற்படும், முன்னகர்த்தப்படும் ஒரு ...
Read more

ஹைக்கூ கவிதைகள்

"நண்பன்" துன்பத்திலும் வாழ்பவன் உற்ற துணையாக ! "இரவு" நிலவொளியினோடு தனிமையும் சொந்தமானது ! "கல்வி" இறப்பினூடும் அழிவில்லா செல்வமிதுதான் ! "காதல்" இதயங்களின் இனிமையும் இன்பமயமாக ! "கவிதை" உணர்வு சொட்டு உதிரமாய் உருவாகின்றது ! "நிலவு" வட்டமுகமது வானத்தில் வட்டமிட்டது ! "மௌனம்" வார்த்தைகளின் தொடர்ச்சி வந்துதிக்குது ! "தனிமை" இல்லாமையிலும் இறுதிவரை உடனிருப்பது ! "கடவுள்" நேற்றையதினமே எதிர்கால வித்திட்டவன் ! "ஏழை" தினம்தினமும் உண்டழுக தண்ணீர் அமுது ! "தாலி" பெண்ணவளுக்கு துணைவனின் உத்தரவாதம் !
Read more

29. தவிப்போடு ஒரு மனசு

என்னவனே, ஏனடா இத்தனை தவிப்பு உன்னால் மட்டும்? உனை ஒருமுறையாவது சந்தித்து விட துடிக்குது மனசு உனை ஒருமுறையாவது ஸ்பரிசித்துவிட ஏங்குது நெஞ்சம் உனக்காய் வாழ்வதில் தான் எத்தனை இன்பங்கள் உனக்குள் தொலைவதில்தான் எத்தனை கோடி களிப்பு ஏனோ, உலகமே எனக்குள் இருப்பதாய் ஒரு உணர்வு நீ என்னோடு இருப்பதால் நான் உனக்குள் தொலைந்ததால் வாழ்வதாயின் உன்னோடு மட்டுமே வாழ்ந்துவிட கேட்கின்றேன் மாள்வதாயினும் உனக்காய் மட்டுமே மாண்டுவிட கேட்கின்றேன் உனை சுவாசிப்பதனிலும் உனை அணுவணுவாய் ரசிப்பதனிலும் இன்பமுண்டோ எனக்கு? உனை ஆதிமுதல் அந்தம் வரை எனக்கே கேட்கின்றேன் என்னவனாய் மட்டும்! உனை சந்திக்க போகும் அந்த நாள்………………… எப்போது கிட்டுமென எனையே நொந்து கொள்கின்றேன் எனக்குள் நீ வாழ்கின்றாய் என் இறுதி வரை வாழ்ந்து கொண்டே இருப்பாய் என் மூச்சு நிற்கும் வரை உனக்குள் நானும் வாழ்ந்து கொண்டிருப்பேன் என்றபோதும், உனை என்னருகிலேயே கேட்கின்றேன்! உன் சந்தோசத்தில் பங்கேற்பதற்கல்ல நீ இடிந்து போகும் நேரங்களில் உன் துணையாய் துணைவியாய் தாயாய் மாற…………!
Read more