68. சிற்பியும் செதுக்களும்

உருவம் கொடுப்பதற்காக
கற்களையும் சிற்பியையும்
படைத்தான் இறைவன்!


அவனே சிற்பியாய் நின்று
உருவத்தோடு உயிரையும்
கொடுத்துப் பார்த்துப் பார்த்துச்
செதுக்கிய சிற்பம் நீ

அவன் செதுக்கல்களில்
தான் எத்தனை நேர்த்தி
எத்தனை நுணுக்கமான
வளைவுகள்.....
அப்பப்பா...
அற்புதம் கண்டு வியக்கின்றேன்!

அங்கங்கே
ஒவ்வொன்றாய்
கண், காது, மூக்கு, வாய் என
ஒன்றோடு ஒன்றாய்
ஒவ்வொன்றாய்
எத்தனை செதுக்கல்கள்…


இவற்றுக்குப் பெயர் தான்
உறுப்புக்களாம்
உதிரம் கொண்டல்லோ
செய்துள்ளான் ஒவ்வொன்றையும்!

சிற்பங்கள் சிறப்பானவை
போற்றத்தக்கவை
பள்ளிக்காலம் தொட்டு
இன்று வரை சிற்பங்களையும்
அவற்றின் கலை அம்சங்களையும்
கண்டு வியந்த நெஞ்சம்,

இன்று......,
உனை நோக்கி பயணிக்கின்றன
என் அதிசய பார்வைக்கூடே
அதிசயமாய்!


உன்னிலும் உயர்ந்த சிற்பம்
உண்டோ உலகில்
உயர்வைப் பெற.....
உயர்வைத் தர.....?

உன்னதம் தாங்கிய உன் வம்சம்
படைப்பதற்காய் எத்தனை சிற்பிகளை
படைத்திருக்கின்றான்
தாய் என்னும் சிறந்த ஸ்தானத்தோடு?


உதிரத்தை பாலாக்கி - உன்னை
உயிராய் ஆளாக்க
தன்னை பாழாக்கி - தரணியிலே
தவமிருந்து விதைக்கின்றாள்
தாயானவள் உன்னை!

உயர்ந்த எண்ணத்தோடு
இத்தனை அழகாய்
உன் பிறப்பை அலங்கரித்த
அவனுக்காய் (இறைவன்)
அவனாய் நின்று உனை விதைத்த
அளுக்காய் (தாய்)


செய்தது தான் என்ன?
இத்தனையும் உனக்காய் செய்த
அவர்களுக்காய் - நீ
செய்தது தான் என்ன?

வாழ்க வென்று வாயார
வாழ்த்துப் பாடி
வடிவாய் உன்னை
வடிவமைத்த அவர்களுக்காக
வாழ்ந்து விட்டு தான் போயேன்

மனிதம் கொண்ட மனிதனாய்
கொஞ்சம் வாழ்ந்து விட்டு தான்
சாயேன்!




Comments

யோ வொய்ஸ் (யோகா) said…
அழகான கவிதை மற்றும் அதற்கு பொருத்தமான சித்திரங்கள். இந்த படங்களை யார் வரைந்தது..
September 15, 2009 at 4:35 AM
Unknown said…
அழகாகத்தான் இருக்கிறது கவிதை...
வாழ்த்துக்கள்...
September 15, 2009 at 10:10 PM
ஜோ.சம்யுக்தா கீர்த்தி said…
நன்றி அண்ணா! வரைந்தவர் யாரென தெரியாது மன்னிக்கவும்
September 15, 2009 at 11:37 PM
Post a Comment

Popular posts from this blog

விழுவியம் காப்போம்

நம் முன்னோர்கள் விழுவியம் காப்போம் என அடிக்கடி சொல்ல கேள்விப்பட்டிருப்பீர்கள் ஆனால் விழுவியங்கள் என்றால் என்னவென்பது இன்று வரை நம்மில் பலருக்கு தெரிந்திருக்க வாய்ப்பில்லை. அவர்கள் தெரிந்து கொள்ள முயற்சி செய்வதும் இல்லை ஏனென்றால் நாம் அனைவரும் அப்படியான ஒரு சூழலுக்கு பழக்கப்பட்டவர்களாகவும், நேரமின்மையில் அவதிப்படுபவர்களாகவும் காணப்படுகின்றோம். இனி விழுமியங்கள் சார்ந்த சில தகவல்களை பார்ப்போம். மனிதனுடைய நம்பிக்கைகள், எண்ணங்கள், கருத்துக்கள் என்பவற்றின் உருவாக்கத்தின் அடிப்படையில் அமைந்துள்ளதே விழுமியம் எனப்படுகின்றது. விழுமியங்களை ஒழுக்கத்துடனும், நேர்மையுடனும் பயன்படுத்துவதே அவற்றின் தொடர்ச்சியை உறுதிப்படுத்துகின்றது. இந்தத் தொடர்ச்சியே விழுமியத்தை தொடர்புடைய ஏனைய கருத்துருக்களான அன்பு, நாணயம், இரக்கம், நீதி, நேர்மை, நம்பிக்கை, கருத்து, எண்ணம், பக்தி என்பவற்றிலிருந்து வேறுபடுத்துகின்றது. இத்தகைய சூழலில் விழுமியம் என்பது மனிதர் எதை அடிப்படையாகக் கொண்டு செயற்படுகிறார்களோ அதைக் குறிக்கிறது எனலாம். இவ்வாறான கருத்துருக்களை வாழ்க்கையில் முதன்மையாக கொண்டு செயற்படும், முன்னகர்த்தப்படும் ஒரு
Read more

91.தமிழர் ஆடற்கலை வடிவங்கள்

Image
பரத நாட்டியம் இன்று பரத நாட்டியம் என அழைக்கப்பட்டாலும் ஆரம்பக்காலங்களில் சதிராட்டம் என்றே அழைக்கப்பட்டது. சதிராட்டத்துக்கு திரு.கிருஸ்ணையர் அவர்கள் தான் 1930 இல் பரதநாட்டியம் என்று பெயர் கொடுத்தார். இது தென்னிந்தியா விற்குரிய நடனமாக கருதப்பட்டாலும் இன்று இலங்கையில் பரதநாட்டியம் ஒரு குறிப்பிட்ட சமுதாயத்தினராலும் , மேட்டுக்குடியின ராலும் மட்டுமல்லாமல் பலராலும் கற்றுக்கொள் ளப்படுவதோடு, பணச்செலவில் அரங்கேற்றமும் செய்யப்பட்டு வருகின்றது. இன்று சிங்களவர்கள் மத்தியிலும், வெளி நாட்டவர்கள் மத்தியிலும் கூட சிறந்த வரவேற்பை பெற்றுள்ளது. பரதநாட்டி யத்தின்உயிரும், வேர்களும் தமிழரின் கலாச்சாரத்திலும் பண்பாட்டி லும் ஆழப்பதிந்துள்ளது கு றிப்பிடத்தக்கது. பரத நாட்டியம் என்றதுமே நம் நினைவிற்கு வருபவர் சிவபெருமானே. சிவனை ந டராஜர் வடிவில் வணங்கப்பட்டே நடனம் ஆரம்பிக்கப்படுகின்றது. பரதத்த முழுமுதற் கடவுளாக சிவனே போற்றப்படுகின்றார் என்பதிலிருந்தே இது மிகத் தொன்மை வாய்ந்ததென்பது புலனாகின்றது. மேலும் பரத முனிவரால் உண்டாக்கப்பட்டதனாலேயே பரதம் எனும் பெயர் பெற்றதாகக் கூறப்படுகின்றது. பரதம் என்பது ப - பாவம் (உண
Read more

29. தவிப்போடு ஒரு மனசு

என்னவனே, ஏனடா இத்தனை தவிப்பு உன்னால் மட்டும்? உனை ஒருமுறையாவது சந்தித்து விட துடிக்குது மனசு உனை ஒருமுறையாவது ஸ்பரிசித்துவிட ஏங்குது நெஞ்சம் உனக்காய் வாழ்வதில் தான் எத்தனை இன்பங்கள் உனக்குள் தொலைவதில்தான் எத்தனை கோடி களிப்பு ஏனோ, உலகமே எனக்குள் இருப்பதாய் ஒரு உணர்வு நீ என்னோடு இருப்பதால் நான் உனக்குள் தொலைந்ததால் வாழ்வதாயின் உன்னோடு மட்டுமே வாழ்ந்துவிட கேட்கின்றேன் மாள்வதாயினும் உனக்காய் மட்டுமே மாண்டுவிட கேட்கின்றேன் உனை சுவாசிப்பதனிலும் உனை அணுவணுவாய் ரசிப்பதனிலும் இன்பமுண்டோ எனக்கு? உனை ஆதிமுதல் அந்தம் வரை எனக்கே கேட்கின்றேன் என்னவனாய் மட்டும்! உனை சந்திக்க போகும் அந்த நாள்………………… எப்போது கிட்டுமென எனையே நொந்து கொள்கின்றேன் எனக்குள் நீ வாழ்கின்றாய் என் இறுதி வரை வாழ்ந்து கொண்டே இருப்பாய் என் மூச்சு நிற்கும் வரை உனக்குள் நானும் வாழ்ந்து கொண்டிருப்பேன் என்றபோதும், உனை என்னருகிலேயே கேட்கின்றேன்! உன் சந்தோசத்தில் பங்கேற்பதற்கல்ல நீ இடிந்து போகும் நேரங்களில் உன் துணையாய் துணைவியாய் தாயாய் மாற…………!
Read more