77. உன் மனைவியாக வேண்டும்

உன்னை பார்த்துக் கொண்டே
இருக்க வேண்டும்
காலையும் மாலையும்
கண் இமைக்காமல்
உன்னை பார்த்துக் கொண்டே
இருக்க வேண்டும்!



 






உன் தேவைகள் எல்லாம்
பார்த்துப் பார்த்து
செய்ய வேண்டும்
என் தேவைகள் விடுத்து
பறந்து பறந்து
உன் தேவைகள் எல்லாம்
பார்த்துப் பார்த்து
செய்ய வேண்டும்!

 













உன் விருப்பங்களைத்
தேடித் தேடி
கண்டறிய வேண்டும்
என் விருப்பங்கள் மறந்து
ஓடி ஓடி
உன் விருப்பங்களைத்
தேடித் தேடி
கண்டறிய வேண்டும்!

 











உனக்கு பிடித்ததாய்
விரும்பி விரும்பி
சமையல் செய்ய வேண்டும்
எனக்கு பிடித்த
சமையல் நீக்கி
உனக்கு பிடித்ததாய்
விரும்பி விரும்பி
சமையல் செய்ய வேண்டும்!

 












உன் இன்பங்கள்
மேலும் மேலும்
பெருக்க வேண்டும்
என் இன்பங்கள்
தொலைத்துக் கொண்டே
உன் இன்பங்கள்
மேலும் மேலும்
பெருக்க வேண்டும்!

 









 


உன் கவலைகள்
வேண்டி என்னில்
தாங்கிக் கொள்ள வேண்டும்
என்னையே நான் மறந்து
மன்னவன்
உன் கவலைகள்
வேண்டி என்னில்
தாங்கிக் கொள்ள வேண்டும்












வலிகளைப் போக்க வேண்டும்
என்றும் உன்
வலிகளைப் போக்க வேண்டும்
நல் மருந்தாக உன்னில்
நானே இருந்து
வலிகளைப் போக்க வேண்டும்
என்றும் உன்
வலிகளைப் போக்க வேண்டும்!

 









உன்னோடு சண்டை வேண்டும்
அன்பாய் தினமும் 
உன்னோடு சண்டை வேண்டும்
பொய்க் கோபம் காட்டிக் கொண்டு
உன்னை தவிக்க விட
உன்னோடு சண்டை வேண்டும்
அன்பாய் தினமும்
உன்னோடு சண்டை வேண்டும்









உன்னோடு உறக்கம் வேண்டும்
உன்னை அணைத்துக் கொண்டு
உறக்கம் வேண்டும்
எனக்கு பிடித்த
உன்னில் நானும்
நெருக்கம் கொண்டு
உன்னோடு உறக்கம் வேண்டும்
உன்னை அணைத்துக் கொண்டு
உறக்கம் வேண்டும்!

 












உன்னை என்றும்
உறவாய் நெஞ்சில்
ஏந்த வேண்டும்
உன் மகவை மடியில்
சுமந்து கொண்டே
உன்னை என்றும்
உறவாய் நெஞ்சில்
ஏந்த வேண்டும்!

 









உனக்காக மரிக்க வேண்டும்
மீண்டும் மீண்டும்
உனக்காக மரிக்க வேண்டும்
மறுபடியும் பிறப்பெடுத்து
உன்னோடு வாழ்வதற்காய்
உனக்காக மரிக்க வேண்டும்
மீண்டும் மீண்டும்
உனக்காக மரிக்க வேண்டும்!

 










இத்தனையும் நடப்பதென்றால்
நான் உந்தன்
மனைவியாக வேண்டும்
உனக்காய் வாழ்ந்து விட
உனக்காய் மாண்டு விட
இன்றே நான் உந்தன்
மனைவியாக வேண்டும்!



 








Comments

Unknown said…
சகோதரி...
அழகான கவிதை...
ஆனால் //உனக்காக மறிக்க வேண்டும்
மீண்டும் மீண்டும்
உனக்காக மறிக்க வேண்டும்
மறுபடியும் பிறப்பெடுத்து
உன்னோடு வாழ்வதற்காய்
உனக்காக மறிக்க வேண்டும்
மீண்டும் மீண்டும்
உனக்காக மறிக்க வேண்டும்! //
என்பதில் மரிக்க வேண்டும் என வரவேண்டும் என நம்புகிறேன்.

வண்ண மயமான ஆடைகளில் அழுக்கு இருப்பதைவிட வெள்ளை நிறமைன தூய்மையான ஆடைகளில் அழுக்கு வெளிப்படையாய் தெரியும்.
அதே போல் அழகான கவிதையில் ஓரிரண்டு எழுத்துப் பிழைகளும் அதன் அழகைக் கெடுத்துவிடும்.

வாழ்த்துக்கள்...
September 27, 2009 at 11:37 PM
மன்னார் அமுதன் said…
எண்ணங்கள் அருமை.

//உன்னை என்றும்
உறவாய் நெஞ்சில்
ஏந்த வேண்டும்
உன் மகவை மடியில்
சுமந்து கொண்டே//

நன்றாக உள்ளது
September 28, 2009 at 12:01 AM
யோ வொய்ஸ் (யோகா) said…
காதல் கவிதை.. நான் காதல் கவிதை வாசிக்கும் அளவுக்கு எனக்கு வயது போதாது
September 28, 2009 at 12:15 AM
சுபானு said…
கவிதை நல்லாயிருக்கு... ;)
வரிகளின் ஏக்கம் தெரிகின்றதே.. யாரந்த கள்ளன்.. ??
September 28, 2009 at 2:22 AM
சுபானு said…
இரசித்தேன்..
September 28, 2009 at 2:22 AM
ஜோ.சம்யுக்தா கீர்த்தி said…
நன்றி கனககோபி அவர்களே
கருத்துக்களுக்கு நன்றி
September 28, 2009 at 2:47 AM
ஜோ.சம்யுக்தா கீர்த்தி said…
நன்றி அமுதன், சுபானு

நன்றிகள்
September 28, 2009 at 2:48 AM
ஜோ.சம்யுக்தா கீர்த்தி said…
யோகா அண்ணா அப்போ நீங்கள் இன்னும் காதல் செய்யும் அளவு வளரலயா? ரொம்ப சின்ன பையனா?

நன்றி
September 28, 2009 at 2:49 AM
Post a Comment

Popular posts from this blog

விழுவியம் காப்போம்

நம் முன்னோர்கள் விழுவியம் காப்போம் என அடிக்கடி சொல்ல கேள்விப்பட்டிருப்பீர்கள் ஆனால் விழுவியங்கள் என்றால் என்னவென்பது இன்று வரை நம்மில் பலருக்கு தெரிந்திருக்க வாய்ப்பில்லை. அவர்கள் தெரிந்து கொள்ள முயற்சி செய்வதும் இல்லை ஏனென்றால் நாம் அனைவரும் அப்படியான ஒரு சூழலுக்கு பழக்கப்பட்டவர்களாகவும், நேரமின்மையில் அவதிப்படுபவர்களாகவும் காணப்படுகின்றோம். இனி விழுமியங்கள் சார்ந்த சில தகவல்களை பார்ப்போம். மனிதனுடைய நம்பிக்கைகள், எண்ணங்கள், கருத்துக்கள் என்பவற்றின் உருவாக்கத்தின் அடிப்படையில் அமைந்துள்ளதே விழுமியம் எனப்படுகின்றது. விழுமியங்களை ஒழுக்கத்துடனும், நேர்மையுடனும் பயன்படுத்துவதே அவற்றின் தொடர்ச்சியை உறுதிப்படுத்துகின்றது. இந்தத் தொடர்ச்சியே விழுமியத்தை தொடர்புடைய ஏனைய கருத்துருக்களான அன்பு, நாணயம், இரக்கம், நீதி, நேர்மை, நம்பிக்கை, கருத்து, எண்ணம், பக்தி என்பவற்றிலிருந்து வேறுபடுத்துகின்றது. இத்தகைய சூழலில் விழுமியம் என்பது மனிதர் எதை அடிப்படையாகக் கொண்டு செயற்படுகிறார்களோ அதைக் குறிக்கிறது எனலாம். இவ்வாறான கருத்துருக்களை வாழ்க்கையில் முதன்மையாக கொண்டு செயற்படும், முன்னகர்த்தப்படும் ஒரு ...
Read more

ஹைக்கூ கவிதைகள்

"நண்பன்" துன்பத்திலும் வாழ்பவன் உற்ற துணையாக ! "இரவு" நிலவொளியினோடு தனிமையும் சொந்தமானது ! "கல்வி" இறப்பினூடும் அழிவில்லா செல்வமிதுதான் ! "காதல்" இதயங்களின் இனிமையும் இன்பமயமாக ! "கவிதை" உணர்வு சொட்டு உதிரமாய் உருவாகின்றது ! "நிலவு" வட்டமுகமது வானத்தில் வட்டமிட்டது ! "மௌனம்" வார்த்தைகளின் தொடர்ச்சி வந்துதிக்குது ! "தனிமை" இல்லாமையிலும் இறுதிவரை உடனிருப்பது ! "கடவுள்" நேற்றையதினமே எதிர்கால வித்திட்டவன் ! "ஏழை" தினம்தினமும் உண்டழுக தண்ணீர் அமுது ! "தாலி" பெண்ணவளுக்கு துணைவனின் உத்தரவாதம் !
Read more

29. தவிப்போடு ஒரு மனசு

என்னவனே, ஏனடா இத்தனை தவிப்பு உன்னால் மட்டும்? உனை ஒருமுறையாவது சந்தித்து விட துடிக்குது மனசு உனை ஒருமுறையாவது ஸ்பரிசித்துவிட ஏங்குது நெஞ்சம் உனக்காய் வாழ்வதில் தான் எத்தனை இன்பங்கள் உனக்குள் தொலைவதில்தான் எத்தனை கோடி களிப்பு ஏனோ, உலகமே எனக்குள் இருப்பதாய் ஒரு உணர்வு நீ என்னோடு இருப்பதால் நான் உனக்குள் தொலைந்ததால் வாழ்வதாயின் உன்னோடு மட்டுமே வாழ்ந்துவிட கேட்கின்றேன் மாள்வதாயினும் உனக்காய் மட்டுமே மாண்டுவிட கேட்கின்றேன் உனை சுவாசிப்பதனிலும் உனை அணுவணுவாய் ரசிப்பதனிலும் இன்பமுண்டோ எனக்கு? உனை ஆதிமுதல் அந்தம் வரை எனக்கே கேட்கின்றேன் என்னவனாய் மட்டும்! உனை சந்திக்க போகும் அந்த நாள்………………… எப்போது கிட்டுமென எனையே நொந்து கொள்கின்றேன் எனக்குள் நீ வாழ்கின்றாய் என் இறுதி வரை வாழ்ந்து கொண்டே இருப்பாய் என் மூச்சு நிற்கும் வரை உனக்குள் நானும் வாழ்ந்து கொண்டிருப்பேன் என்றபோதும், உனை என்னருகிலேயே கேட்கின்றேன்! உன் சந்தோசத்தில் பங்கேற்பதற்கல்ல நீ இடிந்து போகும் நேரங்களில் உன் துணையாய் துணைவியாய் தாயாய் மாற…………!
Read more