71. உன்னால், உனக்காக....!


தேடித்தேடி ஓடிச் சென்று
இன்ப வெள்ளம் அள்ளிக் கொள்ள
பாடிப்பாடி ஆடிச் செல்லும்
பட்டாம்பூச்சி ஆனேனே - உன்னால்
நானும் பட்டாம்பூச்சி ஆனேனே!
 











என்னை நீயும் தேடிச்செல்ல
உன்னில் நானும் ஒழிந்து கொண்டு
நீயாய் வாழ்ந்து மாள்ந்து விட
நிழலாய் மாறிப் போனேனே - நானும்
உந்தன் நிழலாய் மாறிப் போனேனே!



 









பரவசங்கள் பெருகுதடா
பாசமழை பொழியுதடா
மாசில்ல உன் அன்பால்
உருகித்தான் போனேனே - நானும்
உருகித்தான் போனேனே! 














எங்கெங்கோ சென்ற போதும்
எங்கிருந்தோ வந்த போதும்
என்னிதயம் ஏந்திக்கொள்ள
என்னவனும் நீயல்லவா? - வந்துதித்த
என்னவனும் நீயல்லவா?





 











உன்னை மட்டும் சுமந்து கொள்ள
உன் அழகை சூடிக்கொள்ள
உலகத்திலே உவகையோடு
உருவான உயிரல்லவா - நானும்
உயிராய் உருவான உயிரல்லவா?


 

















பாசத்தோடு பழகிக் கொள்ள
பண்பதனை பேணிக்கொள்ள
வீரத்தோடு வந்துதித்த - என்
மன்னன் நீயல்லவா? - மண்ணில்
வந்துதித்த என் மன்னன் நீயல்லவா?






















உன்னை நானும்
தேடித்தேடி ஓடிச் சென்று
இன்ப வெள்ளம் அள்ளிக் கொள்ள
பாடிப்பாடி ஆடிச் செல்லும்
பட்டாம்பூச்சி ஆனேனே!








Comments

சுபானு said…
//உன்னை மட்டும் சுமந்து கொள்ள
உன் அழகை சூடிக்கொள்ள
உலகத்திலே உவகையோடு
உருவான உயிரல்லவா - நானும்
உயிராய் உருவான உயிரல்லவா?

வரிகள் அருமை... அழகாக இருக்கன்றது.. வாழ்த்துக்கள்...
September 17, 2009 at 11:14 PM
சுபானு said…
//எங்கெங்கோ சென்ற போதும்
எங்கிருந்தோ வந்த போதும்
என்னிதயம் ஏந்திக்கொள்ள
என்னவனும் நீயல்லவா? - வந்துதித்த
என்னவனும் நீயல்லவா?

:)
September 17, 2009 at 11:17 PM
மன்னார் அமுதன் said…
அழகான கவிதைக் குழந்தை ஒவ்வொருமுறை பிறக்கும் போது நாம் ஆனந்திக்கிறோம்..

சிந்தனா உங்களைக் காதல்-அழகு-கடவுள்-பணம் பற்றிப் பதிவிட அழைக்கிறேன். இது தொடர்பான பதிவை இங்கு காணலாம்.http://amuthan.wordpress.com/2009/09/18/வாழ்க்கை-“காதல்அழகுகடவ/

நன்றி
அமுதன்
September 17, 2009 at 11:56 PM
யோ வொய்ஸ் (யோகா) said…
என்னை பொருத்த வரையில் கவிதைகள் என்றுமே அலுக்காதவை. அந்த வகையில் நீங்கள் எழுதியிருக்கும் கவிதை அருமையாக இருக்கிறது வாழ்த்துக்கள்..
September 18, 2009 at 12:25 AM
suthan said…
இன்ப வெள்ளம் அள்ளிக்கொண்டேன் தோழி உன் கவி வரிகளில், தொடரட்டும் வாழ்த்துக்கள்!
September 18, 2009 at 3:14 AM
மனதின் கிறுக்கல்கள் said…
அழகான வரிகளுக்கு வாழ்த்துக்கள..ஆனால் திரைப்பட கதாநாயகனின் புகைப்பட ஒரு உறுத்தளாக இல்லையா..
மன்னனை அடையாளப்படுத்த இல்லாத புகைப்படங்களா..? உங்கள் உணர்வுகளை புன்படுத்தவி்ல்லை..இருந்தும் எனது கருத்தை பதிவு செய்தேன்
September 19, 2009 at 12:37 AM
ஜோ.சம்யுக்தா கீர்த்தி said…
நன்றி சுபானு

உங்கள் கவிதைகளும் அருமை
September 25, 2009 at 10:42 PM
ஜோ.சம்யுக்தா கீர்த்தி said…
நன்றி அமுதன், யோகா அண்ணா,சுதன், மனதின் கிறுக்கல்கள்

அனைவருக்கும் நன்றிகள் கோடி
September 25, 2009 at 10:43 PM
Post a Comment

Popular posts from this blog

விழுவியம் காப்போம்

நம் முன்னோர்கள் விழுவியம் காப்போம் என அடிக்கடி சொல்ல கேள்விப்பட்டிருப்பீர்கள் ஆனால் விழுவியங்கள் என்றால் என்னவென்பது இன்று வரை நம்மில் பலருக்கு தெரிந்திருக்க வாய்ப்பில்லை. அவர்கள் தெரிந்து கொள்ள முயற்சி செய்வதும் இல்லை ஏனென்றால் நாம் அனைவரும் அப்படியான ஒரு சூழலுக்கு பழக்கப்பட்டவர்களாகவும், நேரமின்மையில் அவதிப்படுபவர்களாகவும் காணப்படுகின்றோம். இனி விழுமியங்கள் சார்ந்த சில தகவல்களை பார்ப்போம். மனிதனுடைய நம்பிக்கைகள், எண்ணங்கள், கருத்துக்கள் என்பவற்றின் உருவாக்கத்தின் அடிப்படையில் அமைந்துள்ளதே விழுமியம் எனப்படுகின்றது. விழுமியங்களை ஒழுக்கத்துடனும், நேர்மையுடனும் பயன்படுத்துவதே அவற்றின் தொடர்ச்சியை உறுதிப்படுத்துகின்றது. இந்தத் தொடர்ச்சியே விழுமியத்தை தொடர்புடைய ஏனைய கருத்துருக்களான அன்பு, நாணயம், இரக்கம், நீதி, நேர்மை, நம்பிக்கை, கருத்து, எண்ணம், பக்தி என்பவற்றிலிருந்து வேறுபடுத்துகின்றது. இத்தகைய சூழலில் விழுமியம் என்பது மனிதர் எதை அடிப்படையாகக் கொண்டு செயற்படுகிறார்களோ அதைக் குறிக்கிறது எனலாம். இவ்வாறான கருத்துருக்களை வாழ்க்கையில் முதன்மையாக கொண்டு செயற்படும், முன்னகர்த்தப்படும் ஒரு ...
Read more

ஹைக்கூ கவிதைகள்

"நண்பன்" துன்பத்திலும் வாழ்பவன் உற்ற துணையாக ! "இரவு" நிலவொளியினோடு தனிமையும் சொந்தமானது ! "கல்வி" இறப்பினூடும் அழிவில்லா செல்வமிதுதான் ! "காதல்" இதயங்களின் இனிமையும் இன்பமயமாக ! "கவிதை" உணர்வு சொட்டு உதிரமாய் உருவாகின்றது ! "நிலவு" வட்டமுகமது வானத்தில் வட்டமிட்டது ! "மௌனம்" வார்த்தைகளின் தொடர்ச்சி வந்துதிக்குது ! "தனிமை" இல்லாமையிலும் இறுதிவரை உடனிருப்பது ! "கடவுள்" நேற்றையதினமே எதிர்கால வித்திட்டவன் ! "ஏழை" தினம்தினமும் உண்டழுக தண்ணீர் அமுது ! "தாலி" பெண்ணவளுக்கு துணைவனின் உத்தரவாதம் !
Read more

29. தவிப்போடு ஒரு மனசு

என்னவனே, ஏனடா இத்தனை தவிப்பு உன்னால் மட்டும்? உனை ஒருமுறையாவது சந்தித்து விட துடிக்குது மனசு உனை ஒருமுறையாவது ஸ்பரிசித்துவிட ஏங்குது நெஞ்சம் உனக்காய் வாழ்வதில் தான் எத்தனை இன்பங்கள் உனக்குள் தொலைவதில்தான் எத்தனை கோடி களிப்பு ஏனோ, உலகமே எனக்குள் இருப்பதாய் ஒரு உணர்வு நீ என்னோடு இருப்பதால் நான் உனக்குள் தொலைந்ததால் வாழ்வதாயின் உன்னோடு மட்டுமே வாழ்ந்துவிட கேட்கின்றேன் மாள்வதாயினும் உனக்காய் மட்டுமே மாண்டுவிட கேட்கின்றேன் உனை சுவாசிப்பதனிலும் உனை அணுவணுவாய் ரசிப்பதனிலும் இன்பமுண்டோ எனக்கு? உனை ஆதிமுதல் அந்தம் வரை எனக்கே கேட்கின்றேன் என்னவனாய் மட்டும்! உனை சந்திக்க போகும் அந்த நாள்………………… எப்போது கிட்டுமென எனையே நொந்து கொள்கின்றேன் எனக்குள் நீ வாழ்கின்றாய் என் இறுதி வரை வாழ்ந்து கொண்டே இருப்பாய் என் மூச்சு நிற்கும் வரை உனக்குள் நானும் வாழ்ந்து கொண்டிருப்பேன் என்றபோதும், உனை என்னருகிலேயே கேட்கின்றேன்! உன் சந்தோசத்தில் பங்கேற்பதற்கல்ல நீ இடிந்து போகும் நேரங்களில் உன் துணையாய் துணைவியாய் தாயாய் மாற…………!
Read more