Search This Blog

Monday, November 9, 2009

பாரதி கண்ட பெண்கள்

அடுப்படியில் அடங்கிவிட
அடிமைகள் இல்லை நாங்கள்
பொங்கியெழும் துணிவு கொண்ட
புதுமை பெண்கள்

வீட்டினிலே நாங்கள் என்றும்
மென்மை மங்கைகள்
விருப்புடனே சேவை செய்யும்
அன்பின் நெஞ்சங்கள்

அடக்கிடுவோம் வீரர் நாங்கள்
அகந்தைகளை நாளும்
அநியாயம் ஒழித்திடுவோம்
அனைவருமாய் கூடி

தவறு செய்தால் திருத்திக் கொண்டு
மேலே செல்லுவோம்
தவறி கூட தவறாய் நாங்கள்
தண்டிக்க மாட்டோம்

அடிக்க வரும் காளையரை
அன்பால் திருத்துவோம்
அதையும் மீறி அடிக்க வந்தால்
அடித்து நொறுக்குவோம்

வீசும் வலை விழுவதில்லை
எங்கள் தேசத்தில் - தூய
விழுதுகளால் நிரம்பிடட்டும்
எங்கள் வாழ்க்கை

எளிமை தன்னை என்றும்
எங்கள் வாழ்வில் கொள்ளுவோம்
ஏய்க்க வரும் கயவர் தம்மை
எதிர்த்து நின்று கோசம் போடுவோம்

சுட்டெரிக்கும் சுடர்கள் நாங்கள்
வீர மங்கையர் - எம்மை
இழிவு படுத்தும் மூடர் தம்மை
கொளுத்தி அழிப்போம்

தடுமாற்றம் கண்டிடாமல்
நேராய் செல்லுவோம்
அன்பு கொண்டு வீட்டுடனே
நாட்டை ஆளுவோம்

8 comments:

யோ வாய்ஸ் (யோகா) said...

சபாஷ் கீர்த்தி.

நன்றாக சொல்லியிருக்கிறீர்கள். வாழ்த்துக்கள்.

இவ்வாறான விடயங்களில் நான் பெண்கள் பக்கமே.

ஆணுக்கு ஒரு நீதி பெண்ணுக்கு ஒரு நீதியில் எனக்கு நம்பிக்கையில்லை கீர்த்தி

மன்னார் அமுதன் said...

//சுட்டெரிக்கும் சுடர்கள் நாங்கள்
வீர மங்கையர் - எம்மை
இழிவு படுத்தும் மூடர் தம்மை
கொளுத்தி அழிப்போம்//

அருமை..அருமை..

செந்தழல் ரவி said...

குட் கீர்த்தி.

ஜோ.சம்யுக்தா கீர்த்தி said...

நன்றி யோகா அண்ணா. ம்ம்... பெண்களுக்கும் சுயம் என்று ஒன்றுண்டென மறந்துவிடுகின்றார்கள் அதை மாற்ற வேண்டும். மேலும் பெண்ணுக்கு பெண்ணே கொடுமைகள் செய்யும் காலம் இது என்ன செய்வது?

ஜோ.சம்யுக்தா கீர்த்தி said...

நன்றீ அமுதன்

ஜோ.சம்யுக்தா கீர்த்தி said...

நன்றி ரவி

Vijay said...

Super.........
//தடுமாற்றம் கண்டிடாமல்
நேராய் செல்லுவோம்//

மனதின் கிறுக்கல்கள் said...

அண்ணனுக்கு தப்பாத ஒரு தங்கை நீ..உணை எண்ணி கலங்க தேவையில்லை.வெறும் எழுத்துக்களாக இவை தோன்றவில்லை உன் உறுமல்களாக தெறிக்கிறது.
நீ குரைக்கும் நாயல்லவே கடிக்காது என்பதற்கு நீ சீறும் சிறுத்தையாக இரு
சினம் கொண்டு சீண்ட வரும் இளைஞர்களுக்கு என்றும் சிங்கமாக விரு