என்றென்றும் உன்னோடு

ஒன்றாய் இரண்டாய்
இரண்டோடு இரண்டாய்
ஈரிரண்டு வருடங்களை
கடந்ததாக நம் காதல்!

ஏனோ.... நேற்று தான் நீ
உன் காதலை சொன்னதை போல
நினைத்து பார்க்கும் போதெல்லாம்
என் பெண்மை நாணம் கொள்கின்றது!

நேற்றும் இன்றுமாய்
இரவும் பகலுமாய் - என்
காதல் உன் மீது - நாளையும்
தொடரும் இதே காதலோடு!

நாட்கள் நீ இல்லாமல்
விரைந்தாலும் - உன்
அழைப்பொன்றே உயிர்
தந்து செல்கின்றது!

நரை படர்ந்தாலும்
நடை தளர்ந்தாலும்
நகராது என் காதல்
உனை தாண்டி...!

உலகம் உருண்டாலும்
உதிரம் உறைந்தாலும்
உயிர் பிரியும் வரை - உன்
நினைவோடே என் வாழ்க்கை!