என் அன்னை

ஆராரோ ஆரிரரோ
அன்னையவள் அரவணைப்பு
பேசப்பேச பெருமை சேர்க்கும்
பெற்றவளின் சீராட்டு!

தொன்மை தமிழினிலே - மன
வன்மை கரைத்துவிடும்
தூயவளின் அன்பதுவோ
துணையாகும் எந்தனுக்கு!

ஏழையென்றாலும் கோழையல்ல
என் அன்னை - கோபம்
கொள்ளாத இமயமல்லோ
என் அன்னையவள்!

அகிலத்தை ஆட்சி செய்யும்
அக பலமும் தந்தவளே
அற்புதமாய் நான் உணர்ந்த
அழகியவள் நீயல்லோ!

பாசத்தின் மறு உருவாம்
தேசத்தின் ஒளி அவளாம்
வாசத்தில் அவள் மலராம்
வாழ்க்கைக்கு அவள் கருவாம்!

அன்புக்கு அன்னையல்லோ
அணைக்கும் உயிரல்லோ
அவள் புகழை பாடிடுவோம்
ஊராரும் போற்றிடவே!

Comments

மன்னார் அமுதன் said…
//பாசத்தின் மறு உருவாம்
தேசத்தின் ஒளி அவளாம்
வாசத்தில் அவள் மலராம்
வாழ்க்கைக்கு அவள் கருவாம்!//

சிறந்த சொற்பிரயோகங்கள். அன்னை எனும் சொல்லே கவிதை தான். வாழ்த்துக்கள்
November 23, 2009 at 10:50 PM
Vijay said…
அன்​னையின் அன்​பை அழகாக வடித்திருக்கின்றீர்கள்...

//தொன்மை தமிழினிலே - மன
வன்மை கரைத்துவிடும்
தூயவளின் அன்பதுவோ
துணையாகும் எந்தனுக்கு!//

நிஜமான வரிகள்,
November 23, 2009 at 11:41 PM
Subankan said…
//பாசத்தின் மறு உருவாம்
தேசத்தின் ஒளி அவளாம்
வாசத்தில் அவள் மலராம்
வாழ்க்கைக்கு அவள் கருவாம்!//

எனக்குப் பிடித்த வரிகள். அருமை!
November 24, 2009 at 12:37 AM
V.N.Thangamani said…
கருவாயிருக்கையில் எனை
கனவு கண்டவள்.
பிறக்காதிருக்குமுன்னே என்மேல்
பிரியம் கொண்டவள்.
என் நோய்க்கு விழித்திருந்து
வலி பொறுத்தவள் - என்
சாதனையில் சப்தமின்றி
கரைதிருப்பவள்.
சான்றோன் என கேட்க
காத்திருப்பவள்.
தனக்கென வாழாத
தகைமை கொண்டவள்
November 24, 2009 at 9:09 PM
V.N.Thangamani said…
கவிதை அருமை
நன்றி சம்யுக்தா
வாழ்க வளமுடன்.
November 24, 2009 at 9:11 PM
சத்ரியன் said…
//அகிலத்தை ஆட்சி செய்யும்
அக பலமும் தந்தவளே..//

கீர்த்தி.

அன்னைக்கு அலங்கார கவிதை...!
ஆனால், நம் கவிதைகளுக்குள் அடங்கி விடாதவள் அன்னை.!

அழகியல் கவிதை.
November 26, 2009 at 2:00 AM
Post a Comment

Popular posts from this blog

விழுவியம் காப்போம்

நம் முன்னோர்கள் விழுவியம் காப்போம் என அடிக்கடி சொல்ல கேள்விப்பட்டிருப்பீர்கள் ஆனால் விழுவியங்கள் என்றால் என்னவென்பது இன்று வரை நம்மில் பலருக்கு தெரிந்திருக்க வாய்ப்பில்லை. அவர்கள் தெரிந்து கொள்ள முயற்சி செய்வதும் இல்லை ஏனென்றால் நாம் அனைவரும் அப்படியான ஒரு சூழலுக்கு பழக்கப்பட்டவர்களாகவும், நேரமின்மையில் அவதிப்படுபவர்களாகவும் காணப்படுகின்றோம். இனி விழுமியங்கள் சார்ந்த சில தகவல்களை பார்ப்போம். மனிதனுடைய நம்பிக்கைகள், எண்ணங்கள், கருத்துக்கள் என்பவற்றின் உருவாக்கத்தின் அடிப்படையில் அமைந்துள்ளதே விழுமியம் எனப்படுகின்றது. விழுமியங்களை ஒழுக்கத்துடனும், நேர்மையுடனும் பயன்படுத்துவதே அவற்றின் தொடர்ச்சியை உறுதிப்படுத்துகின்றது. இந்தத் தொடர்ச்சியே விழுமியத்தை தொடர்புடைய ஏனைய கருத்துருக்களான அன்பு, நாணயம், இரக்கம், நீதி, நேர்மை, நம்பிக்கை, கருத்து, எண்ணம், பக்தி என்பவற்றிலிருந்து வேறுபடுத்துகின்றது. இத்தகைய சூழலில் விழுமியம் என்பது மனிதர் எதை அடிப்படையாகக் கொண்டு செயற்படுகிறார்களோ அதைக் குறிக்கிறது எனலாம். இவ்வாறான கருத்துருக்களை வாழ்க்கையில் முதன்மையாக கொண்டு செயற்படும், முன்னகர்த்தப்படும் ஒரு
Read more

ஹைக்கூ கவிதைகள்

"நண்பன்" துன்பத்திலும் வாழ்பவன் உற்ற துணையாக ! "இரவு" நிலவொளியினோடு தனிமையும் சொந்தமானது ! "கல்வி" இறப்பினூடும் அழிவில்லா செல்வமிதுதான் ! "காதல்" இதயங்களின் இனிமையும் இன்பமயமாக ! "கவிதை" உணர்வு சொட்டு உதிரமாய் உருவாகின்றது ! "நிலவு" வட்டமுகமது வானத்தில் வட்டமிட்டது ! "மௌனம்" வார்த்தைகளின் தொடர்ச்சி வந்துதிக்குது ! "தனிமை" இல்லாமையிலும் இறுதிவரை உடனிருப்பது ! "கடவுள்" நேற்றையதினமே எதிர்கால வித்திட்டவன் ! "ஏழை" தினம்தினமும் உண்டழுக தண்ணீர் அமுது ! "தாலி" பெண்ணவளுக்கு துணைவனின் உத்தரவாதம் !
Read more

29. தவிப்போடு ஒரு மனசு

என்னவனே, ஏனடா இத்தனை தவிப்பு உன்னால் மட்டும்? உனை ஒருமுறையாவது சந்தித்து விட துடிக்குது மனசு உனை ஒருமுறையாவது ஸ்பரிசித்துவிட ஏங்குது நெஞ்சம் உனக்காய் வாழ்வதில் தான் எத்தனை இன்பங்கள் உனக்குள் தொலைவதில்தான் எத்தனை கோடி களிப்பு ஏனோ, உலகமே எனக்குள் இருப்பதாய் ஒரு உணர்வு நீ என்னோடு இருப்பதால் நான் உனக்குள் தொலைந்ததால் வாழ்வதாயின் உன்னோடு மட்டுமே வாழ்ந்துவிட கேட்கின்றேன் மாள்வதாயினும் உனக்காய் மட்டுமே மாண்டுவிட கேட்கின்றேன் உனை சுவாசிப்பதனிலும் உனை அணுவணுவாய் ரசிப்பதனிலும் இன்பமுண்டோ எனக்கு? உனை ஆதிமுதல் அந்தம் வரை எனக்கே கேட்கின்றேன் என்னவனாய் மட்டும்! உனை சந்திக்க போகும் அந்த நாள்………………… எப்போது கிட்டுமென எனையே நொந்து கொள்கின்றேன் எனக்குள் நீ வாழ்கின்றாய் என் இறுதி வரை வாழ்ந்து கொண்டே இருப்பாய் என் மூச்சு நிற்கும் வரை உனக்குள் நானும் வாழ்ந்து கொண்டிருப்பேன் என்றபோதும், உனை என்னருகிலேயே கேட்கின்றேன்! உன் சந்தோசத்தில் பங்கேற்பதற்கல்ல நீ இடிந்து போகும் நேரங்களில் உன் துணையாய் துணைவியாய் தாயாய் மாற…………!
Read more