புரிந்திரா காதல்

எனக்காக எல்லாம்
செய்வதாய் சொல்கின்றாய்;

புதிதாய் அலங்கரிக்கப்பட்ட மனை
புஸ்பங்கள் நிறைந்த பஞ்சணை
குளிர்ச்சியான அறை
நேரத்திற்கு உணவு
நேர்த்தியான உடை
பொழுதுபோக்கு சாதனங்கள்
புத்தம் புதிய வாகனம்
விலையுயர்ந்த அணிகலன்கள்
விற்பனை அழகு சாதனங்கள்

இப்படி ......
எனக்காக எல்லாம்
செய்வதாய் சொல்கின்றாய்

பக்கத்திலேயே நீ இருந்தும்
என் மீது அன்பு செய்வதை தவிர!

அன்று சொன்னதையே
இன்றும் சொல்கின்றேன்
எல்லாம் செய்வாய் எனக்காக
உன்னிடம் நான் எதிர்ப்பார்ப்பதை தவிர
என் சந்தோசம் இவைகளில் இல்லை
என்பதை அறியாது!








Comments

வந்தியத்தேவன் said…
காதல் என்றைக்கும் புரியாதாம் அனுபவப்பட்டவர்கள் சொன்னார்கள்.
October 12, 2009 at 10:12 PM
மன்னார் அமுதன் said…
நல்ல கவிதை

ஒருவர் எதிர்பார்க்காததை எதிர்பார்க்காத நேரத்தில் கொடுத்து ஆச்சரியப்படுத்துவதை விட, எதிர்பார்ப்பதை சரியான நேரத்தில் செய்வதே சிறப்பானது
October 12, 2009 at 10:13 PM
Vijay said…
அன்பிற்கு முன் அனைத்துமே வெறுமைதான், இதை உணராதவர்கள் இருந்தும் இல்லாதவர்களாய்.....
October 12, 2009 at 11:30 PM
க.இலட்சியன் said…
நீ எதைக்கொடுத்தாலும் எனக்கு திருப்தியில்லை உன் அன்பைத்தவிர ...தோழியின் ஆதங்கத்தை சம்பந்தப்பட்டவர் செவிமடுத்தால் நன்று ...
October 12, 2009 at 11:43 PM
யோ வொய்ஸ் (யோகா) said…
//காதல் என்றைக்கும் புரியாதாம் அனுபவப்பட்டவர்கள் சொன்னார்கள்.//

ரிப்பீட்டுகிறேன்
October 13, 2009 at 3:43 AM
மனதின் கிறுக்கல்கள் said…
காதல் வெறும் இரசாயண தாக்கம் என்றால் கவலைகொள்ள ஒன்றுமே இல்லை.,இலலை அதற்குள் ஏதோ ஒன்று உள்ளது என்கிறது உங்கள் வரிகள்...புரிந்தவன் புரிந்து கொண்டால் அவனுள் புகுந்தவள்(நீங்கள்) பிழைத்து கொள்வீர்கள்
வரிகள் அருமை..ஏக்கங்களாக நீழ்கிறது வாழ்க்கை...
October 13, 2009 at 4:50 AM
Post a Comment

Popular posts from this blog

விழுவியம் காப்போம்

நம் முன்னோர்கள் விழுவியம் காப்போம் என அடிக்கடி சொல்ல கேள்விப்பட்டிருப்பீர்கள் ஆனால் விழுவியங்கள் என்றால் என்னவென்பது இன்று வரை நம்மில் பலருக்கு தெரிந்திருக்க வாய்ப்பில்லை. அவர்கள் தெரிந்து கொள்ள முயற்சி செய்வதும் இல்லை ஏனென்றால் நாம் அனைவரும் அப்படியான ஒரு சூழலுக்கு பழக்கப்பட்டவர்களாகவும், நேரமின்மையில் அவதிப்படுபவர்களாகவும் காணப்படுகின்றோம். இனி விழுமியங்கள் சார்ந்த சில தகவல்களை பார்ப்போம். மனிதனுடைய நம்பிக்கைகள், எண்ணங்கள், கருத்துக்கள் என்பவற்றின் உருவாக்கத்தின் அடிப்படையில் அமைந்துள்ளதே விழுமியம் எனப்படுகின்றது. விழுமியங்களை ஒழுக்கத்துடனும், நேர்மையுடனும் பயன்படுத்துவதே அவற்றின் தொடர்ச்சியை உறுதிப்படுத்துகின்றது. இந்தத் தொடர்ச்சியே விழுமியத்தை தொடர்புடைய ஏனைய கருத்துருக்களான அன்பு, நாணயம், இரக்கம், நீதி, நேர்மை, நம்பிக்கை, கருத்து, எண்ணம், பக்தி என்பவற்றிலிருந்து வேறுபடுத்துகின்றது. இத்தகைய சூழலில் விழுமியம் என்பது மனிதர் எதை அடிப்படையாகக் கொண்டு செயற்படுகிறார்களோ அதைக் குறிக்கிறது எனலாம். இவ்வாறான கருத்துருக்களை வாழ்க்கையில் முதன்மையாக கொண்டு செயற்படும், முன்னகர்த்தப்படும் ஒரு
Read more

ஹைக்கூ கவிதைகள்

"நண்பன்" துன்பத்திலும் வாழ்பவன் உற்ற துணையாக ! "இரவு" நிலவொளியினோடு தனிமையும் சொந்தமானது ! "கல்வி" இறப்பினூடும் அழிவில்லா செல்வமிதுதான் ! "காதல்" இதயங்களின் இனிமையும் இன்பமயமாக ! "கவிதை" உணர்வு சொட்டு உதிரமாய் உருவாகின்றது ! "நிலவு" வட்டமுகமது வானத்தில் வட்டமிட்டது ! "மௌனம்" வார்த்தைகளின் தொடர்ச்சி வந்துதிக்குது ! "தனிமை" இல்லாமையிலும் இறுதிவரை உடனிருப்பது ! "கடவுள்" நேற்றையதினமே எதிர்கால வித்திட்டவன் ! "ஏழை" தினம்தினமும் உண்டழுக தண்ணீர் அமுது ! "தாலி" பெண்ணவளுக்கு துணைவனின் உத்தரவாதம் !
Read more

29. தவிப்போடு ஒரு மனசு

என்னவனே, ஏனடா இத்தனை தவிப்பு உன்னால் மட்டும்? உனை ஒருமுறையாவது சந்தித்து விட துடிக்குது மனசு உனை ஒருமுறையாவது ஸ்பரிசித்துவிட ஏங்குது நெஞ்சம் உனக்காய் வாழ்வதில் தான் எத்தனை இன்பங்கள் உனக்குள் தொலைவதில்தான் எத்தனை கோடி களிப்பு ஏனோ, உலகமே எனக்குள் இருப்பதாய் ஒரு உணர்வு நீ என்னோடு இருப்பதால் நான் உனக்குள் தொலைந்ததால் வாழ்வதாயின் உன்னோடு மட்டுமே வாழ்ந்துவிட கேட்கின்றேன் மாள்வதாயினும் உனக்காய் மட்டுமே மாண்டுவிட கேட்கின்றேன் உனை சுவாசிப்பதனிலும் உனை அணுவணுவாய் ரசிப்பதனிலும் இன்பமுண்டோ எனக்கு? உனை ஆதிமுதல் அந்தம் வரை எனக்கே கேட்கின்றேன் என்னவனாய் மட்டும்! உனை சந்திக்க போகும் அந்த நாள்………………… எப்போது கிட்டுமென எனையே நொந்து கொள்கின்றேன் எனக்குள் நீ வாழ்கின்றாய் என் இறுதி வரை வாழ்ந்து கொண்டே இருப்பாய் என் மூச்சு நிற்கும் வரை உனக்குள் நானும் வாழ்ந்து கொண்டிருப்பேன் என்றபோதும், உனை என்னருகிலேயே கேட்கின்றேன்! உன் சந்தோசத்தில் பங்கேற்பதற்கல்ல நீ இடிந்து போகும் நேரங்களில் உன் துணையாய் துணைவியாய் தாயாய் மாற…………!
Read more