மலையக வாழ்க்கை












காலையிலே கண்முழிச்சி
என்னையும் குளிக்க வைச்சி
மலை மேல ஏறி தினம்
கொழுந்து பறிக்க போறவளே

கொழுந்து பறிக்க போயி
உன் கையி புண்ணாக
வாய் செவக்க வெத்தலையும்
வலி மறக்க போடுறியே












கவ்வாத்து புடிக்க போயி
என் கையில் கத்திபட
ஒப்பாரி வைச்சு நீயும்
ஊரையே கூட்டுறியே

சங்கு சத்தம் கேட்டதுமே
அவசரமா ஓடிவந்து
சுட சுட சமைச்சு தந்து
புள்ளைகள பாத்துகுற












புள்ளைக்கு படிப்போட பாசத்தையும்
ஊட்டி தான் நீ இருக்க
பட்ட கடன் தெரியாம
தான் நீயும் வளர்க்குறியே

வருத்தமுன்னு ஒரு நாளும்
முடியாம படுக்காம
கஸ்டபட்டு முழு நாளும்
ஓயாமல் நீ உழைப்ப











பக்கத்து லயத்துலயே
ஓ அம்மா வீடிருக்க
கண் கசக்கி போக மாட்ட
ஏ மேல பாசத்துல

மழையிலயும் வெயிலுலயும்
மாடு போல உழைக்குறியே
மனமுடைஞ்சு போயிராத
மாரியாத்தா துணையிருப்பா






Comments

இறக்குவானை நிர்ஷன் said…
//மழையிலயும் வெயிலுலயும்
மாடு போல உழைக்குறியே
மனமுடைஞ்சு போயிராத
மாரியாத்தா துணையிருப்பா
//

நல்லாயிருக்கு.
இப்படி நினைச்சு தான் மக்கள் காலம் கடத்திக்கொண்டிருக்காங்க.

இன்னும் தொடர்ந்து எழுதுங்க.
October 22, 2009 at 4:10 AM
தங்க முகுந்தன் said…
கவிதை அருமை! உண்மையான அவர்கள் வாழ்வை - குறிப்பாக பெண்களுடைய கஷ்டத்தை பிரதிபலிக்கிறது! நன்றி!
October 22, 2009 at 9:45 AM
யோ வொய்ஸ் (யோகா) said…
அழகான கவிதை கீர்த்தி வாழ்த்துக்கள்

(இந்த கவிதைக்கு ஏற்கனவே நான் உங்களுக்கு வாழ்த்தியிருக்கிறேன் என நினைக்கிறேன்.)
October 23, 2009 at 3:30 AM
Post a Comment

Popular posts from this blog

விழுவியம் காப்போம்

நம் முன்னோர்கள் விழுவியம் காப்போம் என அடிக்கடி சொல்ல கேள்விப்பட்டிருப்பீர்கள் ஆனால் விழுவியங்கள் என்றால் என்னவென்பது இன்று வரை நம்மில் பலருக்கு தெரிந்திருக்க வாய்ப்பில்லை. அவர்கள் தெரிந்து கொள்ள முயற்சி செய்வதும் இல்லை ஏனென்றால் நாம் அனைவரும் அப்படியான ஒரு சூழலுக்கு பழக்கப்பட்டவர்களாகவும், நேரமின்மையில் அவதிப்படுபவர்களாகவும் காணப்படுகின்றோம். இனி விழுமியங்கள் சார்ந்த சில தகவல்களை பார்ப்போம். மனிதனுடைய நம்பிக்கைகள், எண்ணங்கள், கருத்துக்கள் என்பவற்றின் உருவாக்கத்தின் அடிப்படையில் அமைந்துள்ளதே விழுமியம் எனப்படுகின்றது. விழுமியங்களை ஒழுக்கத்துடனும், நேர்மையுடனும் பயன்படுத்துவதே அவற்றின் தொடர்ச்சியை உறுதிப்படுத்துகின்றது. இந்தத் தொடர்ச்சியே விழுமியத்தை தொடர்புடைய ஏனைய கருத்துருக்களான அன்பு, நாணயம், இரக்கம், நீதி, நேர்மை, நம்பிக்கை, கருத்து, எண்ணம், பக்தி என்பவற்றிலிருந்து வேறுபடுத்துகின்றது. இத்தகைய சூழலில் விழுமியம் என்பது மனிதர் எதை அடிப்படையாகக் கொண்டு செயற்படுகிறார்களோ அதைக் குறிக்கிறது எனலாம். இவ்வாறான கருத்துருக்களை வாழ்க்கையில் முதன்மையாக கொண்டு செயற்படும், முன்னகர்த்தப்படும் ஒரு
Read more

ஹைக்கூ கவிதைகள்

"நண்பன்" துன்பத்திலும் வாழ்பவன் உற்ற துணையாக ! "இரவு" நிலவொளியினோடு தனிமையும் சொந்தமானது ! "கல்வி" இறப்பினூடும் அழிவில்லா செல்வமிதுதான் ! "காதல்" இதயங்களின் இனிமையும் இன்பமயமாக ! "கவிதை" உணர்வு சொட்டு உதிரமாய் உருவாகின்றது ! "நிலவு" வட்டமுகமது வானத்தில் வட்டமிட்டது ! "மௌனம்" வார்த்தைகளின் தொடர்ச்சி வந்துதிக்குது ! "தனிமை" இல்லாமையிலும் இறுதிவரை உடனிருப்பது ! "கடவுள்" நேற்றையதினமே எதிர்கால வித்திட்டவன் ! "ஏழை" தினம்தினமும் உண்டழுக தண்ணீர் அமுது ! "தாலி" பெண்ணவளுக்கு துணைவனின் உத்தரவாதம் !
Read more

29. தவிப்போடு ஒரு மனசு

என்னவனே, ஏனடா இத்தனை தவிப்பு உன்னால் மட்டும்? உனை ஒருமுறையாவது சந்தித்து விட துடிக்குது மனசு உனை ஒருமுறையாவது ஸ்பரிசித்துவிட ஏங்குது நெஞ்சம் உனக்காய் வாழ்வதில் தான் எத்தனை இன்பங்கள் உனக்குள் தொலைவதில்தான் எத்தனை கோடி களிப்பு ஏனோ, உலகமே எனக்குள் இருப்பதாய் ஒரு உணர்வு நீ என்னோடு இருப்பதால் நான் உனக்குள் தொலைந்ததால் வாழ்வதாயின் உன்னோடு மட்டுமே வாழ்ந்துவிட கேட்கின்றேன் மாள்வதாயினும் உனக்காய் மட்டுமே மாண்டுவிட கேட்கின்றேன் உனை சுவாசிப்பதனிலும் உனை அணுவணுவாய் ரசிப்பதனிலும் இன்பமுண்டோ எனக்கு? உனை ஆதிமுதல் அந்தம் வரை எனக்கே கேட்கின்றேன் என்னவனாய் மட்டும்! உனை சந்திக்க போகும் அந்த நாள்………………… எப்போது கிட்டுமென எனையே நொந்து கொள்கின்றேன் எனக்குள் நீ வாழ்கின்றாய் என் இறுதி வரை வாழ்ந்து கொண்டே இருப்பாய் என் மூச்சு நிற்கும் வரை உனக்குள் நானும் வாழ்ந்து கொண்டிருப்பேன் என்றபோதும், உனை என்னருகிலேயே கேட்கின்றேன்! உன் சந்தோசத்தில் பங்கேற்பதற்கல்ல நீ இடிந்து போகும் நேரங்களில் உன் துணையாய் துணைவியாய் தாயாய் மாற…………!
Read more